![]()
![]()
ལས་གཞི་རྫུན་མ། བསླུ་བྲིད་ངོ་མ།
མཚོ་ནུབ་ཁུལ་ན་གོར་མོ་གྲོང་ཁྱེར་སྤྱི་བདེ་ཅུའུ་ཉེས་དོན་ཉེན་རྟོག་ཡན་ལག་རུ་ཁག་གིས་ལས་གཞི་རྫུན་མའི་གྱོད་གཞི་རབས་དང་རིམ་པ་རྩད་ཆོད་ཅིང་།
གྱོད་འབྲེལ་མ་དངུལ་སྒོར་ཁྲི30ཟིན་པའི་ཉེས་བསགས་དོགས་ཡོད་ཉེས་ཅན1བཟུང་།![]()
ཟླ11པའི་ཚེས6ཉིན། ལི་ཆེ་གེ་མོས་ན་གོར་མོ་གྲོང་ཁྱེར་སྤྱི་བདེ་ཅུའུ་ཉེས་དོན་ཉེན་རྟོག་ཡན་ལག་རུ་ཁག་ཏུ་གྱོད་དོན་སྙན་སེང་ཞུས་ཏེ། 2024ལོའི་ཟླ10པའི་ཚེས5ཉིན། པན་ཆེ་གེ་མོས་མང་ཡ་གྲོང་ཁྱེར་སྤྱི་བདེ་ཅུའུ་མང་ཡ་ཡན་ལག་ཅུའུ་ཡི་ཁང་པ་བསྐྱར་སྐྲུན་གྱི་ལས་གཞི་ལི་ཆེ་གེ་མོར་འགན་གཙང་སྤྲོད་པ་ལ་འགྱུར་རྟེན་སྒོར་ཁྲི5སྤྲོད་དགོས་པར་ཁ་གཡར་ནས་ལི་ཆེ་གེ་མོའི་ལག་ནས་སྒོར་ཁྲི5གཡོ་ལེན་བྱས།
གྱོད་དོན་སྙན་སེང་འབྱོར་རྗེས། ཉེས་དོན་ཉེན་རྟོག་ཡན་ལག་རུ་ཁག་གིས་ཉེན་རྟོག་པ་རྩ་འཛུགས་བྱས་ཏེ།
གྱོད་དོན་སྙན་སེང་ཞུ་མཁན་གྱིས་མཁོ་འདོན་བྱས་པའི་འབྲེལ་ཡོད་དཔང་རྟགས་ལ་གཞིགས་ནས་ཁྲིམས་ལྟར་མྱུལ་ཞིབ་ལས་དོན་སྤེལ་ཅིང་།
ཐབས་ལམ་མང་པོའི་ཐོག་ནས་བརྟག་དཔྱད་བྱས་ཏེ་དཔང་རྟགས་ཁོང་དུ་ཆུད་རྗེས། དབྱེ་ཞིབ་དང་ཞིབ་འཇུག་གནད་འཁེལ་བྱས་པ་བརྒྱུད།
ས་གནས་མང་པོ་ཞིག་ཏུ་བྱེད་ཐབས་གཅིག་འདྲ་སྤྱད་དེ་མགོ་གཡོག་པའི་དཔང་རྟགས་ཁོང་དུ་ཆུད། ཟླ11པའི་ཚེས12ཉིན།
ཉེས་བསགས་དོགས་ཡོད་ཉེས་ཅན་པན་ཆེ་གེ་མོ་དབུས་ལམ་རྫོང་ནས་འཛིན་བཟུང་བྱས།
འདྲི་གཅོད་བྱས་པ་བརྒྱུད། པན་ཆེ་གེ་མོས་ཐེངས་མང་པོར་མགོ་གཡོག་པའི་ནག་ཉེས་ཚང་མ་ཁས་བླངས།
མིག་སྔར། ཉེས་བསགས་དོགས་ཡོད་ཉེས་ཅན་པན་ཆེ་གེ་མོ་ན་གོར་མོ་གྲོང་ཁྱེར་སྤྱི་བདེ་ཅུའུ་ཡིས་ཁྲིམས་ལྟར་ཉེས་དོན་བཀག་ཉར་བྱས་པ་དང་།
གྱོད་གཞི་ལ་མུ་མཐུད་དུ་མྱུལ་ཞིབ་བྱེད་བཞིན་ཡོད།ལག་བསྟར་རྩོམ་སྒྲིག་པ། སངས་བཀྲ།སྤྱིའི་ལྟ་སྐུལ་བ། ཚེ་དབང་རྡོ་རྗེ།
མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནུབ་སྲང་ལམ་ཆེན་ཨང79པ།
ཁ་པར། 0971-6312635
སྦྲག་སྲིད། 810008
ཡིག་ཟམ། qhfzb@aliyun.com
地址：青海省西宁市西关大街79号
电话：0971-6312635
邮编：810008
E_mail：qhfzb@aliyun.com
