جۋىردا ءۇرىمجى قالالىق بازاردى باقىلاۋ – باسقارۋ مەكەمەسى شاش بوياۋ (شاش كۇتىمدەۋ) تۇرىندەگى بەزەنۋ بۇيىمدارىنا ارناۋلى تەكسەرۋ جۇرگىزۋ بارىسىندا بايقاعان 3 رەتكى تيپتىك دەلو جونىندە حابارلاندىرۋ شىعاردى.
ءۇرىمجى اۋداندىق بازاردى باقىلاۋ – باسقارۋ مەكەمەسى تەكسەرىپ انىقتاعان ءمالىم بيولوگيالىق عىلىم – تەحنيكا سەرىكتەستىگىنىڭ رۇقسات الماي تۇرىپ ءوز بەتىمەن بەزەنۋ بۇيىمدارىن وندىرۋمەن شۇعىلدانۋىنا قاتىستى دەلو. 2024 – جىلى 2 – ايدىڭ 26 – كۇنى، ءۇرىمجى اۋداندىق بازاردى باقىلاۋ – باسقارۋ مەكەمەسىنىڭ زاڭ اتقارۋشى قىزمەتكەرلەرى كۇندەلىكتى تەكسەرۋ بارىسىندا ءمالىم بيولوگيالىق عىلىم – تەحنيكا شەكتى سەرىكتەستىگىنىڭ ءۇرىمجى اۋدانى بانفاڭگۋ قالاشىعىنداعى ءمالىم قويماعا بەزەنۋ بۇيىمدارىن وندىرەتىن قۇرال – جابدىقتاردى جانە ”رۋشالي ساباقتى وسىمدىكتەن جاسالعان قۋاتتىق تالقانىنان“ 4830 قالتاسىن بايقاعان، دەلوعا قاتىستى سوما 5610 يۋان بولعان، ىسكە قاتىستى ادام بەزەنۋ بۇيىمدارىن ءوندىرۋ رۇقسات كۋالىگىن كورسەتە الماعان. قاتىستى بەلگىلەمەلەرگە ساي، ىسكە قاتىستى ادامعا زاڭ بويىنشا ”رۋشالي ساباقتى وسىمدىكتەن جاسالعان قۋاتتىق تالقانىنان“ 4830 قالتاسىن جانە 2 قالتا شيكىزاتتى ءمۇسادىرالاۋ ءارى اكىمشىلىك جاقتان 30000 يۋان اقشالاي ايىپ سالۋ جازاسىن بەرگەن.
دابانچىڭ رايوندىق بازاردى باقىلاۋ – باسقارۋ مەكەمەسى تەكسەرىپ انىقتاعان ءمالىم دۇكەننىڭ كۇشكە يە مەرزىمنەن ءوتىپ كەتكەن بەزەنۋ بۇيىمىن ساتۋى جونىندەگى دەلو. 2024 – جىلى 7 – ايدىڭ 8 – كۇنى، دابانچىڭ رايوندىق بازاردى باقىلاۋ – باسقارۋ مەكەمەسىنىڭ زاڭ اتقارۋشى قىزمەتكەرلەرى باقىلاۋ – تەكسەرۋ بارىسىندا قاراماعىنداعى وڭىردەگى ءمالىم دۇكەننىڭ ساتىلاتىن تاۋارلار سورەسىنە ”فىڭحۋا جىبەك بەلوگى شاشتى قۋاتتاندىرىپ كۇتىمدەۋ سۇيىقتىعى“ قاتارلى پايدالانۋ ۋاقىتى ءوتىپ كەتكەن بەزەنۋ بۇيىمدارىنان 6 بوتەلكە بۇيىمنىڭ تىزىلگەنىن بايقاعان، زاڭ اتقارۋشى قىزمەتكەرلەر اتالعان بەزەنۋ بۇيىمدارىن ۇستاپ قالۋ قاتارلى اكىمشىلىك ماجبۇرلەۋ شاراسىن اتقارعان. قاتىستى بەلگىلەمەلەرگە ساي، ىسكە قاتىستى ادامعا زاڭسىز تيجارات ەتكەن ”فىڭحۋا جىبەك بەلوگىنان جاسالعان شاشتى قۋاتتاندىرىپ كۇتىمدەۋ سۇيىقتىعى“ ونىمىنەن 3 بوتەلكەسىن، ”فىڭحۋا ءبيداي بەلوگىنان جاسالعان شاشتى كۇتىمدەۋ سۇيقتىعىنان“ 3 بوتەلكەسىن ءمۇسادىرالاۋ ءارى اكىمشىلىك جاقتان 5000 يۋان اقشالاي ايىپ سالۋ جازاسىن بەرگەن.
سايباق رايوندىق بازاردى باقىلاۋ – باسقارۋ مەكەمەسى تەكسەرىپ انىقتاعان بەزەنۋ بۇيىمىن تيجارات ەتۋشىنىڭ زات كىرگىزگەن كەزدە تەكسەرۋ ءتۇزىمىن اتقارماستان بەزەنۋ بۇيىمدارىن ساۋدالاۋىنا قاتىستى دەلو. 2024 – جىلى 6 – ايدىڭ 13 – كۇنى سايباق رايوندىق بازاردى باقىلاۋ – باسقارۋ مەكەمەسىنىڭ زاڭ اتقارۋشى قىزمەتكەرلەرى كۇندەلىكتى تەكسەرۋ بارىسىندا ءۇرىمجى قالاسى سايباق رايونىنداعى ءمالىم بەزەنۋ بۇيىمدارىن تيجارات ەتەتىن دۇكەن ساۋدالاعان 8 قوراپ ”اۋ – ي شاش بوياۋ سۇيىقتىعى – قوڭىر ءتۇستى“ ءونىمىن بايقايدى، ىسكە قاتىستى ادام سول جەردە بۇل زاتتاردى كىرگىزگەن كەزدە تەكسەرىپ وتكىزىپ العانىنا قاتىستى ەستەلىكتەر مەن ىسپاتتاردى كورسەتە المايدى، زاتتى تەكسەرىپ كىرگىزۋ ءتۇزىمىن اتقارماستان بەزەنۋ بۇيىمدارىن ساۋدالاۋ جاعدايىن قالىپتاستىرعان. بەلگىلەمەگە ساي، قىزمەتكەرلەر ىسكە قاتىستى ادامدى بۇل جاعدايدى وزگەرتۋگە بۇيىرعان ءارى زاڭ بويىنشا اكىمشىلىك جاقتان 3000 يۋان اقشالاي ايىپ سالعان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
