شىعىس بولىك شايقاس رايونىنىڭ مالىمدەمەشىسى، تەڭىز ارميا داشياۋى لي شي مىنانى ءبىلدىردى: 10 – ايدىڭ 20 – كۇنى، ا ق ش – نىڭ ”حيگگينس“ قۋعىنداۋشى كەمەسى مەن كانادانىڭ ”ۆانكوۆەر“ قورعاۋشى كەمەسى تايۋان بۇعازىنان وتكەن ءارى بۇل ءىستى اشىق دابىرالاعان. جۇڭگو حالىق ازاتتىق ارمياسى شىعىس بولىك شايقاس رايونى تەڭىز – اۋە اسكەري كۇشتەرىن ۇيىمداستىرىپ، ا ق ش مەن كانادانىڭ ءجۇزىپ ءوتۋ ارەكەتىن جالپى بارىس بويىنشا وكشەلەي باقىلاپ، ساقتىق شارالارىن قولدانىپ، زاڭ – تۇزىمگە ساي ءبىرجاقتى ەتكەن. ا ق ش مەن كانادانىڭ ارەكەتى سويقان شىعارۋ، بىلىقتىرۋ ارەكەتىنە جاتادى، تايۋان بۇعازىنىڭ بەيبىتشىلىگى مەن ورنىقتىلىعىن بۇلدىرەدى. شايقاس رايونىنداعى قوسىندار ءسات سايىن وسكەلەڭ قىراعىلىقتى ساقتاپ، مەملەكەتتىڭ يەلىك ۇقىعى مەن حاۋىپسىزدىگىن، ءوڭىردىڭ بەيبىتشىلىگى مەن ورنىقتىلىعىن باتىل قورعايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
