![]()
བྲག་གདོང་བཀྲས་གླིང་དབང་རྡོར།
བྲག་གདོང་བཀྲས་གླིང་དབང་རྡོར། 1934ལོར་བོད་ལྗོངས་རྒྱལ་རྩེ་ཁུལ་བྲག་གདོང་བཀྲས་གླིང་ཞེས་པའི་ཁྱིམ་དུ་སྐྱེས། 1940ལོ་ནས་རྒྱལ་རྩེ། ལྷ་ས་བཅས་སུ་བོད་ཀྱི་ལུགས་རྙིང་སློབ་གྲྭར་ཞུགས། 1946ལོ་ནས་རྒྱ་གར་རྡོ་རྗེ་གླིང་སེན་འཇོ་སེབ་ཏུ་གྲགས་པའི་དབྱིན་ཇིའི་སློབ་གྲྭར་སློབ་སྦྱོང་མཛད་ཅིང་། 1953ལོར་ཕྱིར་ཕེབས་ནས་ལྷ་ལྡན་ཟས་ཞིང་སློབ་གྲྭ་དང་རྒྱལ་རྩེ་སློབ་ཆུང་དུ་དགེ་མིང་མཛད། 1958-1976ལོར་རྒྱལ་རྩེ་གཞོན་ནུ་སྡེ་ཚོགས་ལས་དོན་ཨུ་ཡོན་ལྷན་ཁང་དང་གཞིས་རྩེ་ས་གནས་ལས་བྱེད་སློབ་གྲྭ། གཞིས་རྩེ་རྟ་ནག་གློག་ཁང་སོགས་སུ་ཕྱག་ལས་མཛད། 1977-1984ལོར་རང་སྐྱོང་ལྗོངས་སློབ་གསོ་ཐིན་དུ་སློབ་གྲྭ་འབྲིང་ཆུང་གི་སློབ་དེབ་རྩོམ་སྒྱུར་མཛད། 1985-1991ལོར་བོད་རང་སྐྱོང་ལྗོངས་ཡུལ་སྐོར་ཅུས་སུ་ཕྱག་ལས་གནང་མྱོང་།བརྩམས་ཆོས་ལ། རང་རྩོམ་དང་སྒྱུར་རྩོམ་གཉིས་སུ་འདུ། «བཀྲས་ཟུར་ཚང་གི་གསང་བའི་གཏམ་རྒྱུད»ཅེས་སྒྲུང་གཏམ་རིང་གྲས་བོད་ཡིག་དང་དབྱིན་ཡིག་གཉིས་སུ་འབྲི་གནང་མཛད་ལ། «བོད་ཡུལ་དང་བོད་མི»ཞེས་པ་རྒྱ་ཡིག་ནས་དབྱིན་ཡིག་ཏུ་བསྒྱུར།«ཡུལ་སྐོར་སྣེ་ཤན་པའི་ཉིན་དེབ»ཅེས་པ་དབྱིན་ཡིག་གིས་བྲིས་པ་མ་ཟད། «བོད་དབྱིན་རྒྱ་གསུམ་ཤན་སྦྱར་ཚིག་མཛོད»ཅེས་པའི་དེབ་ཆུང་ཞིག་ཀྱང་རྩོམ་སྒྲིག་མཛད། དེ་དག་ལས«བཀྲས་ཟུར་ཚང་གི་གསང་བའི་གཏམ་རྒྱུད»ལ1997ལོར་བོད་ཀྱི་རྩོམ་རིག་སྒྱུ་རྩལ་རྩོམ་སྒྲིག་ཁང་གི་རླུང་རྟ་བུམ་པའི་བྱ་དགའ་དང་། 1999ལོར་སྐབས་གཉིས་པའི་བོད་ལྗོངས་དུས་རབས་གསར་པའི་རྩོམ་རིག་བྱ་དགའ་ཐོབ།![]()
![]()
![]()
![]()
བཀྲས་ཟུར་ཚང་གི་གསང་བའི་གཏམ་རྒྱུད་ཀྱི་ཐ་སྙད་མཆན་འགྲེལ།
འབྲུ་ཚ་རིན་ཆེན་མཁར།
ལེའུ་བཅུ་གཅིག
འང་གུ་མདོག མདོག་སྔོ་སྐྱ་ལ་གོཀྲ་ཡེ། མགུལ་ཆིངས་ཀྱི་དོན། རྒྱ་སྐད་དུ领带ཟེར།ཆར་ཁེབས། ཆར་གདུགས་དང་དོན་གཅིགངོ་རྒྱ་འུ། གདོང་སྨ་རའི་ཁེབས་པ་ལ་གོཔ་གིར། ལྭ་བའི་ཁུག་མའི་དོན་སྟེ། ཨིན་སྐད་དུPocketཞེས་པ་སྒྲ་སོར་བཞག་བྱས་འདུགཀུ་རུ་ཁ། རྒྱ་ཀྲམ་གྱི་དབྱིབས་ལ་ཟེར་བ་ཨེ་ཡིན་ནམ།ཀུ་ཀྲུ་མ་ནེ། ཞོགས་པ་བདེ་ལེགས་ཞེས་པའི་དོན། ཨིན་སྐད་ཀྱི་Good momingཞེས་པ་སྒྲ་སོར་བཞག་བྱས་འདུགཁེ་ལ་སི། འཛིན་གྲྭའི་དོན་སྟེ། ཨིན་སྐད་ཀྱི་Classཞེས་པའི་དོན། སྦེ་སི་ཀོབ། གློག་བརྙན་གྱི་དོན་སྟེ། ཨིན་སྐད་དུBioscopeཞེས་པའི་སྒྲ་སོར་བྱས་འདུགསྒྲོག་རས། ཅོག་ཙེའི་སྟེང་དུ་འདང་རྒྱུའི་རས་སྟེ། རྒྱ་སྐད་དུ桌布ཟེར།བྱུང་འཛིན། དངོས་ཟོག་དང་ཡི་གེ་སོགས་ཕར་སྤྲད་པ་དང་ལག་ཏུ་ཚུར་འབྱོར་བའི་བདེན་དཔང་ཡི་གེ་སྟེ།དཔེར་ན། གཞུང་དོན་དུ་ཉོ་ཚོང་བརྒྱབ་པའི་བྱུང་འཛིན་རྣམས་ཉར་ཚགས་བྱས་ལྟ་བུ།ཇ་པ་ཏི། རྒྱ་གར་ཀྱི་སྐད་སྟེ། ཇ་མངར་མོ་བཟོ་བྱེད་ཀྱི་ཇ་ནག་ཞིབ་ཞིབ་ཅིག རྒྱ་སྐད་དུ红茶ཟེར། ཧེར་ཁུ་ལི་སེ། གྷི་རི་སི་རྒྱལ་ཁབ་ཏུ་གྲགས་པའི་ལྷ་ཆེན་ཞིག་སྟེ་མགོ་བོ་བཏེགས་ན་ནམ་མཁའི་སྤྲིན་པར་ཐུག་པ་དང་། རྒྱ་མཚོར་བསྐྱོད་ན་པུས་མོ་ཙམ་ལས་མི་ནུབ་པ་ཞིག་ཡོད་པར་གྲགས། ཨིན་སྐད་དུHerculesཞེས་པ་སོར་བཞག་བྱས་འདུགའཇུ་ལི། མི་མིང་སྟེ། ཨིན་སྐད་དུJulieཟེར།ཨན་བན། ཤིང་ལེབ་ཡིན་ནམ་སྙམ།
རྒྱལ་སྲས་ཟ་འོག་ལ་སྤེལ་བའི་བརྩམས་སྒྲུང་དང་ལྷུག་རྩོམ་གང་ཡིན་ཡང་གུས་པས་རང་གི་དགའ་ཕྱོགས་ལྟར་ཡག་པོར་མཐོང་བ་སྐོར་ཞིག་བདམས་པ་ཡིན་ཞིང་། སྒྲོག་འདོན་དང་འཁྲབ་བཤད་བྱེད་སྐབས་ཨ་མདོའི་འབྲོག་སྐད་ལས་མཚོ་སྔོན་པོའི་ཁ་སྐད་གཙོར་བཟུང་སྟེ་བཏོན་ཡོད་པས་ཁ་སྐད་དང་ཡིག་སྐད་གཉིས་དོ་མི་མཉམ་པ་དང་ཀློག་སྟངས་སོགས་ལ་ཡུལ་སྐད་གཞན་དང་མི་མཐུན་སའང་གང་མང་ཡོད་སྲིད། དེ་མིན་ལྷུག་རྩོམ་རྣམས་ཀློག་པའི་སྐབས་སུ་ཁ་སྐད་རྐྱང་རྐྱང་ངམ་ཚིག་ནག་ལ་ཕབ་དྲགས་ན་རྩོམ་པ་པོ་རྣམས་ཀྱིས་ཚིག་རྩལ་བཏོན་པའི་ཆ་རེ་ཉམས་ཨེ་འགྲོར་དོགས་ནས་ཡིག་སྐད་སོར་བཞག་དང་སྐབས་རེར་ཁ་སྐད་དང་ཡིག་སྐད་མཉམ་བསྲེས་བྱས་ཡོད། གཞན་ཡང་། གུས་པ་སྒྲོག་འདོན་ཞེས་པའི་ལམ་ཁར་ཞུགས་ཙམ་ཡིན་ཞིང་སྒྲོག་འདོན་ཞེས་པའི་ཐ་སྙད་འདིའི་སྦྱོར་སྟངས་སོགས་འགྲིག་མིན་གྱི་ཁ་ཚོན་ཡང་གཅོད་དཀའ་ལ། མང་པོས་ཁྱད་མེད་དུ་སྤྱོད་པའི་ཀློག་འདོན་དང་སྒྲོག་འདོན། སྙན་སྒྲོན། གྱེར་འདོན། ཟུར་བཤད། སེམས་གཏམ། འཁྲབ་བཤད་སོགས་ལའང་ཁྱད་པར་ཅུང་ཙམ་རེ་ཡོད་སྲིད་ནའང་ཁོ་བོས་དེ་དག་རེ་རེའི་མཚན་ཉིད་འདི་ཡིན་དང་ཁྱད་པར་འདི་ལྟར་དབྱེ་དགོས་སོགས་ཀྱི་ཐད་ནས་གང་ཡང་སྨྲ་བར་མི་སྤོབས་སོ།།![]()
![]()
![]()
![]()
![]()
![]()
![]()
![]()
![]()
![]()
![]()
