سىرتقى ىستەر مينيسترلىگى: جاپونيانى ياسۋكۋني عيباداتحاناسى سياقتى تاريحي ماسەلەلەردە بايسالدى بولۋعا قۋزايمىز
10 – ايدىڭ 17 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەر جينالىسىن باسقاردى. ءبىر ءتىلشى بىلاي دەپ سۇرادى: جاپونيانىڭ باس ءۋازىرى شى پوماۋ 10 – ايدىڭ 17 – كۇنى ياسۋكۋني عيباداتحاناسىنا ”جىن شىن“ دەگەن تاساتتىق بۇيىمىن تارتۋ ەتتى. جۇڭگو جاق بۇعان قانداي باعا بەرەدى؟
ماۋ نيڭ بىلاي دەدى: ياسۋكۋني عيباداتحاناسى — جاپونيا ميليتاريزمىنىڭ سىرتقا شاپقىنشىلىق سوعىس قوزعاۋىنىڭ رۋحاني قۇرالى جانە سيمۆولى، وندا شاپقىنشىلىق سوعىستا اۋىر قىلمىس جاۋاپكەرشىلىگى بار 14 ءبىرىنشى دارەجەلى سوعىس قىلمىستىسى بار. ءبىز جاپونيانى شاپقىنشىلىق تاريحىنا دۇرىس قاراپ جانە ونى ساراپقا سالىپ، ياسۋكۋني عيباداتحاناسى سياقتى تاريحي ماسەلەلەردە بايسالدىلىقپەن سويلەپ، ميلليتاريزممەن تۇبەگەيلى ات كەكىلىن كەسىسىپ، بەيبىت دامۋ جولىنان جازباي، ٴىس جۇزىندىك ارەكەتىمەن ازياداعى كورشى ەلدەر مەن حالىقارالىق قوعامنىڭ سەنىمىنە يە بولۋىن قۋزايمىز.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
