ཁྲི་འདུ་སྤྱི་བདེ་ཡིས་ནོར་གནག་བརྐུས་པའི་གྱོད་དོན2རྩད་ཆོད།
ཉེ་ཆར། ཡུས་ཧྲུའུ་བོད་རིགས་རང་སྐྱོང་ཁུལ་ཁྲི་འདུ་རྫོང་སྤྱི་བདེ་ཅུའུ་ཁྲི་དབང་མངགས་གཏོང་ཁང་གིས་མངའ་ཁུལ་དུ་ནོར་གནག་བརྐུས་པའི་གྱོད་དོན2བདེ་བླག་ངང་རྩད་ཆོད།
མངའ་ཁུལ་གྱི་འབྲོག་པ་ཞིག་གིས་བྲེལ་འཚུབ་ངང་མངགས་གཏོང་ཁང་དུ་གྱོད་དོན་སྙན་སེང་ཞུས་ནས་རང་ཁྱིམ་གྱི་ནོར་གནག2གར་སོང་ཆ་མེད་དུ་གྱུར་ཞེས་བཤད། སྙན་སེང་འབྱོར་རྗེས། མི་དམངས་ཉེན་རྟོག་པ་འཕྲལ་དུ་ཡུལ་དངོས་དུ་སོང་སྟེ་མཐའ་འཁོར་གྱི་ཁོར་ཡུག་དང་ལྟ་སྐུལ་ཚོད་འཛིན་བརྙན་མིག་སོགས་ལ་བལྟས་ཤིང་། ཆུ་ཚོད19ནང་དོགས་ཡོད་ཉེས་ཅན་གཏན་འཁེལ་བྱས་པར་མ་ཟད། འཛིན་བཟུང་ཡང་བྱས་ཏེ་འབྲོག་པའི་གྱོང་གུད་སེལ།
མིག་སྔར། གྱོད་དོན་དེ་ཉེས་དོན་ཉེན་རྟོག་རུ་ཆེན་གྱིས་མུ་མཐུད་དུ་ཐག་གཅོད་བྱེད་བཞིན་སྒང་རེད།
གོང་གི་གྱོད་དོན་རྩད་ཆོད་མ་ཐག ཡང་བསྐྱར་མངགས་གཏོང་ཁང་ལ་ནོར་གནག་བརྐུས་པའི་གྱོད་དོན་སྙན་སེང་ཞིག་འབྱོར་ཏེ། ཐེངས་འདིའི་གནས་ཚུལ་དེ་བས་རྙོག་འཛིང་ཆེ་བ་དང་འབྲོག་པས་རང་ཁྱིམ་གྱི་ཟོག་རའི་ཉེ་འགྲམ་གྱི་སྣེ་གཉིས་སུ་ནོར་གནག་བཤས་པར་མ་ཟད། གྱོད་དོན་བྱུང་ཡུལ་ཡང་ཐག་རིང་བས། ལྟ་སྐུལ་ཚོད་འཛིན་བརྙན་མིག་སོགས་ཀྱི་བྱེད་ཐབས་སྤྱད་ཀྱང་ནུས་པ་འདོན་སྤེལ་བྱེད་དཀའ་མོད། འོན་ཀྱང་། མི་དམངས་ཉེན་རྟོག་པས་འདྲི་རྩད་དང་གྲལ་བཤེར་བྱས་པ་བརྒྱུད། འབྲོག་པ་ཞིག་གིས་ཁུངས་སྣེ་གལ་ཆེན་ཞིག་འདོན་སྤྲོད་བྱས་པར་མ་ཟད། དོགས་ཡོད་ཉེས་ཅན་མགྱོགས་མྱུར་ངང་གཏན་འཁེལ་བྱས་ཤིང་། རྗེས་འདེད་བྱས་པ་བརྒྱུད། སི་ཁྲོན་ཞིང་ཆེན་སྡེ་དགེ་རྫོང་སྤྱི་བདེ་ལས་ཁུངས་ཀྱི་གཞོགས་འདེགས་འོག དོགས་ཡོད་ཉེས་ཅན་བདེ་བླག་ངང་འཛིན་བཟུང་བྱས།
འདྲི་རྩད་བྱས་པ་བརྒྱུད། ཟོག་རའི་ཉེ་འགྲམ་གྱི་སྣེ་གཉིས་སུ་བཤས་པའི་ནོར་གནག2དེ་ཁྲི་དབང་མངགས་གཏོང་ཁང་མངའ་ཁུལ་གྱི་མིན་ལ། གྱོད་དོན་ཐག་གཅོད་འོས་འཚམ་བྱ་ཆེད། ས་ཁོངས་ཉེན་རྟོག་ལས་དོན་མཉམ་སྒྲུབ་ལམ་སྲོལ་བརྒྱུད། ཡུས་ཧྲུའུ་གྲོང་ཁྱེར་འབྲོང་མདའ་ཤང་མངགས་གཏོང་ཁང་དང་འབྲེལ་བ་བྱས་ཏེ། དོགས་ཡོད་ཉེས་ཅན་དེ་བདེ་བླག་ངང་རྩིས་སྤྲོད་བྱས།
མཁའ་འབུམ་རྒྱལ་གྱིས་བསྒྱུར།
ལྟ་སྐུལ་བ། སྐལ་བཟང་རྒྱལ།
སྤྱིའི་ལྟ་སྐུལ་བ། ཚེ་དབང་རྡོ་རྗེ།
ཚགས་པར་ཁང་གི་སྡོད་གནས།
མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནུབ་སྲང་ལམ་ཆེན་ཨང79པ།
ཁ་པར། 0971-6312635
སྦྲག་སྲིད། 810008
ཡིག་ཟམ། qhfzb@aliyun.com
地址：青海省西宁市西关大街79号
电话：0971-6312635
邮编：810008
E_mail：qhfzb@aliyun.com
