ءتىلشىنىڭ 10 – ايدىڭ 19 – كۇنى وتكىزىلگەن جۇڭگو 2024 – جىلعى سيرەك كەزدەسەتىن اۋرۋلار جونىندەگى ماجىلىسىنەن ۇعىسۋىنشا، جۋىرداعى جىلداردان بەرى، ەلىمىز سيرەك كەزدەسەتىن اۋرۋلاردى زەرتتەۋ، ونى ەمدەۋ جاعىندا قىزمەت وتەۋ جانە ءدارى – دارمەكپەن قامتاماسىزداندىرۋ قىزمەتىن كۇشەيتكەن، قازىرگە دەيىن، ەلىمىزدە سيرەك كەزدەسەتىن اۋرۋلاردىڭ 80 نەشە ءتۇرلى ءدارىسى مەملەكەتتىك ەمدەۋدى قامسىزداندىرۋ ءدارى – دارمەكتەر تىزىمدىگىنە ەنگىزىلگەن.
دۇنيە ءجۇزى بويىنشا سيرەك كەزدەسەتىن اۋرۋلاردىڭ سانى 10 مىڭ تۇرلىدەن اسادى، قازىرگى تاڭدا، سيرەك كەزدەسەتىن اۋرۋلاردىڭ تەك %5 ىنە جەتپەيتىن بولىگىنە باعىتتامالى ەمدەۋ جوباسى جاسالعان. ەلىمىزدە سيرەك كەزدەسەتىن اۋرۋلارعا شالدىققان ناۋقاستاردىڭ سانى شامامەن 20 ميلليون ادام. جۋىرداعى جىلداردان بەرى، مەملەكەتتىك قاتىستى تاراۋلار سيرەك كەزدەسەتىن اۋرۋلاردى ەمدەۋ جۇيەسى، ءدارى – دارمەكتەردى زەرتتەپ جاساۋ، قامتاماسىزداندىرۋ قاتارلى جاقتاردا ءبىرقىدىرۋ قولداۋ سيپاتىندىق ساياساتتاردى ۇزدىكسىز ورتاعا قويدى.
جۇڭگو سيرەك كەزدەسەتىن اۋرۋلاردى ەمدەۋ بىرلەستىگىنىڭ اتقارۋشى القاسى لي لينكاڭ بىلاي دەدى: مىسالى، مەملەكەتتىك دەنساۋلىق ساقتاۋ – سالاماتتىق كوميتەتى سيرەك كەزدەسەتىن اۋرۋلاردى ەمدەۋ جاعىندا ءبىرقىدىرۋ شارالاردى قولداندى، مۇندا ەكىنشى توپتاعى (سيرەك كەزدەسەتىن اۋرۋلاردىڭ) تىزىمدىگىن جاريالاۋ، ەلىمىز بويىنشا سيرەك كەزدەسەتىن اۋرۋلاردى ەمدەۋ تورىنا قوسىلعان ەمحانالاردىڭ قاتارىن كەڭەيتۋ قاتارلىلار قامتىلادى، تاعى ءبىر مىسال، ءدارى – دارمەكتى باقىلاۋ – باسقارۋ مەڭگەرمەسى ءدارى – دارمەكتى تەكسەرىپ بەكىتۋ جاعىندا جاسىل دالىزدەر اشقان، مەملەكەتتىك ەمدەۋدى قامتاماسىزداندىرۋ مەڭگەرمەسى سيرەك كەزدەسەتىن اۋرۋلاردىڭ دارىلەرىن ەمدەۋدى قامسىزداندىرۋ قورىنىڭ ەسەبىنەن كوتەرۋ تىزىمدىگىنە ەنگىزۋ كولەمىن جىل سايىن بىرتىندەپ كەڭەيتۋدە.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
