شينجياڭ وتباسىلىق جابدىقتارىن، اس ءۇي جابدىقتارىن، تازالىق ءۇي جابدىقتارىن ساتىپ الۋشىلاردى قولدايدى
وسى 23 تۇردەگى تاۋاردى ساتىپ العاندارعا ءار تۇرگە ەڭ جوعارى بولعاندا 1000 يۋان قوسىمشا قاراجات بەرىلەدى
شينجياڭ تۇتىنۋ بۇيىمدارىنىڭ كونەسىن جاڭاعا اۋىستىرۋ ساياساتى نەگىزىندە، شينجياڭ وتباسىلىق جابدىقتارىن، اس ءۇي جابدىقتارىن، تازالىق ءۇي جابدىقتارىن جاڭالاۋدى قولداۋ ساياساتىن شىعارىپ، تۇتىنۋدى ۇزدىكسىز كۇش سالا جەبەپ، حالىق تۇرمىسىنا تيىمدىلىك جاسادى.
تاياۋدا، شينجياڭ ۇيعۇر اۆتونوميالى رايوندىق ساۋدا ىستەرى مەڭگەرمەسى سياقتى 8 تاراۋ «شينجياڭ ۇيعۇر اۆتونوميالى رايونىنىڭ 2024 ـ جىلى وتباسىلىق جابدىقتارىن، اس ءۇي جابدىقتارىن، تازالىق ءۇي جابدىقتارىن ”جاڭالاۋعا“ قوسىمشا قاراجات بەرۋ قىزمەتىنە كۇش سالا قولداۋ كورسەتۋ ناقتى ەرەجەسىن» (تومەندە قىسقارتىپ «ەرەجە» دەلىنەدى) باسىپ تاراتتى، مۇنداعى ماقسات — قوسىمشا قاراجات بەرۋ شاراسى ارقىلى جاسىل، قورشاعان ورتانى قورعايتىن، زەردەلى، قارتتارعا ۇيلەسەتىن ءۇي جابدىقتارىن جالپىلاستىرۋدى ىلگەرىلەتىپ، سول ارقىلى تۇرعىنداردىڭ تۇرعىن ءۇي ساپاسىن جوعارىلاتۋ.
ەرەجەدە مىنالار ايقىن بەلگىلەندى: تۇتىنۋشىلار 2024 – جىلى 12 – ايدىڭ 31 – كۇنىنەن بۇرىن مونشا جابدىعى، دارەت شەلەگى، اينالى شكاپ، مونشا كۇبىسى، ۇرىدان ساقتانۋ ەسىگى، فارفور كەرپىش، ەدەن اعاشى، دايىن تەرەزە، سۋ تازارتقىش قاتارلى 10 ءتۇرلى ءۇي جيھازدارى، قۇرىلىس ماتەريالدارى تۇرىندەگى تاۋارلاردى، سونداي - اق شكاپ، سافا، تۇتقا، ۋقالاۋ ورىندىعى، توسەك ، توسەنىش، سيگنال بەرگىش (ءتۇتىن، گاز، سۋدان ساقتانۋ سيگنالى)، زەردەلى كەسكىن تۇسىرگىش، زەردەلى شاقىرعى، كۇتىمدەۋ يقۋاتى بار توسەك، تۇرۋعا كومەكتەسەتىن كرەسلو، يقۋاتتىق اس ۇستەلى سياقتى 13 ءتۇرلى تاۋار - ءۇي جيھازدارى مەن قارتتار پايدالانۋعا ۇيلەسەتىن تاۋارلارعا ساتىپ العان باعاسىنىڭ %15ى بويىنشا قوسىمشا قاراجات بەرىلەدى.
ءار تۇتىنۋشى ءۇي اشەكەيلەۋ قۇرىلىس ماتەريالدارىن، ءۇي جيھازىن جانە قارتتار پايدالانۋعا ۇيلەسەتىن تاۋارلاردى ساتىپ العاندا، ءار تۇردەگى تاۋارعا ءبىر رەت قوسىمشا قاراجات بەرۋگە بولادى، ءار قوسىمشا قاراجات سوماسى 1000 يۋاننان اسپايدى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
