شينحۋا اگەنتتىگىنىڭ ءتىلشىسى شيە شيياۋ 10 – ايدىڭ 17 – كۇنى بەيجيڭنەن حابارلايدى. ءتىلشىنىڭ 10 – ايدىڭ 17 – كۇنى ساۋدا مينيسترلىگىنەن ۇعىسۋىنشا، 10 – ايدىڭ 16 – كۇنى ساعات 24 كە دەيىن، ەلىمىز بويىنشا اۆتوموبيلدى كەرەكتەن قالدىرۋ – جاڭالاۋ قوسىمشا قاراجاتىن الۋعا ءوتىنىش بەرۋ مولشەرى ءبىر ميلليون 420 مىڭنان اسقان، سول كۇنى قوسىمشا قاراجات الۋعا جاڭادان ءوتىنىش بەرۋشىلەردىڭ سانى تۇڭعىش رەت 20 مىڭنان اسقان.
ساۋدا مينيسترلىگىنىڭ دەرەكتەرىنە قاراعاندا، ەلىمىز بويىنشا اۆتوموبيلدى كەرەكتەن قالدىرۋ – جاڭالاۋ قوسىمشا قاراجاتىن بەرۋ ساياساتى اتقارىلعاننان بەرى، ءوتىنىش بەرۋ مولشەرى جەدەل ارتقان. اۆتوموبيلدىڭ كونەسىن جاڭاسىنا اۋىستىرۋ ينفورماتسيا تەكشەسى 4 – ايدىڭ 27 – كۇنى اۆتوموبيلدى كەرەكتەن قالدىرۋ – جاڭالاۋ قوسىمشا قاراجاتىن الۋعا بەرىلگەن تۇڭعىش رەتكى ءوتىنىشتى قابىلداعاننان بەرى، قوسىمشا قاراجات الۋعا ءوتىنىش بەرگەندەردىڭ سانىنىڭ 100 مىڭنان اسۋىنا 56 كۇن كەتكەن؛ ءوتىنىش سانىنىڭ 100 مىڭنان 500 مىڭعا جەتۋىنە 45 كۇن كەتكەن؛ 500 مىڭنان قازىرگى ءبىر ميلليونعا جەتۋىنە 38 كۇن كەتكەن.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
