شيزاڭ اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى جياڭ جيەنىڭ پارا الۋ دەلوسىنا ءبىرىنشى سوتتا ۇكىم شىعارىلدى
شينحۋا اگەنتتىگىنىڭ 10 ـ ايدىڭ 12 ـ كۇنى تيانجيننەن بەرگەن حابارى. 2024 ـ جىلى 10 ـ ايدىڭ 12 ـ كۇنى تيانجين قالالىق 1 ـ ورتا دارەجەلى حالىق سوت مەكەمەسى شيزاڭ اۆتونوميالى رايوندىق ساياسي كەڭەس پارتگرۋپپاسىنىڭ بۇرىنعى مۇشەسى، ورىنباسار ءتوراعاسى جياڭ جيەنىڭ پارا الۋ دەلوسىنا اشىق ۇكىم شىعارىپ، پارا الۋ قىلمىسى بويىنشا ايىپكەر جياڭ جيەنى ءولىم جازاسىنا ۇكىم ەتىپ، ەكى جىل كەشىكتىرىپ اتقارىپ، ساياسي ۇقىعىنان ءومىر بويى ماحۇرىم ەتتى ءارى دەلوعا بايلانىستى جياڭ جيەنىڭ پارا الۋ جولىمەن تاپقان مال - مۇلكى مەن ونىڭ ءوسىمىن قايتارىپ الىپ، مەملەكەت قازىناسىنا تاپسىرادى، جەتپەگەن بولەگىن جالعاستى قۋزاپ قايتارىپ الادى.
تەكسەرۋ ارقىلى مىنانى انىقتادى: 2000 - جىلدان 2023 - جىلعا دەيىن ايىپكەر جياڭ جيە شاندۇڭ ولكەسى چيڭداۋ قالاسى حۋاڭداۋ رايوندىق پارتكومنىڭ ورىنباسار شۋجيى، رايون باستىعى، حۋاڭداۋ رايوندىق پارتكومنىڭ شۋجيى، قوسىمشا چيڭداۋ ەكونوميكالىق - تەحنيكالىق اشۋ رايونى پارتيا قىزمەتى كوميتەتىنىڭ شۋجيى، باسقارۋ كوميتەتىنىڭ مەڭگەرۋشىسى، شاندۇڭ ولكەسى دۇڭيىڭ قالالىق پارتكومنىڭ ورىنباسار شۋجيى، قالا باستىعى، دۇڭيىڭ قالالىق پارتكومنىڭ شۋجيى، شيزاڭ اۆتونوميالى رايوندىق ۇكىمەت پارتگرۋپپاسىنىڭ مۇشەسى، ورىنباسار ءتوراعاسى، قوسىمشا قاتىناس - تاسىمال مەڭگەرمەسىنىڭ باستىعى، شيزاڭ اۆتونوميالى رايوندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ءتوراعاسى قاتارلى قىزمەت قولايلىلىعىنان پايدالانىپ، قاتىستى ورىندار مەن جەكەلەرگە، اكىمشىلىك تەكسەرىپ بەكىتۋ، قۇرىلىستى كوتەرەگە الۋ، جەردى وتكەرمەلەۋ جانە مىندەتىن ءوسىرۋ سياقتى ىستەردە كومەك كورسەتكەن، زاڭسىز قابىلداعان مال - مۇلىكى حالىق اقشاسىنا سىندىرعاندا جيىنى 225 ميلليون يۋاننان اسقان.
تيانجين قالالىق 1 - ورتا دارەجەلى حالىق سوت مەكەمەسى بىلاي دەپ قارادى: ايىپكەر جياڭ جيەنىڭ ارەكەتى پارا الۋ قىلمىسىن قالىپتاستىردى، پارا الۋ سوماسى توتەنشە كوپ، سونداي - اق مەملەكەت پەن حالىقتىڭ مۇددەسىن ەرەكشە اۋىر زيانعا ۇشىراتتى. جياڭ جيەنىڭ دەلوعا الىنعاننان كەيىن قامداعان باسقا دا ءىرى دەلو دەرەكتەرىنىڭ شىن ەكەندىگى تەكسەرىلىپ راستالدى، ەلەۋلى ەڭبەك كورسەتۋ بەينەسى بولدى، قىلمىسىن قاز - قالپىندا مويىندادى، دەلونى ءبىر جاقتى ەتۋ ورگانى ءالى يگەرمەگەن كوپ ساندى پارا الۋ قىلمىس فاكتىلەرىن ىرىقتىلىقپەن تاپسىرىپ، قىلمىسىن تانىپ، وكىنەتىنەتىندىگىن ءبىلدىرىپ، ارام ولجانى بەلسەنە قايتارىپ، پارا الۋدان تۇسكەن مال - مۇلىكتىڭ جانە ولاردىڭ ءوسىمىنىڭ باسىم كوپ بولەگى قۋزاپ تاپسىرىلىپ الىندى، سوندىقتان زاڭ بويىنشا، جاعدايىنا قاراي جەڭىل جازا كەسىلەتىن جايتتەر بەلگىلەنىپ، ءولىم جازاسىنا ۇكىم ەتىپ، كەشىكتىرىپ اتقارۋدى بەلگىلەدى. سونىمەن سوت مەكەمەسى جوعارىداعىداي ۇكىم شىعاردى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
