རྒྱལ་སྤྱིའི་ཉེས་དོན་ཁྲིམས་ཁང（ICC）གིས་ཨི་ཟི་རེལ་གྱི་ཙུང་ལི་ནེ་ཐ་ཉི་ཡ་ཧུའུ་དང་རྒྱལ་སྲུང་པུའུ་ཀྲང་ཟུར་པ་ཅཱ་ལན་ཐེར་འཛིན་བཟུང་བྱ་རྒྱུའི་བཀའ་རྒྱ་བཏང་།
ས་གནས་དེ་གའི་དུས་ཚོད་ཟླ་བཅུ་གཅིག་པའི་ཚེས་ཉེར་གཅིག་ཉིན། རྒྱལ་སྤྱིའི་ཉེས་དོན་ཁྲིམས་ཁང（ICC）གིས་ཨི་ཟི་རེལ་གྱི་ཙུང་ལི་ནེ་ཐ་ཉི་ཡ་ཧུའུ་དང་རྒྱལ་སྲུང་པུའུ་ཀྲང་ཟུར་པ་ཅཱ་ལན་ཐེ་འཛིན་བཟུང་བྱ་རྒྱུའི་བཀའ་རྒྱ་བཏང་བ་རེད། རྒྱལ་སྤྱིའི་ཉེས་དོན་ཁྲིམས་ཁང་གིས་ནེ་ཐ་ཉི་ཡ་ཧུའུ་དང་ཅཱ་ལན་ཐེ་གཉིས་ཀྱིས་ཉུང་མཐར་ཡང་༢༠༢༣ལོའི་ཟླ་བཅུ་པའི་ཚེས་བརྒྱད་ཉིན་ནས་༢༠༢༤ལོའི་ཟླ་ལྔ་པའི་ཚེས་ཉི་ཤུའི་ཉིན་བར（ཞིབ་དཔྱོད་ཕྱོགས་ཀྱིས་འཛིན་བཟུང་བཀའ་རྒྱ་རེ་ཞུ་བྱས་པའི་ཉིན་མོ）མིའི་རིགས་ལ་གནོད་འཚེ་གཏོང་བའི་ནག་ཉེས་དང་དམག་འཁྲུག་གི་ནག་ཉེས་བསགས་ཡོད་པར་ཉེས་བགྲང་ཞུ་གཏུག་བྱས། རྒྱལ་སྤྱིའི་ཉེས་དོན་ཁྲིམས་ཁང་གིས་ནེ་ཐ་ཉི་ཡ་ཧུའུ་དང་ཅཱ་ལན་ཐེའི་ཉེས་བགྲང་ཞུ་གཏུག་ནང་བཀྲེས་ལྟོགས་དམག་འཁྲུག་གི་ལག་ཆ་བྱེད་པ་དང་། དེ་བཞིན་ལྐོག་གསོད་དང་གནོད་འཚེ་གཏོང་བ། མི་ཆོས་ལས་འགལ་བའི་བྱ་སྤྱོད་གཞན་དག་ཚུད་ཡོད་ཅེས་བཤད་པ་རེད། ཉིན་དེར་རྒྱལ་སྤྱིའི་ཉེས་དོན་ཁྲིམས་ཁང་གིས་ད་དུང་ཕ་ལེ་སི་ཐན་དབྱི་སི་ལན་འགོག་རྒོལ་ལས་འགུལ་ཧ་མ་སིའི་འགོ་ཁྲིད་པ་མུའུ་ཧན་མོ་ཏེ་ཏི་ཡ་ཕུའུ་དབྱི་པུའུ་ལ་ཞིན་མ་སི་ལི་འཛིན་བཟུང་བྱ་རྒྱུའི་བཀའ་རྒྱ་བཏང་བ་རེད།
མིག་སྔར་ཨི་ཟི་རེལ་དང་ཧ་མ་སི་ཕྱོགས་ཀྱིས་དེའི་ཐད་ལན་གང་ཡང་བརྒྱབ་མི་འདུག
ཡོང་ཁུངས། ཀྲུང་དབྱང་བརྙན་འཕྲིན་དྲ་བ།
རྩོམ་སྒྲིག་པ། ལྷ་མོ་བཀྲ་ཤིས།
ཞུ་ཆེན། པ་སངས་རྡོ་རྗེ།
གཙོ་སྒྲིག་པ། མཁའ་འགྲོ་ཚེ་རིང་།
ལྟ་སྐུལ་པ། འཆི་མེད་དབང་མོ།
གོང་གི་ཚད་གཉིས་ཨང་གྲངས་བཤེར་འབེབས་བྱས་ན་
ཁམས་པའི་བརྙན་འཕྲིན་གྱི་ལེ་ཚན་ཆ་ཚང་གཟིགས་ཐུབ།
关注我们
微信号 ：weikangba
新浪微博 ：康巴藏语卫视
ཤམ་བྷ་ལ་ཆ་འཕྲིན་ཕབ་ལེན་བྱས་ན་བོད་ཁུལ་གྱི་ཆ་འཕྲིན་གསར་པ་གང་མང་གཟིགས་ཐུབ་པར་མ་ཟད། གླུ་གར་དང་བོད་སྐད་བརྙན་འཕྲིན་ཟློས་གར། གློག་བརྙན། འཆད་ཁྲིད། རོལ་དབྱངས་སོགས་ཆབ་དཔལ་རིག་གསུམ་གང་ཡིན་ཡང་རང་ཉིད་ཀྱི་འདོད་མོས་ལྟར་གཟིགས་ཆོག
