ءبىر ماشينانى جاڭالاۋعا ەڭ كوپ بولعاندا 600 مىڭ يۋان قوسىمشا قاراجات بەرىلەدى
تيانشان تورابى – شينجياڭ گازەتىنىڭ ءتىلشىسى شى شين حابارلايدى. شينجياڭ اۋىل شارۋاشىلىعى ماشينالارىن جاڭالاۋعا ناق اقشامەن قولداۋ كورسەتىپ، جاڭا ماشينانى ساتىپ الىپ، كونە ماشينانى كەرەكتەن قالدىرعاندارعا قوسىمشا قاراجات بەرەدى. بيىل 9 – ايدان بەرى، اۆتونوميالى رايون مەملەكەتتىك زايوم قاراجاتى ارقىلى اۋىل شارۋاشىلىعى ماشينالارىن قاتاردان قالدىرۋ – جاڭالاۋعا ەكى توپتا جيىنى 90 ميلليون 290 مىڭ يۋان قوسىمشا قاراجات بەرۋ جونىندە ورنالاستىرۋ جاسادى، مەجەمەن ديقانداردىڭ 100 ميلليون يۋان قاراجاتپەن اۋىل شارۋاشىلىعى ماشيناسىن جاڭالاۋىن جەبەيدى، شامامەن 10 مىڭنان استام ديقان وتباسى وسى تيىمدىلىكتەن يگىلىكتەنەدى.
اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسى، قازىنا مەڭگەرمەسى، ساۋدا مەڭگەرمەسى بىرگە «قىزمەت تەبىنىن ارتتىرىپ، اۋىل شارۋاشىلىعى ماشينالارىنىڭ كونەسىن كەرەكتەن قالدىرۋ – جاڭالاۋ قوسىمشا قاراجاتىن بەرۋ ساياساتىن ۇزدىكسىز ويداعىداي اتقارۋداعى اتقارىلاتىن جوبانى» (تومەندە قىسقارتىىپ «جوبا» دەپ اتالادى) باسىپ تاراتىپ، اۋىل شارۋاشىلىعى ماشينالارىنان 15 ءتۇرلىسىن كەرەكتەن قالدىرۋ – جاڭالاۋعا بەرىلەتىن قوسىمشا قاراجاتتى تاراتۋعا قاتىستى ەگجەي – تەگجەيلى جاعدايدى ايقىندادى، ماقتا تەرەتىن ماشينانى كەرەكتەن قالدىرۋعا ەڭ جوعارى بولعاندا 60 مىڭ يۋان قوسىمشا قاراجات بەرىلەدى، ماقتا تەرەتىن ماشينانى جاڭالاۋعا ەڭ كوپ بولعاندا 600 مىڭ يۋان قوسىمشا قاراجات بەرىلەدى.
«جوبادا» اۋىل شارۋاشىلىعى ماشينالارىن كەرەكتەن قالدىرۋ – جاڭالاۋعا بەرىلەتىن قوسىمشا قاراجاتتىڭ كولەمى ايقىندالعان، تراكتور، تۇقىم سەپكىش، كومباين (استىق ماقتا، ماي، قانت قاتارلىلارعا قاتىستى داقىلداردى وراتىن ماشينالاردى قامتيدى)، كۇرىش ەگۋ ماشيناسى، اۋىل شارۋاشىلىعىنا قولدانىلاتىن بەيدوۋ كومەكشى جۇرگىزۋ جۇيەسى، جىلجىمالى بۇرىككىش (سەپكىش)، جىلجىمالى ءدان ايىرعىش، جەم – ءشوپ تۋراعىش، ءشوپ وتاعىش، جەر تەگىستەگىش، سوقا، قالدىق جارعاقتى جيناعىش، ساباندى تۋراپ اتىزعا توگەتىن ماشينا، اۆتوماتتى قوزعالاتىن كوك (سارى) جەم – ءشوپ جيناعىش، اۆتوماتتى جەمىس – جيدەك جيناعىش (پاميدور، اشتى بۇرىش، اشتى قاربىز قاتارلىلاردى جينايتىن ماشينالاردى قامتيدى) سىندى 15 ءتۇرلى ماشينا – جابدىق قامتىلادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
