![]()
![]()
སློབ་ཆེན་སློབ་མས་ཞོར་ལས་བཙལ།མགོ་སྐོར་ཐེབས་ནས་ཁྲིམས་ལ་ཚུད།སློབ་གྲྭ་ཆེན་མོ་བ་ཞའོ་ཡན་གྱིས་ཁོམ་ལོང་གི་སྐབས་དང་བསྟུན་ནས་ཞོར་ལས་ཤིག་བཙལ་མོད། འོན་ཀྱང་། གལ་ཏེ་ཁོ་ལ་ཡང་བསྐྱར་གདམ་གསེས་བྱེད་པའི་གོ་སྐབས་ཤིག་སྤྲད་ཚེ། ཁོས་ལས་སླ་ཞིང་སྒོར་མོ་མྱུར་བར་ཐོབ་པའི་ཞོར་ལས་དེ་གཏན་ནས་མི་འདེམ་ཁོ་ཐག་ཡིན། ཅིའི་ཕྱིར་ཞེ་ན། ཞོར་ལས་དེ་ཡིས་རང་ཉིད་ཉེས་ཅན་གྱི་ངན་རོགས་སུ་གྱུར་དུ་བཅུག་པས་རེད།
ཞའོ་ཡན་ནི་མཚོ་སྔོན་གྱི་སློབ་ཆེན་ག་གེ་མོ་ཞིག་གི་དངོས་གཞིའི་སློབ་མ་ཞིག་ཡིན།
ད་ལོའི་ཟླ7པའི་ཉིན་ཞིག་ལ། དྲ་ལམ་དུ་ཁྱབ་གདལ་བཏང་བའི་བརྡ་ཁྱབ་ཅིག་གིས་ཞའོ་ཡན་གྱི་ཡིད་དབང་ཕྲོགས་ཤིང་།
མཚར་སྣང་གི་སྐུལ་འདེད་འོག་ཞའོ་ཡན་གྱིས་བརྡ་ཁྱབ་སྟེང་གི་ཁ་པར་ཨང་གྲངས་བསྣན་ཏེ་འབྲེལ་གཏུག་བྱས།“སློབ་གྲོགས།
ལས་ཀ་འདིར་བྱ་བའི་ཉམས་མྱོང་མི་དགོས་པས། མྱུར་དུ་ལས་ལ་ཞུགས་ཐུབ། རྩིས་ཐོ་ལྟར་ཡོང་སྒོ་ལེན་རྒྱུ་ཡོད་པས།
ཁྱོད་ལ་སྤྲོ་བ་ཡོད་དམ”
“ལས་ཀའི་ནང་དོན་ཅི་ཡིན”
“ཁྱོད་ཀྱིས་ངའི་སྐད་འཕྲིན་སྣོན་དང་།
ཞིབ་ཕྲའི་ཁ་བརྡ་བྱས་ཆོག”
དེའི་རྗེས་ཞའོ་ཡན་གྱིས་ཕ་རོལ་པོའི་སྐད་འཕྲིན་ནང་འཇུག་བྱས་རྗེས།
མི་དེའི་མིང་ལ་ཝང་ཞིན་ཟེར་བ་དང་། ཁོས་ཞའོ་ཡན་ལ་བྱ་བ་དེར་ཞུགས་ན་ཞའོ་ཡན་གྱིས་གསར་དུ་ཐོ་འགོད་བྱས་པའི་སྐད་འཕྲིན་སྤྱོད་དགོས་ལ།
དེ་ནས་ཁོས་མཁོ་འདོན་བྱས་པའི་ཁ་པར་ཨང་གྲངས་གཞིར་བཟུང་སྟེ་སྐད་འཕྲིན་གྱི་གྲོགས་པོ་ནང་འཇུག་བྱ་དགོས།
གྲོགས་པོ་ནང་འཇུག་མ་བྱས་གོང་ལ་ད་དུང་སྐད་འཕྲིན་གྱི་གཅེས་མིང་དང་མགོ་པར། གྲོགས་ཚོམས་རྒྱབ་ལྗོངས་བཅས་དང་དེ་བཞིན་ཁོངས་གཏོགས་ས་ཁུལ་ཚང་མ་ཁོས་མཁོ་འདོན་བྱས་པའི་མ་དཔེ་ལྟར་བཟོ་བཅོས་རྒྱག་དགོས་པ་དང་།
དེའི་རྗེས་དམིགས་བསལ་གྱི་སྐད་ཆ་བཤད་སྟངས་ལ་བརྟེན་ནས་གསར་དུ་ནང་འཇུག་བྱས་པའི་གྲོགས་པོ་དག་ཝང་ཞིན་ལ་ངོ་སྤྲོད་བྱ་དགོས།
དེ་ལྟར་ཝང་ཞིན་གྱིས་སྐད་འཕྲིན་གྲོགས་པོ་གཅིག་ནང་འཇུག་བྱ་ཐུབ་ཚེ། ཁོས་དེ་མཚུངས་ཀྱི་ཐོབ་ཆ་རེག་གིན་ཡོད།“འདི་ལྟར་བྱེད་དོན་ཅི་ཡིན”
“དོན་དག་གཞན་ལ་ཁ་ཡ་བྱ་མི་དགོས།
ཁྱོད་ཀྱིས་ངོ་མི་ཤེས་པའི་མི་ནང་འཇུག་བྱེད་པའི་འགན་ཁུར་ན་ཆོག”
ཞའོ་ཡན་གྱི་ལས་ཀ་ནི་ལས་སླ་ལ་ཡོང་སྒོའང་མང་པོ་ཡོད་པས།
གཞི་ནས་རང་ཉིད་ཀྱི་ལས་ཀ་བྱེད་མགོ་ཚུགས།ཕྱོགས་གཞན་ཞིག་ཏུ་ལས་ཀ་འཚོལ་བཞིན་པའི་ཀྲང་ཁའོ་ལ་སྐད་འཕྲིན་ལས་དྲ་གྲོགས་ནང་འཇུག་གི་རེ་ཞུ་ཞིག་འབྱོར་ཞིང་།
ཕ་རོལ་པོ་ནི་གཞུང་ཕྱོགས་ཁེ་ལས་སྡེ་ཁག་གི་མགོ་ཁྲིད་ཅིག་ཡིན་པར་བཤད། ཀྲང་ཁའོ་ཡིས་ནང་འཇུག་བྱས་རྗེས།
ཕ་རོལ་པོས་སྐད་འཕྲིན་དེས་ཁ་བརྡ་བྱས་ན་སྟབས་བདེ་མིན་པར་ཁ་གཡར་ཏེ། ཀྲང་ཁའོ་ལ་ཁོའི་སྐད་འཕྲིན་གཞན་ཞིག་ནང་འཇུག་བྱེད་དུ་བཅུག མི་དེ་ནི་ཞའོ་ཡན་ཡིན་ལ། ཁོའི་བསླུ་བྲིད་འོག་ཀྲང་ཁའོ་ཡིས་ཝང་ཞིན་གྱི་སྐད་འཕྲིན་ནང་འཇུག་བྱས།ཝང་ཞིན་གྱིས་འཕྲལ་དུ་སྐད་འཕྲིན་གྱི་བརྙན་ལམ་ནས་ཁ་བརྡ་བྱས་ཤིང་།
བརྙན་ལམ་སྦྲེལ་མཐུད་བྱས་རྗེས་ཀྲང་ཁའོ་ཡིས་ཕ་རོལ་པོ་ནི་གཞུང་ཕྱོགས་ཁེ་ལས་ལས་ཁུངས་ཤིག་གི་ལས་སྒྲུབ་བྱ་ཡུལ་ཡིན་པ་མཐོང་ཡང་།
བརྙན་ལམ་འགུལ་བཞིན་སྐར་ཆ15འགོར་རྗེས་ཕ་རོལ་པོས་བརྡ་རྟགས་མི་ལེགས་པ་རྒྱུ་མཚན་དུ་བྱས་ནས་བརྙན་ལམ་སྒོ་བརྒྱབ་པ་དང་ཆབས་ཅིག ཡི་གེའི་ལམ་ནས་མུ་མཐུད་དུ་ཀྲང་ཁའོ་དང་ཁ་བརྡ་བྱས།
དེའི་རྗེས་ཀྱི་ཟླ་གཅིག་གི་ནང་དུ། “མགོ་ཁྲིད”དེས་རྣམ་གྲངས་ཀྱི་དངུལ་བསྒྱུར་ལ་དངུལ་ཁང་གི་རྩིས་ཐོ་གསར་པ་དགོས་པ་རྒྱུ་མཚན་དུ་བྱས་ཏེ།
ཀྲང་ཁའོ་ཡི་དངུལ་ཁང་གི་རྩིས་ཐོ་དང་གསང་གྲངས་བླངས་པ་དང་། ཡང་དངུལ་བསྒྱུར་གྱི་དཔང་ཡིག་རྫུན་བཟོ་བྱས་ཤིང་།
མ་དངུལ་མྱུར་དུ་མཁོ་བ་རྒྱུ་མཚན་དུ་བྱས་ནས་ཀྲང་ཁའོ་ཡི་ལག་ནས་སྒོར་ཁྲི120གཡོ་ལེན་བྱས།ཉིན་ཞིག་ལ། ཞའོ་ཡན་ལ་ཀྲང་ཁའོ་ཡི་སྐད་འཕྲིན་ཁ་པར་འབྱོར་ཏེ་རང་ཉིད་ལ་མགོ་སྐོར་ཐེབས་པས་སྒོར་མོ་ཕྱིར་སྤྲོད་དགོས་པའི་རེ་བ་བཏོན།
ཞའོ་ཡན་གྱིས་ད་གཟོད་རང་ཉིད་མགོ་སྐོར་བྱ་འགུལ་ལ་ཞུགས་པ་ཤེས་ནས་རང་འགུལ་གྱིས་སྤྱི་བདེ་ལས་ཁུངས་སུ་སོང་སྟེ་རང་ཉེས་རང་ཞུ་བྱས་ཤིང་།
བར་དུ་སྒོར440ཡི་ཁེ་ཕན་རེག་པ་སོགས་དོན་དངོས་ཇི་བཞིན་ཁས་བླངས།ཟི་ལིང་གྲོང་ཁྱེར་མཁར་ཤར་ཆུའུ་མི་དམངས་ཁྲིམས་ཁང་གིས་ཞིབ་གཅོད་བྱས་པ་བརྒྱུད།
ཞའོ་ཡན་གྱིས་ཉེས་གསོག་པར་མུ་མཐུད་དུ་མགོ་གཡོག་པའི་བྱ་སྤྱོད་སྤེལ་བར་དུས་མགོའི་རོགས་རམ་བྱས་པ་དེ་མགོ་སྐོར་ནག་ཉེས་སུ་གྲུབ་ལ།
དེས་མགོ་གཡོག་པའི་ཉེས་གསོག་ཁྲོད་རོགས་རམ་དང་གཞོགས་འདེགས་ཀྱི་ནུས་པ་ཐོན་ཡོད་ཅིང་། བརྐུས་རྫས་བགོ་རྒྱུའི་ནང་ཞུགས་མེད་པ་དང་ཁེ་བཟང་ཉུང་ཙམ་ལས་རེག་མེད།
གྱོད་གཞི་བྱུང་རྗེས་གནོད་འཚེ་ཕོག་མཁན་ལ་ཧུར་ཐག་གིས་གྱོང་གུད་ཁ་གསབ་བྱས་པར་མ་ཟད་གུ་ཡངས་ཐོབ་ཡོད་ཅིང་།
ཞའོ་ཡན་རྗེས་འབྲངས་ཉེས་ཅན་དུ་བརྩིས་ནས་ཁྲིམས་ལྟར་ཉེས་ཆད་ཇེ་ཡང་དུ་བཏང་ཆོག་ལ། ཁྲིམས་ལྟར་གཏུག་ཡུལ་ཞའོ་ཡན་གྱིས་མགོ་གཡོག་པའི་ནག་ཉེས་བསགས་པར་དུས་བཀག་བཙོན་འཇུག་ལོ3དང་ཁྲིམས་ཆད་ཕྱིར་འགྱངས་ལོ4།
སྒོར5000ཡི་ཁྲིམས་ཆད་བཅད་པ་དང་། གཏུག་ཡུལ་ཞའོ་ཡན་གྱིས་གནོད་འཚེ་ཕོག་མཁན་ལ་མུ་མཐུད་དུ་གྱོང་གུད་སྐྱིན་ཚབ་སྤྲོད་རྒྱུ།
ཞའོ་ཡན་གྱི་ཁྲིམས་འགལ་ཐོབ་ཆ་སྒོར440བདའ་འདེད་བྱས་པ་རེད།(གྱོད་དཔེའི་ཁྲོད་དུ་བརྫུས་མིང་བཀོལ་ཡོད)
ལག་བསྟར་རྩོམ་སྒྲིག་པ། སངས་བཀྲ།སྤྱིའི་ལྟ་སྐུལ་བ། ཚེ་དབང་རྡོ་རྗེ།
མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནུབ་སྲང་ལམ་ཆེན་ཨང79པ།
ཁ་པར། 0971-6312635
སྦྲག་སྲིད། 810008
ཡིག་ཟམ། qhfzb@aliyun.com
地址：青海省西宁市西关大街79号
电话：0971-6312635
邮编：810008
E_mail：qhfzb@aliyun.com
