![]()
![]()
ཡུས་ཧྲུའུ་སྤྱི་བདེ་ཡིས་ཆང་ཁང་སྦྱིན་བདག་ལ་རྡུང་མཁན4བཟུང་།
ཉེ་ཆར། ཡུས་ཧྲུའུ་བོད་རིགས་རང་སྐྱོང་ཁུལ་སྟག་སྡེར་ལམ་མངག་གཏོང་ཁང་གིས་བསམ་བཞིན་དུ་གཞན་ལ་གནོད་འཚེ་བཏང་བའི་གྱོད་དོན་ཞིག་ཁྲིམས་ལྟར་ཞིབ་བཤེར་ཐག་གཅོད་བྱས་པ་དང་ཁྲིམས་འགལ་མི་སྣ4ལ་སྲིད་འཛིན་ཆད་གཅོད་བྱས།2024ལོའི་ཟླ9པའི་ཚེས12ཉིན།
སྟག་སྡེར་ལམ་མངག་གཏོང་ཁང་ལ་མང་ཚོགས་ཀྱིས་གྱོད་དོན་སྙན་སེང་ཞུས་ཏེ། མངའ་ཁུལ་གྱི་ཆང་ཁང་ག་གེ་མོའི་སྦྱིན་བདག་ལ་གཅར་རྡུང་བྱས་པས་ཉེན་རྟོག་པ་མངགས་ནས་ཐག་གཅོད་བྱེད་རོགས་ཞེས་བཤད།
སྙན་སེང་འབྱོར་རྗེས། མངགས་གཏོང་ཁང་གི་མི་དམངས་ཉེན་རྟོག་པས་འཕྲལ་དུ་ཡུལ་དངོས་སུ་སོང་སྟེ་ལྟ་སྐུལ་ཚོད་འཛིན་བརྙན་མིག་གི་བརྙན་ཐུང་ལ་བརྟག་དཔྱད་དཔང་ལེན་བྱས་པ་བརྒྱུད།
གྱོད་དོན་སྙན་སེང་ཞུ་མཁན་བཟང་ཆེ་གེ་མོ་ནི་ཆང་ཁང་དེའི་སྦྱིན་བདག་ཡིན་པ་ཤེས་རྟོགས་བྱུང་ཞིང་།
དེའི་སྐབས་བཀྲ་ཆེ་གེ་མོ་དང་ཟླ་ཆེ་གེ་མོ། སྐལ་ཆེ་གེ་མོ། ཚེ་ཆེ་གེ་མོ་བཅས་ཀྱིས་ཆང་ཁང་དུ་ཆང་འཐུངས་ཏེ་འགྲོ་སྐབས་ཆང་རིན་སྤྲད་མེད་པ་དང་།
བཟང་ཆེ་གེ་མོ་མདུན་དུ་སོང་ནས་ཆང་རིན་ལེན་སྐབས་བཀྲ་ཆེ་གེ་མོ་དང་ཟླ་ཆེ་གེ་མོ།
སྐལ་ཆེ་གེ་མོ། ཚེ་ཆེ་གེ་མོ་བཅས་ལ་ཁ་རྩོད་བྱུང་སྟེ་རྡུང་རེས་བྱས། རྡུང་རེས་བྱེད་སྐབས་གྱོད་དོན་སྙན་སེང་ཞུ་མཁན་བཟང་ཆེ་གེ་མོའི་གཡོན་ངོས་ཀྱི་དཔྲལ་བ་དང་མགོ་བོ།
རྩིབ་རུས་བཅས་ལ་རྨས་སྐྱོན་ཕོག![]()
གྱོད་སྒྲུབ་མི་དམངས་ཉེན་རྟོག་པས་འཚོལ་སྡུད་བྱས་པའི་ཁུངས་སྣེར་དབྱེ་ཞིབ་དང་གྱོད་དོན་བྱུང་ཡུལ་མཐའ་འཁོར་གྱི་ལྟ་སྐུལ་ཚོད་འཛིན་བརྙན་མིག་སོགས་ལ་གྲལ་བཤེར་བྱ་བ་འབོར་ཆེན་སྤེལ་ཏེ།
ཆུ་ཚོད་འགའི་རིང་ལ་ལྟ་ཞིབ་དང་དབྱེ་ཞིབ་བྱས་པ་བརྒྱུད། ཁྲིམས་འགལ་བྱ་སྤྱོད་སྤེལ་མཁན་བཀྲ་ཆེ་གེ་མོ་དང་ཟླ་ཆེ་གེ་མོ།
སྐལ་ཆེ་གེ་མོ། ཚེ་ཆེ་གེ་མོ་བཅས་ཀྱིས་བསམ་བཞིན་དུ་གཞན་ལ་གནོད་འཚེ་བཏང་བའི་ཉེས་གསོག་དོན་དངོས་སྦ་གསང་མེད་པར་ཁས་ལེན་བྱས།མིག་སྔར། ཁྲིམས་འགལ་བྱ་སྤྱོད་སྤེལ་མཁན་བཀྲ་ཆེ་གེ་མོ་དང་ཟླ་ཆེ་གེ་མོ།
སྐལ་ཆེ་གེ་མོ། ཚེ་ཆེ་གེ་མོ་བཅས་སྲིད་འཛིན་བཀག་ཉར་བྱས་པར་མ་ཟད། དངུལ་ཆད་ཀྱང་བཅད་པ་རེད།མཁའ་འབུམ་རྒྱལ་གྱིས་བསྒྱུར།
![]()
ལག་བསྟར་རྩོམ་སྒྲིག་པ། མཁའ་འབུམ་རྒྱལ།
ལྟ་སྐུལ་བ། སྐལ་བཟང་རྒྱལ།
སྤྱིའི་ལྟ་སྐུལ་བ། ཚེ་དབང་རྡོ་རྗེ།
མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནུབ་སྲང་ལམ་ཆེན་ཨང79པ།
ཁ་པར། 0971-6312635
སྦྲག་སྲིད། 810008
ཡིག་ཟམ། qhfzb@aliyun.com
地址：青海省西宁市西关大街79号
电话：0971-6312635
邮编：810008
E_mail：qhfzb@aliyun.com
