WXRedian | 青海藏文法治报 | ཐ་མག་གཅོད་འདོད་ན་འདི་ལ་གཟིགས།

ཐ་མག་གཅོད་འདོད་ན་འདི་ལ་གཟིགས།

文摘 2024-11-09 11:49 青海

ཐ་མག་གཅོད་འདོད་ན་འདི་ལ་གཟིགས།

ཀོ་ཏམ་བསྟན་པའི་ཞབས་འདྲེན་ཐ་མ་ཁ། །

ཁོ་ཐག་ཆོས་ལ་གཅོད་བྱེད་ཐ་མ་ཁ། །

གོ་རིག་དྲན་པ་སླད་བྱེད་ཐ་མ་ཁ། །

ངོ་ཚ་ཁྲེལ་འཛེམ་འདོར་བྱེད་ཐ་མ་ཁ། །

ཞེས་གུང་ཐང་བསྟན་པའི་སྒྲོན་མེའི་གསུང་འདི་རྟེན་འབྲེལ་གྱི་དབུ་འཁྱུད་དུ་བྱས་ཏེ། ལོ་ག་ཚོད་ཙམ་ལ་ཐ་མ་ཁ་དེ་བཅད་ན་བཟང་མིན་སྐོར་ཞིག་ཞིབ་འཇུག་བྱས་འབྲས་ཁུངས་ལུང་དུ་དྲངས་ནས་བརྗོད་པར་བྱ་བ་ཀུན་ལ་ཕན་པར་བསྔོ།

དོན་དམ་དུ་གཞོན་ནུ་དང་དར་མ། ཡང་ན་རྒན་པ་སོགས་ལོ་ཇི་ཙམ་ལ་སླེབས་ཀྱང་ཉེས་དམིགས་ཀུན་གྱི་རྩ་བ་དུག་ཐ་མ་ཁ་བཅད་ན་ཁྱེད་ཀྱི་སྐུ་ལུས་ལ་བདེ་ཐང་གི་འོད་སྣང་འཁྱིལ་ཞིང་འཚོ་བའི་བདེ་སྐྱིད་ཀྱི་འཛུམ་ཞལ་མེ་ཏོག་ལྟར་ལྷང་ངེར་བཞད་ཐུབ།

གཅིག ལོ35ཡི་སྔོན་ལ་ཐ་མག་བཅད་ན།

ཞིབ་འཇུག་ལས་མངོན་པར། ལོ35ཡི་སྔོན་ལ་ཐ་མག་བཅད་ན་ཐ་མག་འཐེན་པ་ལས་བྱུང་བའི་བདེ་ཐང་གི་གནོད་པ་ཕལ་ཆེ་བ་ལས་གཡོལ་ཐུབ་ཅིང་། ཐ་མག་རྩ་བ་ནས་འཐེན་མྱོང་མེད་མཁན་གྱི་ཚེ་ཚད་དང་བསྡུར་ན་ཁྱད་པར་ལོ1.2ཙམ་ལས་ཟིན་གྱི་མེད། ལོ་ཆུང་དུས་ཐ་མག་བཅད་ན་སྙིང་དང་གློ་བའི་ནུས་པ་སླར་གསོ་ཐུབ་པར་མ་ཟད། ད་དུང་སྙིང་ཁམས་ཁྲག་རྩའི་ནད་དང་སྐྲན་ནད་ཕོག་པའི་ཉེན་ཁ་ཡང་མངོན་གསལ་གྱིས་ཆུང་དུ་གཏོང་ཐུབ། གྲངས་གཞི་ལས་མངོན་པར། ལོ35ལ་སླེབས་པའི་ཐ་མག་གཅོད་མཁན52.8%ཉུང་མཐར་ཡང་ལོ་གཅིག་ལྷག་ཙམ་ཚེ་རིང་དུ་འགྲོ་ཐུབ་ཅིང་། མི36%ཐ་ན་ཚེ་རིང་དུ་ལོ8ཡན་འགྲོ་ཐུབ།

གཉིས། ལོ35ནས55བར་དུ་ཐ་མག་བཅད་ན།

སྐྱེ་བོ་དར་མའི་ལོ་ཚད་ལ་སླེབས་ཀྱང་ཐ་མག་བཅད་ན་གཟུགས་པོའི་བདེ་ཐང་ལ་ཕན་ཐོགས་ཆེ། ལོ45ཟིན་དུས་ཐ་མག་གཅོད་མཁན་དེ་ཐ་མག་མ་བཅད་མཁན་དང་བསྡུར་ན་ཆ་སྙོམས་ལོ5.6ཙམ་གྱིས་ཚེ་རིང་བ་ཡོད། ལོ55ཟིན་དུས་ཐ་མག་གཅོད་མཁན་དེ་ཡང་ཐ་མག་མ་བཅད་མཁན་དང་བསྡུར་ན་ཚེ་ལོ3.4རིང་དུ་གསོན་ཐུབ། གཞན་ཡང་ལོ45ནས་ལོ54བར་གྱི་ཐ་མག་བཅད་པའི་མི་ཚོགས་ཀྱི་ཤི་ཚད་དེ་ཐ་མག་མ་བཅད་མཁན་ལས66%ཙམ་ཉུང་བ་དང་། དུས་མཚམས་དེར་ཐ་མག་བཅད་ན་སྙིང་ཁམས་ཁྲག་རྩའི་མ་ལག་གི་ཁུར་པོ་ཇེ་ཡང་དུ་གཏོང་ཐུབ་ལ། གྲིབ་ནད་དང་འབྱིན་རྔུབ་མ་ལག་གི་ནད་ཀྱི་ཉེན་ཁ་ཡང་ཇེ་ཆུང་དུ་གཏོང་ཐུབ།

གསུམ། ལོ60ཡན་ཟིན་དུས་ཐ་མག་བཅད་ན།

རྒན་རྒོན་མང་པོ་ཞིག་གིས་ཐ་མག་བཅད་ན་ད་ནི་ཕྱིས་དྲགས་པ་རེད་སྙམ་གྱི་ཡོད། ཞིབ་འཇུག་ལས་མངོན་པར། ལོ60ཡན་ལ་སླེབས་ཀྱང་ཐ་མག་བཅད་ན་སྔར་བཞིན་འཚོ་བའི་སྤུས་ཚད་ལེགས་སུ་གཏོང་ཐུབ་པར་མ་ཟད་ཚེ་ཐག་ཀྱང་རིང་དུ་འགྲོ་ཐུབ། གྲངས་གཞི་ལས་མངོན་པར། ལོ65ལ་ཐ་མག་གཅོད་མཁན་གྱི་ཚེ་ཚད་ཆ་སྙོམས་ལོ1.7རིང་དུ་བསྲིངས་ཐུབ་པ་དང་། ལོ75ལ་ཐ་མག་གཅོད་མཁན་ཡང་ཚེ་ཐག་ལོ0.7བསྲིངས་ཐུབ། གཞན་ཡང་ཐ་མག་བཅད་ན་ད་དུང་རྒན་པ་རྣམས་ལ་དལ་བའི་རང་བཞིན་གྱི་གློ་བ་འགག་པའི་ནད(COPD)ཕོག་པ་དང་། གྲིབ་ནད་ཕོག་པ། སྐྲན་ནད་ཕོག་པ་སོགས་ཀྱི་ཉེན་ཁ་ཆུང་དུ་ཕྱིན་ཏེ། ཁོ་ཚོ་སྔར་ལས་བདེ་ཐང་དང་སྔར་ལས་སྐྱེ་སྟོབས་ལྡན་པའི་ཚེ་མཇུག་གི་འཚོ་བར་རོལ་ཐུབ།

དེས་ན། ཐ་མག་གཅོད་པའི་དུས་ཚོད་ཇི་ཙམ་སྔ་ན་དེ་ཙམ་གྱིས་བཟང་བ་དང་། ལོ35ཡི་གོང་ཐ་མག་བཅད་ན་ཐ་མག་གིས་གཟུགས་པོའི་བདེ་ཐང་ལ་གནོད་པ་ཐ་དག་དལ་བུར་སེལ་ཐུབ་པ་མ་ཟད། ཐ་མག་རྩ་བ་ནས་མི་འཐེན་མཁན་གྱི་གཟུགས་པོའི་བདེ་ཐང་དང་མཉམ་པར་འགྱུར་སྲིད།

ཅོ་འདྲི་བསླུ་བྲིད་སྣ་འདྲེན་ཐ་མ་ཁ། །

ཆོ་རིགས་བཟང་པོ་སླད་བྱེད་ཐ་མ་ཁ། །

ཇོ་བཟང་མིན་པའི་དན་རྟགས་ཐ་མ་ཁ། །

ཉོ་ལེ་དགེ་སྦྱོར་འཆག་བྱེད་ཐ་མ་ཁ། །

（ཀྲུང་དབྱང་བོད་སྐད་རླུང་འཕྲིན）

ལག་བསྟར་རྩོམ་སྒྲིག་པ། སངས་བཀྲ།

ལྟ་སྐུལ་བ། སྐལ་བཟང་རྒྱལ།

སྤྱིའི་ལྟ་སྐུལ་བ། ཚེ་དབང་རྡོ་རྗེ།

ཚགས་པར་ཁང་གི་སྡོད་གནས།

མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནུབ་སྲང་ལམ་ཆེན་ཨང79པ།

ཁ་པར། 0971-6312635

སྦྲག་སྲིད། 810008

ཡིག་ཟམ། qhfzb@aliyun.com

地址：青海省西宁市西关大街79号

电话：0971-6312635

邮编：810008

E_mail：qhfzb@aliyun.com

青海藏文法治报

《青海藏文法治报》创刊于1982年，是全国唯一的藏文法制类综合报纸。每周五刊出，以“弘扬法治、关注民生、法眼观象、百姓情怀”为办报理念，分新闻、法治、服务、文学四大板块，内容紧扣涉藏民主法治建设。