شينحۋا اگەنتتىگىنىڭ ءتىلشىسى شىن چىڭ، حۋ شۇي 10 – ايدىڭ 15 – كۇنى بەيجيڭنەن حابارلايدى. سۋ بايلىعىن باسقارۋ مەن قورعاۋدى كۇشەيتۋ، سۋ بايلىعىن ۇنەمدى، شوعىرلى، حاۋىپسىز پايدالانۋدى ىلگەرىلەتۋ ءۇشىن، قازىنا مينيسترلىگى، مەملەكەتتىك باجى ىستەرى باس مەڭگەرمەسى، سۋ يگىلىگى مينيسترلىگى 10 – ايدىڭ 15 – كۇنى «سۋ بايلىعى اقىسىن باجىعا وزگەرتۋ رەفورماسىن تۇيىندە سىناق ەتۋدەگى اتقارىلاتىن ءادىستى» باسىپ تاراتىپ، 2024 – جىلى 12 – ايدىڭ 1 – كۇنىنەن باستاپ سۋ بايلىعى اقىسىن باجىعا وزگەرتۋدى تۇيىندە سىناق ەتۋدىڭ جاپپاي اتقارىلاتىنىن ايقىن تۇراقتاندىردى.
2016 – جىلى 7 – ايدىڭ 1 – كۇنىنەن باستاپ، ەلىمىز ىلگەرىندى – كەيىندى حىبەي، بەيجيڭ، تيانجىن قاتارلى 10 نەشە ولكەدە (اۆتونوميالى رايون، توتە قاراستى قالا) سۋ بايلىعى اقىسىن باجىعا وزگەرتۋ جونىندە رەفورما جۇرگىزۋدى تۇيىندە سىناق ەتۋدى ورىستەتكەن. رەفورمانى تۇيىندە سىناق ەتۋ جەر استى سۋىنان شەكتەن تىس پايدالانۋدى تەجەۋ، سۋدان پايدالانۋ تاسىلىندە بۇرىلىس جاساۋ، سۋدى ۇنەمدەگە قاراي وزگەرتۋدى ىلگەرىلەتۋ، سۋدى پايدالانۋ ىستەرىن جۇيەگە ءتۇسىرۋ قاتارلى جاقتاردا كورنەكتى ونىمدىلىكتەرگە قول جەتكىزگەن.
سۋ بايلىعى اقىسىن باجىعا وزگەرتۋدى تۇيىندە سىناق ەتۋدى جاپپاي اتقارۋ سۋ بايلىعى اقىسىن باجىعا وزگەرتۋ رەفورماسىنىڭ جەتىستىكتەرىن اناعۇرلىم بەكەمدەۋ مەن كەڭەيتۋگە، جاسىل تيپتى دامۋ ءتاسىلى مەن تۇرمىس ءتاسىلىن قالىپتاستىرۋدى ىلگەرىلەتۋگە ءتيىمدى، قازىنا – باجى تۇزىلىسىنە رەفورما جاساۋ مەن جاسىل تيپتى باجى الۋ جۇيەسىن كەمەلدەندىرۋدەگى ماڭىزدى جەتىستىك سانالادى. ءۇش تاراۋدىڭ قاتىستى مەڭگەرمەلەرىنىڭ جاۋاپتىلارىنىڭ تانىستىرۋىنشا، سۋ بايلىعى اقىسىن باجىعا وزگەرتۋدى تۇيىندە سىناق ەتۋدى جاپپاي اتقارۋدا، باستىسى، مىناداي ءتورت جاقتاعى پرينسيپكە ساي بولۋ كەرەك: ورنىقتى تۇردە اۋىستىرۋ، تۇرگە ءبولىپ رەتتەۋ – تەجەۋدى كۇشەيتۋ، وڭىرلەر ارا پارىققا قاراي اتقارۋ، جەرگىلىكتى ورىننىڭ بەلسەندىلىگىن جەبەۋ.
ادىسكە نەگىزدەلگەندە، وزەننەن، كولدەن (سۋ قويماسى، سۋ بۇرۋ ينجەنەرياسى قاتارلى سۋ بايلىعىن رەتتەۋ ينجەنەريالارىن قامتيدى) جانە جەر استىنان سۋ بايلىعىن تىكەلەي الىپ پايدالانعان ورىندار مەن جەكەلەر سۋ بايلىعى باجىسىن تاپسىرادى. سۋ بايلىعى باجىسىن جيناۋدا مولشەرى بويىنشا باجى الۋ اتقارىلادى، سۋ بايلىعىنىڭ جاعدايى، پايدالاناتىن سۋدىڭ ءتۇر – تيپى جانە ەكونوميكانىڭ دامۋى قاتارلى جاعدايلارعا قاراي وتىرىپ، پارىقتى باجى سوماسى اتقارىلادى. سۋ بايلىعى اقىسىن باجىعا وزگەرتۋدى تۇيىندە سىناق ەتۋ جاپپاي اتقارىلعان سوڭ، سۋ بايلىعى اقىسىن باجىعا وزگەرتۋدەن تۇسكەن كىرىس تۇگەلدەي جەرگىلىكتى ورىنعا تاۋەلدى بولادى، وسى ارقىلى جەرگىلىكتى ورىننىڭ دەربەس قازىنالىق قۋاتىن ۇيلەسىمدى ارتتىرۋعا بولادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
