مەملەكەتتىك ءدارى – دارمەكتى باقىلاۋ – باسقارۋ مەكەمەسى: زاڭسىز ارنالارمەن ءدارى – دارمەك ساتىپ الۋ سياقتى زاڭعا، بەلگىلەمەگە قايشى ارەكەتتەرگە قاتاڭ سوققى بەرىلەدى
10 – ايدىڭ 17 – كۇنى، مەملەكەتتىك ءدارى ـ دارمەكتى باقىلاۋ ـ باسقارۋ مەكەمەسى ۋحاندا مەملەكەتتىك ءدارى ـ دارمەك اينالىمىن باقىلاۋ ـ باسقارۋ قىزمەتى ءماجىلىسىن اشتى. ءماجىلىس بيىل جىل باسىنان بەرى بۇكىل ەلدىڭ ءدارى ـ دارمەك اينالىمىن باقىلاۋ ـ باسقارۋ جاعدايىن حابارلاندىرىپ، باقىلاۋ ـ باسقارۋ قىزمەتىنىڭ تاجىريبەلەرىن اۋىستىرىپ، كەلەر جىلعى ءتۇيىندى مىندەتتەردى جوسپارلادى.
ءماجىلىس مىنالاردى اتاپ كورسەتتى: كەزەكتە ءدارى ـ دارمەك اينالىمىن باقىلاۋ ـ باسقارۋ جاڭا جاعدايعا ءدوپ كەلدى، ءار دارەجەلى ءدارى ـ دارمەك باقىلاۋ ـ باسقارۋ تاراۋلارى ”تورتتە بارىنشا قاتاڭ بولۋ“ تالابىن تياناقتاندىرىپ، ماسەلەنى باعدار ەتۋگە تاباندى بولىپ، حاۋىپ ـ قاتەردى تۇجىرىمداۋدى جانە حاۋىپ ـ قاتەردەن ساقتانۋ ـ تىزگىندەۋدى كۇشەيتىپ، كاسىپورىنداردىڭ تۇلعالىق جاۋاپكەرشىلىگى مەن قاراستى جەر بويىنشا باقىلاۋ ـ باسقارۋ جاۋاپكەرشىلىگىن ناقتىلاندىرۋ كەرەك. ءماجىلىس مىنالاردى باسا دارىپتەدى: ءدارى ـ دارمەك تيجاراتى مەن پايدالانۋ بۋىندارىن ارناۋلى تەكسەرۋدى ىشكەرىلەي ورىستەتىپ، زاڭسىز ارنالار ارقىلى ءدارى ـ دارمەك ساتىپ الۋ سياقتى زاڭعا، بەلگىلەمەگە قايشى ارەكەتتەرگە قاتاڭ سوققى بەرۋ كەرەك؛ جەلىدە جانە جەلىدەن تىس ءبىر تۇلعالانعان باقىلاۋ ـ باسقارۋعا تاباندى بولىپ، ءدارى ـ دارمەكتى ينتەرنەتتە ساتۋدى باقىلاۋ ـ تەكسەرۋدى ۇزدىكسىز كۇشەيتىپ، ءۇشىنشى جاق تەكشەسىنىڭ ءوزىن - ءوزى قاتاڭ تەجەۋىن باقىلاپ، توراپتا ساتىلاتىن رەتسەپتىك دارىلەردى باقىلاۋ - باسقارۋدى كۇشەيتىپ، ءدارى - دارمەك ساپاسىنىڭ حاۋىپسىزدىگىن شىنايى قامتاماسىزداندىرۋ كەرەك.
مەملەكەتتىك ءدارى ـ دارمەكتى باقىلاۋ ـ باسقارۋ مەكەمەسى ءدارى ـ دارمەك باقىلاۋ ـ باسقارۋ ءبولىمىنىڭ، قاتىستى توتە قاراستى ورىنداردىڭ، سونداي ـ اق ولكەلىك (اۆتونوميالى رايوندىق، توتە قاراستى قالالىق) ءدارى ـ دارمەكتى باقىلاۋ ـ باسقارۋ مەكەمەلەرىنىڭ جانە شينجياڭ ءوندىرىس ـ قۇرىلىس بيڭتۋانى ءدارى ـ دارمەكتى باقىلاۋ ـ باسقارۋ مەكەمەسىنىڭ قاتىستى باسقارمالارىنىڭ، كەڭسەلەرىنىڭ جاۋاپتى جولداستارى ماجىلىسكە قاتىناستى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
