شينجياڭ گازەتىنىڭ 10 – ايدىڭ 23 – كۇنى التايدان بەرگەن حابارى. ەرىكتى ءتىلشى كۇلاش شىعىس قىزى، حۋ تيانچي حابارلايدى: التاي قالاسى جينشان ءمالى باسقارماسى باقشا رايونى قاراستىلىعىنداعى وڭىردەگى تۇرعىنداردىڭ كۇندەلىكتى تۇرمىسىنا قولايلىلىق جاراتۋ ءۇشىن، 10 – ايدىڭ باس شەنىندە، تۇرعىنداردىڭ قاجەتىن ىشكەرىلەي ۇعىسقان سوڭ، پارتيا مۇشەلەرى مەن بۇقاراعا قىزمەت وتەۋ ورتالىعى ”قۇرال – جابدىقتاردى ورتاق پايدالانۋ بولمەسى“ اتتى پۋنكتتى ىسكە قوسىپ، تۇرعىنداردىڭ شاعىن اۋماقتان اتتاپ شىقپاي – اق، كۇندەلىكتى تۇرمىستاعى كىشى – گىرىم ماسەلەلەردى شەشىم ەتۋىنە قولايلىلىق جاراتتى.
جاڭادان قۇرىلعان ”قۇرال – جابدىقتاردى ورتاق پايدالانۋ بولمەسىنە“ بۇراۋىش، تىستەۋىك، بالعا، ەلەكتر قالام، ولشەۋىش، قايشى، جەلىمدى تاسپا، ەلەكترلى بۇرعى قاتارلى كۇندەلىكتى تۇرمىستاعى جوندەۋگە قاجەتتى قۇرال – جابدىقتار مەن تۇرمىستىق كومەكشى قۇرال – جابدىقتار قويىلعان، شاعىن اۋماقتىڭ قاراستىلىعىنداعى تۇرعىنداردىڭ كۇندەلىكتى تۇرمىستاعى بۇيىمداردى ادەتتەگىدەي جوندەۋىنە قاجەتتى قۇرال – جابدىقتار تۇگەل قامتىلعان ءارى ونى سۇراپ الۋ مەن قايتارىپ بەرۋ ءتارتىبى تولىق ورناتىلعان. تۇرعىندار تەك جەكەلىك ينفورماتسيالارىن تىزىمدەتسە بولعانى، قاجەتتى قۇرال – جابدىقتاردى تەگىن الىپ پايدالانۋىنا بولادى، پايدالانىپ بولعان سوڭ دەر كەزىندە قايتارىپ بەرسە بولعانى. سونىمەن بىرگە، الەۋمەتتىك اۋماقتاعى قىزمەتكەرلەر قاراستىلىعىنداعى تۇرعىنداردى ”قۇرال – جابدىقتاردى ورتاق پايدالانۋ بولمەسىن“ باسقارۋ مەن قورعاۋعا بەلسەندى ات سالىسۋعا شابىتتاندىرىپ، ءوزارا كومەكتەسەتىن جاراسىمدى دا مەيىرىمدى الەۋمەتتىك اۋماق ورتاسىن قۇرۋعا كۇش سالادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
