جۋىردا جۇڭگو فۋتبول بىرلەستىگى U17 مەملەكەتتىك ايەلدەر فۋتبول كومانداسىنىڭ 2024 – جىلعى ءبىرىنشى كەزەڭدىك شوعىرلى جاتتىعۋ تىزىمدىگىن جاريالادى، ىلە وبلىسى كۇنەس اۋدانىنداعى 16 جاستاعى بويجەتكەن ماحپەر جانار قىزى تىزىمدىككە كىردى، ول وسى جولى شينجياڭنان تىزىمدىككە كىرگەن بىردەن – ءبىر سپورتشى.
مەملەكەتتىك فۋتبول بىرلەستىگىنىڭ ايەل فۋتبولشىلاردى باسەكەلەستىرىپ جاتتىقتىرۋ جوسپارىنداعى ورنالاستىرۋعا ساي، U17 مەملەكەتتىك ايەلدەر فۋتبول كومانداسى 2024 – جىلى 10 – ايدىڭ 23 – كۇنىنەن 11 – ايدىڭ 8 – كۇنىنە دەيىن يۇننان ولكەسىنىڭ يۇيشي قالاسىنداعى ۇستىرتتىك حالىقارالىق دەنە تاربيەلىك جاتتىعۋ بازاسىندا تاڭداپ جاتتىقتىرۋدى وتكىزەدى. وسى رەتكى شوعىرلى جاتتىعۋدى وتكىزۋدەگى ماقسات — ايەلدەردىڭ 2025 – جىلعى U17 الەم چەمپيوناتىنىڭ شەشۋشى جارىسىنا دايىندالۋ، ايەلدەر فۋتبول كومانداسىنا ۇزدىك زاپاس دارىندىلاردى جەتىلدىرۋ قىزمەتىن اناعۇرلىم ويداعىداي ىستەۋ.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
