བོད་འབྲེལ་ས་ཁུལ་གྱི་གྲོང་ཚོ་འདི་ད་ལོའི་འཛམ་གླིང་གྲོང་གསེབ་ཡུལ་སྐོར་གནས་མཆོག་གི་མིང་ཐོར་ཚུད།
དེ་རིང་ཉིས་སྟོང་ཉེར་བཞིའི་འཛམ་གླིང་གྲོང་གསེབ་ཡུལ་སྐོར་གནས་མཆོག་གྲོང་ཚོའི་མིང་ཐོ་ཁྱབ་བསྒྲགས་བྱས་པ་དང་། རང་རྒྱལ་གྱིས་རེ་ཞུ་བྱས་པའི་ཡུན་ནན་ཨ་ཀྲེ་ཁོ་གྲོང་ཚོ་དང་། ཧྥུའུ་ཅན་ཀོན་དབྱང་གྲོང་ཚོ། ཧུའུ་ནན་ཧྲི་པཱ་ཏུང་གྲོང་ཚོ། སི་ཁྲོན་ཐའོ་ཕིང་ཆའང་གྲོང། ཨན་ཧུའེ་ཞའོ་ཀང་གྲོང་ཚོ། ཀྲེ་ཅང་ཞི་ཐོའུ་གྲོང་ཚོ། ཧྲན་ཏུང་ཡན་ཏུན་ཅུའོ་གྲོང་ཚོ་སོགས་གྲོང་ཚོ་བདུན་ནི་ད་ལོའི་འཛམ་གླིང་གྲོང་གསེབ་ཡུལ་སྐོར་གནས་མཆོག་གྲོང་ཚོ་རུ་བདམས་ཐོན་བྱུང་བ་རེད།
རྒྱུས་ལོན་བྱུང་བ་ལྟར་ན་ཐེངས་འདིར་རྒྱལ་ཁབ་ཉེར་བཞིའི་གྲོང་ཚོ་ཞེ་བརྒྱད་འཛམ་གླིང་གྲོང་གསེབ་ཡུལ་སྐོར་གནས་མཆོག་གྲོང་ཚོའི་ནང་དུ་བདམས་ཤིང་། རང་རྒྱལ་ནི་ཐེངས་འདིར་བདམས་ཐོན་བྱུང་བའི་གྲོང་ཚོ་མང་ཤོས་ཀྱི་རྒྱལ་ཁབ་ཡིན་པ་དང་། བདམས་ཐོན་བྱུང་བའི་སྤྱི་འབོར་གྱིས་འཛམ་གླིང་གི་ཨང་དང་པོར་ཟིན་ཡོད། ད་སྔའི་བར་དུ་རང་རྒྱལ་གྱི་གྲོང་ཚོ་བཅོ་ལྔ་འཛམ་གླིང་གྲོང་གསེབ་ཡུལ་སྐོར་གནས་མཆོག་གྲོང་ཚོའི་ནང་དུ་བདམས་ཤིང་། དེ་ལས་བོད་འབྲེལ་ས་ཁུལ་གྱི་གྲོང་ཚོ་གཉིས་འཛམ་གླིང་གྲོང་གསེབ་ཡུལ་སྐོར་གནས་མཆོག་གྲོང་ཚོའི་ནང་དུ་བདམས་ཡོད་པ་སྟེ། གཅིག་ནི་ད་ལོར་བདམས་ཐོན་བྱུང་བའི་རྔ་བ་ཁུལ་ལིས་རྫོང་གི་ཐའོ་ཕིང་ཆའང་གྲོང་དང་། གཞན་དེ་ནི་ན་ནིང་ལོར་བདམས་ཐོན་བྱུང་བའི་ཀན་ལྷོ་ཁུལ་ཐེ་བོ་རྫོང་གི་བྲག་སྒམ་ནང་གྲོང་ཚོ་རེད།
༢༠༢༤ལོར་འཛམ་གླིང་གྲོང་གསེབ་ཡུལ་སྐོར་གནས་མཆོག་ནང་བདམས་ཐོན་བྱུང་བའི་ཐའོ་ཕིང་ཆའང་གྲོང་།
དེ་ལས་རྔ་བ་ཁུལ་ལིས་རྫོང་གི་ཐའོ་ཕིང་ཆའང་གྲོང་ནི་བོད་འབྲེལ་ས་ཁུལ་ནས་བདམས་ཐོན་བྱུང་བའི་འཛམ་གླིང་གྲོང་གསེབ་ཡུལ་སྐོར་གནས་མཆོག་གི་གྲོང་ཚོ་གཉིས་པ་དང་། སི་ཁྲོན་ཞིང་ཆེན་ཡོངས་ཀྱི་འཛམ་གླིང་གྲོང་གསེབ་ཡུལ་སྐོར་གནས་མཆོག་གི་གྲོང་ཚོ་དང་པོ་དེ་ཡིན་པ་རེད། གྲོང་ཚོ་འདི་ནི་རྒྱལ་ཁབ་རིམ་པའི་ཆའང་རིགས་རིག་གནས་སྐྱེ་ཁམས་སྲུང་སྐྱོབ་ཁུལ་གྱི་ལྟེ་གནས་ས་ཁུལ་དང་ཇ་འདྲེན་བརྡལ་ལམ་གྱི་གལ་ཆེའི་ས་ཚུགས་སུ་གནས་ཤིང་། གྲོང་ཚོ་དེ་ནི་ཐུན་མོང་མ་ཡིན་པའི་ཁྱད་ཆོས་ལྡན་པའི་མཁར་རྫོང་དང་སྲོལ་རྒྱུན་གྱི་དམངས་སྲོལ་སྡོད་ཁང་ལ་བརྟེན་ནས་སྐད་གྲགས་རྒྱས་ཤིང་། གྲོང་ཚོ་དེ་ཡི་ཁྱད་ལྡན་མི་ཆོས་མཛེས་ལྗོངས་དང་། དམངས་སྲོལ་རིག་གནས་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བའི་མིག་དབང་འགུགས་པ་རེད། དེར་བརྟེན་ཁྱད་ལྡན་གྲོང་གསེབ་ཡུལ་སྐོར་ནི་མི་རིགས་འགྲོ་འོང་དང་སྤེལ་རེས། མཉམ་འདྲེས་བཅས་ཡོང་བའི་ཐབས་ལམ་གལ་ཆེན་ཞིག་ཏུ་གྱུར་ཡོད།
༢༠༢༣ལོར་འཛམ་གླིང་གྲོང་གསེབ་ཡུལ་སྐོར་གནས་མཆོག་ནང་བདམས་ཐོན་བྱུང་བའི་བྲག་སྒམ་ནང་གྲོང་ཚོ།
ཡོང་ཁུངས། སི་ཁྲོན་རྟོག་ཞིབ་གསར་འགྱུར།
རྩོམ་སྒྲིག་པ། མཚོ་ལྷ།
ཞུ་ཆེན། པ་སངས་རྡོ་རྗེ།
གཙོ་སྒྲིག་པ། མཁའ་འགྲོ་ཚེ་རིང་།
ལྟ་སྐུལ་པ། འཆི་མེད་དབང་མོ།
གོང་གི་ཚད་གཉིས་ཨང་གྲངས་བཤེར་འབེབས་བྱས་ན་
ཁམས་པའི་བརྙན་འཕྲིན་གྱི་ལེ་ཚན་ཆ་ཚང་གཟིགས་ཐུབ།
关注我们
微信号 ：weikangba
新浪微博 ：康巴藏语卫视
ཤམ་བྷ་ལ་ཆ་འཕྲིན་ཕབ་ལེན་བྱས་ན་བོད་ཁུལ་གྱི་ཆ་འཕྲིན་གསར་པ་གང་མང་གཟིགས་ཐུབ་པར་མ་ཟད། གླུ་གར་དང་བོད་སྐད་བརྙན་འཕྲིན་ཟློས་གར། གློག་བརྙན། འཆད་ཁྲིད། རོལ་དབྱངས་སོགས་ཆབ་དཔལ་རིག་གསུམ་གང་ཡིན་ཡང་རང་ཉིད་ཀྱི་འདོད་མོས་ལྟར་གཟིགས་ཆོག
