شينحۋا اگەنتتىگىنىڭ 10 – ايدىڭ 16 – كۇنى بەيجيڭنەن بەرگەن حابارى. 10 – ايدىڭ 16 – كۇنى تۇستەن بۇرىن، ورتالىق رۋحاني وركەنيەت قۇرىلىسى كەڭسەسى مەن مەملەكەتتىك ورگان ىستەرىن باسقارۋ مەڭگەرمەسى ۇيىمداستىرعان ”اس – سۋ ىسىراپشىلدىعىن باتىل تەجەۋدە پارتيا – ۇكىمەت ورگاندارى الدىڭعى قاتاردا ءجۇرۋى كەرەك“ اتتى ەلىمىز بويىنشا استىقتى ۇنەمدەۋدە ۇگىت جۇرگىزۋدىڭ ورگاندارعا قادام تاستاۋى قيمىلى بەيجيڭدە باستالدى.
قيمىل بارىسىندا «‹ورگان اسحانالارىندا ازىق – تۇلىكتى ىسىراپ ەتۋگە قارسى تۇرۋ قىزمەتىنىڭ باعدارلاماسىن› ءتۇسىندىرۋ جانە امالياتتا اتقارۋ» اتتى مەملەكەتتىك ولشەمدى تۇسىندىرەتىن كىتاپ جاريالانىپ، استىق حاۋىپسىزدىگى جانە ونى ۇنەمدەۋ توڭىرەگىندە ۇيرەنۋ جانە اۋىس – كۇيىس ورىستەتىلىپ، ورتالىققا قاراستى مەملەكەتتىك ورگانداردىڭ، جەرگىلىكتى ورگانداردىڭ اسحانالارىنىڭ ازىق – تۇلىكتى ىسىراپ ەتۋگە قارسى تاجىريبەلەرى مەن ادىستەرى كورسەتىلدى.
قاتىستى تاراۋلارداعى جاۋاپتى جولداستار مىنانى ءبىلدىردى: پارتيا – ۇكىمەت ورگاندارى استىقتى ۇنەمدەۋ جاعىندا ۇلگى كورسەتۋى، ۇنەمشىلدىك تانىمىن تىكتەۋى، ۇنەمشىلدىك مادەنيەتىن كوركەيتۋى، ۇگىت جۇرگىزۋ مەن تاربيە بەرۋدى كۇشەيتۋى، كۇندەلىكتى باسقارۋدى ويداعىداي ىستەۋى، اس ۇستەلىندەگى ”شاعىن مادەنيەت“ ارقىلى قوعامداعى ”كولەمدى مادەنيەتتى“ ىلگەرىلەتۋى كەرەك. ورگانداردىڭ اسحاناسىنداعى ازىق – تۇلىكتى ىسىراپ ەتۋگە قارسى تۇرۋ قىزمەتىن شىنايى كۇشەيتىپ، ۇزاق مەرزىمدىك مەحانيزمدەر، ادەت قالىپتاستىرۋ قاتارلى جاقتاردان باستاپ ىستەپ، قاتىستى زاڭداردى، ساياساتتاردى، تۇزىمدەردى، ولشەمدەردى جالپىلاستىرىپ، ۇنەمشىلدىكتى بۇلجىتپاي اتقاراتىن، ىسىراپشىلدىققا قارسى تۇراتىن قويۋ اۋقىم قالىپتاستىرۋى كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
