جۇمىسشىلار گازەتىنىڭ ءتىلشىسى شى لاننا 10 – ايدىڭ 17 – كۇنى بەيجيڭنەن حابارلايدى. مەملەكەتتىك كەڭەستىڭ اقپارات كەڭسەسى 10 – ايدىڭ 17 – كۇنى اقپار جاريالاۋ ءماجىلىسىن اشىپ، قورا – جاي بازارىنىڭ ورنىقتى دا اقاۋسىز دامۋىن ىلگەرىلەتۋگە قاتىستى جاعدايلاردى تانىستىردى. ماجىلىستە تۇرعىن ءۇي جانە قالا – اۋىل قۇرىلىسى مينيسترلىگىنىڭ مينيسترى ني حۇڭ مىنانى ءبىلدىردى: اتالعان مينيسترلىك كوپتەگەن تاراۋلارمەن بىرگە ”ءتورتتى كۇشىنەن قالدىرۋ، ءتورتتى تومەندەتۋ، ەكىنى ارتتىرۋ“ ارقىلى قازىر بار ساياساتتاردى اتقارۋدى، جاڭا ساياساتتاردى ورتاعا قويۋدى مىقتى ۇستاپ، جان – جاقتى شارالاردى قولدانىپ، بازاردا قۇلدىراۋدى توقتاتىپ، قايتالاي ورنىقتىرۋدى ىلگەرىلەتەدى. مۇنىڭ ىشىندە، ەكىنى ارتتىرۋ دەگەنىمىز، بىرىنشىدەن، ۆاليۋتالاندىرىلعان ورنالاستىرۋ قاتارلى تاسىلدەر ارقىلى قالا ورتاسىنداعى قىستاقتاعى ۇيلەر مەن حاۋىپتى كونە ۇيلەردەن جاڭادان ءبىر ميلليون ءۇيدى وزگەرتۋ؛ ەكىنشىدەن، جىل سوڭىنان بۇرىن ”اق تىزىمدىكتەگى“ نىساندارعا بەرىلەتىن سەنىمدى قارىز كولەمىن 4 تريلليون يۋانعا جەتكىزۋ.
وسى رەت قالا ورتاسىنداعى قىستاقتارداعى ۇيلەر مەن حاۋىپتى كونە ۇيلەردەن جاڭادان ءبىر ميلليون ءۇيدى وزگەرتىپ سالۋدى اتقارۋدا، باستىسى، ۆاليۋتالاندىرىلعان ورنالاستىرۋ ءتاسىلى قولدانىلادى. ني حۇڭنىڭ ايتۋىنشا، بۇل بۇقارانىڭ ءوزىنىڭ قالاۋىنا جانە قاجەتىنە قاراي ۇيلەسىمدى ءۇيدى تاڭداۋىنا، وتپەلى كەزەڭدە باسقا ۇيگە كوشۋ جاعدايىن ازايتۋعا نەمەسە بولعىزباۋعا، ولاردىڭ تىكەلەي جاڭا ۇيگە كوشىپ كىرۋىنە شارت – جاعداي جاساۋعا ءتيىمدى. سونىمەن بىرگە، سالىنىپ بولعان ساۋدالىق تۇرعىن ۇيلەردى وتكىزۋگە دە ءتيىمدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
