![]()
བྲག་གདོང་བཀྲས་གླིང་དབང་རྡོར།
བྲག་གདོང་བཀྲས་གླིང་དབང་རྡོར། 1934ལོར་བོད་ལྗོངས་རྒྱལ་རྩེ་ཁུལ་བྲག་གདོང་བཀྲས་གླིང་ཞེས་པའི་ཁྱིམ་དུ་སྐྱེས། 1940ལོ་ནས་རྒྱལ་རྩེ། ལྷ་ས་བཅས་སུ་བོད་ཀྱི་ལུགས་རྙིང་སློབ་གྲྭར་ཞུགས། 1946ལོ་ནས་རྒྱ་གར་རྡོ་རྗེ་གླིང་སེན་འཇོ་སེབ་ཏུ་གྲགས་པའི་དབྱིན་ཇིའི་སློབ་གྲྭར་སློབ་སྦྱོང་མཛད་ཅིང་། 1953ལོར་ཕྱིར་ཕེབས་ནས་ལྷ་ལྡན་ཟས་ཞིང་སློབ་གྲྭ་དང་རྒྱལ་རྩེ་སློབ་ཆུང་དུ་དགེ་མིང་མཛད། 1958-1976ལོར་རྒྱལ་རྩེ་གཞོན་ནུ་སྡེ་ཚོགས་ལས་དོན་ཨུ་ཡོན་ལྷན་ཁང་དང་གཞིས་རྩེ་ས་གནས་ལས་བྱེད་སློབ་གྲྭ། གཞིས་རྩེ་རྟ་ནག་གློག་ཁང་སོགས་སུ་ཕྱག་ལས་མཛད། 1977-1984ལོར་རང་སྐྱོང་ལྗོངས་སློབ་གསོ་ཐིན་དུ་སློབ་གྲྭ་འབྲིང་ཆུང་གི་སློབ་དེབ་རྩོམ་སྒྱུར་མཛད། 1985-1991ལོར་བོད་རང་སྐྱོང་ལྗོངས་ཡུལ་སྐོར་ཅུས་སུ་ཕྱག་ལས་གནང་མྱོང་།བརྩམས་ཆོས་ལ། རང་རྩོམ་དང་སྒྱུར་རྩོམ་གཉིས་སུ་འདུ། «བཀྲས་ཟུར་ཚང་གི་གསང་བའི་གཏམ་རྒྱུད»ཅེས་སྒྲུང་གཏམ་རིང་གྲས་བོད་ཡིག་དང་དབྱིན་ཡིག་གཉིས་སུ་འབྲི་གནང་མཛད་ལ། «བོད་ཡུལ་དང་བོད་མི»ཞེས་པ་རྒྱ་ཡིག་ནས་དབྱིན་ཡིག་ཏུ་བསྒྱུར།«ཡུལ་སྐོར་སྣེ་ཤན་པའི་ཉིན་དེབ»ཅེས་པ་དབྱིན་ཡིག་གིས་བྲིས་པ་མ་ཟད། «བོད་དབྱིན་རྒྱ་གསུམ་ཤན་སྦྱར་ཚིག་མཛོད»ཅེས་པའི་དེབ་ཆུང་ཞིག་ཀྱང་རྩོམ་སྒྲིག་མཛད། དེ་དག་ལས«བཀྲས་ཟུར་ཚང་གི་གསང་བའི་གཏམ་རྒྱུད»ལ1997ལོར་བོད་ཀྱི་རྩོམ་རིག་སྒྱུ་རྩལ་རྩོམ་སྒྲིག་ཁང་གི་རླུང་རྟ་བུམ་པའི་བྱ་དགའ་དང་། 1999ལོར་སྐབས་གཉིས་པའི་བོད་ལྗོངས་དུས་རབས་གསར་པའི་རྩོམ་རིག་བྱ་དགའ་ཐོབ།![]()
![]()
![]()
![]()
བཀྲས་ཟུར་ཚང་གི་གསང་བའི་གཏམ་རྒྱུད།
འབྲུ་ཚ་རིན་ཆེན་མཁར།
ཟ་སྒོར། ཟས་ནོར་གྱི་ཡོང་སྒོར་ལ་གོའམ་སྙམ། ལས་ཚན་པ། སྔར་བོད་སྡེ་བ་གཞུང་གི་གཞུང་ཞབས་ལས་བྱེད་གོ་གནས་རིམ་པ་ལྔ་བ་ཡི་མིང་། རྩིས་དཔོན། དགའ་ལྡན་ཕོ་བྲང་སྐབས་ཀྱི་རྩིས་ཁང་གི་འགོ་དཔོན། འོང་དཀྱིལ། ཞིང་ག་མང་པོ་ཡོད་པ་དེའི་དཀྱིལ་ལ་གོཞབས་ཞུ་སྒང་། ཞབས་ཞུ་ཁང་དང་དོན་འདྲ་སྙམ། ཕྱུ་བ། བོད་ཆས་སྟེ། ཁྱིམ་པའི་གོས།རྐུབ་སུལ། གཙུག་གཡུའི་མཆན་འབྲེལ་དུ་གསལ།མི་བབས། མིའི་གཟུགས་བྱད་བཟང་ངན་གྱི་རྣམ་པ། མི་བོགས། མི་ཁྲལ་ཏེ། ཁྲལ་རིགས་ཤིགདྲག་རེས། ནུས་པ་ཆེ་བའམ་རིམ་པ་མཐོ་བ་སོགས་ཀྱིས་དོན་ཡིན་པར་སྙམ། ཞེ་ཅིག ཞེ་གཅིག་སྟེ། རིགས་མཐུན་ནམ་ཤ་སྟག ནད་པ་ཞེ་གཅིག་ལྟ་བུ། གསོལ་ཞིབ། གྲོ་ཕྱེ་ཡི་ཞེ་ས། རྒྱ་ཞིབ། བྲ་བོའམ་རྒྱ་སྐད荞麦ཞེས་པའི་འབྲུ་རིགས་དེ་ཡིན་པ་འདྲ།གསོལ་ཀྲུམ་སྐམ་གསེང་། ཤ་སྐམ་གྱི་ཞེ་ས། གསོལ་མར་སོས་པ། མར་གསར་པའི་དོན། ཐུགས་མཁོ། དགོས་མཁོ་ཡི་ཞེ་ས། རྡོ་གཅལ། རྡོ་བཅོས་ཏེ་གཅལ་མར་བཀྲམ་པའི་ས་གཞིའམ་ཐང་ཆེན་སོགས།ཞག་ས། ཞག་པོར་སྡོད་ས་སྟེ། གྲོང་འདབས་སུ་ཞག་ས་བྱེད་པ་ལྟ་བུ། འཆར་ཅན། རྒྱུན་སྲོལ། དུས་ངེས་ཅན། རྫ་ལ། ཐབ་ཆས་སྟེ། བ་རྡོ་གསུམ་གྱི་ཚབ་ལ་ལྕགས་ཀྱིས་བཟོས་པའི་ཐབ་ཆས་ཀྱི་མིང་།སྨིན་བདུན་མ་རུ་བཞི་སྒྲོམ།ལྔ་སྒྲོམ་ཆོད། དྲུག་སྒྲོམ་ཆོད། བྱང་མི་འགྱུར་སྐར་མ་ཨ་བརྟན་གྱི་འགྲམ་ན་ཡོད་པའི་སྐར་ཚོམ་ཞིག་སྟེ། སྐར་མ་སྨེ་བདུན་དུ་འབོད་པ་དབྱིབས་ཐོམ་བུ་ལྟ་བུ་ཞིག་ཡོད་པ་དེ་ཡིན་ནམ་སྙམ། དབུས་ཀྱི་གྲོགས་པོ་ཞིག་གིས་བྱང་གི་ཕྱོགས་ནས་ཐོག་མར་སྐར་མ་གཅིག་ལས་མི་འཆར་བ་དང་། རིམ་བཞིན་གཉིས་དང་གསུམ་དང་བཞི་དང་ལྔ་དང་དྲུག མཐར་སྐར་མ་བདུན་འཆར་དུས་གཞི་ནས་སྐྱ་མདའ་བཏང་ཡོད་པ་ཡིན་ཟེར། འོན་ཀྱང་སྐར་མ་སྨེ་བདུན་ནི་ཐོག་མ་ཉིད་ནས་མཉམ་དུ་ཤར་ཡོད་སྟབས་ཁོང་གིས་གསུངས་པའི་སྐར་མ་དེ་སྨེ་བདུན་མིན་ཀྱང་སྲིད། 百度བརྒྱ་བཤེར་ལས་བྱང་སྐར་མ་སྨེ་བདུན་གྱིས་དུས་བཞིའི་དབྱེ་བ་དབྱིབས་ཐོམ་བུ་ལྟ་བུའི་ཁ་འཁོར་ཕྱོགས་ཀྱིས་འབྱེད་པ་ཡིན་ཅེས་བྲིས་ཡོད་པ་ལས་དུས་ཚོད་དཔག་ཐུབ་པ་ཞིག་བྲིས་ཡོད་པ་མ་མཐོང་མོད། གྲོགས་པོ་གཞན་ཞིག་སྐར་མ་དེ་དག་རེ་རེ་བཞིན་འཆར་བ་མིན་པར་ནམ་ལངས་ཁར་སྐར་མ་རེ་རེ་བཞིན་ཡལ་བ་ཡིན་ངེས་ཟེར་བ་ཧ་ཅང་བདེན་པར་སྙམ། མཁྱེན་ལྡན་རྣམས་ཀྱིས་མཁྱེན་ན་གཤམ་དུ་མཆན་རེ་འགོད་རོགས། སྦྲག་ས། འཕྲིན་ཡིག་སྐྱེལ་སའི་ས་ཚིགས་ལ་གོམལ་ལེ། ཨིན་ཇིའི་སྐད་mileཞེས་པའི་ལམ་ཐག་མཚོན་བྱེད་དེ་ཡིན། སྣམ་ཐིང་མ་སེར་པོའི་འབོག་དམ་སྦྱར། དངོས་རྫས་འཇུག་སའི་སྣོད་ཁུག་མ་སེར་པོ་ཁ་དམ་པོར་སྦྱར་བ་ཞིག། ཚ་ཕོག གཙུག་གཡུའི་མཆན་འགྲེལ་དུ་གསལ། བྲེས། རྟ་བོང་སོགས་འདོགས་སའི་ར་བ། རྟ་སྒྲོ། རྟ་སྒའི་ཐོག་གཟར་རྒྱུའི་ལམ་ཆས་བླུག་སྣོད།སྐྱ་འབྲེལ། སྐྱ་ནི་རྩིག་པའམ་གྱང་ལ་གོ་དགོས། སྣ་འདྲོང་བ། སྣ་འདྲོང་པ་སྟེ། དྲང་པོ་སྟེ་འཁྱོག་མེད་པ། ཀ་ཏོར། མདེའུ་ཤུན། མདེལ་སྐོགས། མདེལ་རོ། ཕོ་བྲང་། འདིར་མེ་མདའི་ནང་མདེའུ་འཇུག་ས་དེར་གོབསྙེངས། བརྐྱང་བའི་བརྡ་རྙིང་། རྐང་བ་བསྙེངས་ལྟ་བུ། སྐྱ་འགྲམ། སྐྱ་ནི་ཁང་པའི་རྩིག་པ་སྟེ་དེའི་འགྲམ་ལ་གོ། སྒྲུང་གཏམ་འདིར། རྩིག་པར་ཐ་སྙད་སྐྱ་བྲིས་ཡོད་པ་མང་པོ་ཡོད་པས་དེ་ནི་རྒྱལ་རྩེའི་ཡུལ་སྐད་ཅིག་ཡིན་ཤས་ཆེ།དཔེར་ན། རྩིག་འགྲམ་ལ་སྐྱ་འགྲམ། རྩིག་ལོགས་ལ་སྐྱ་ལོགས། རྩིག་འབྲེལ་ལ་སྐྱ་འབྲེལ། རྩིག་ཟུར་ལ་སྐྱ་ཟུར། བྱང་གི་རྩིག་པ་ལ་བྱང་སྐྱ་ལྟ་བུའོ། ཁམས་ཕྱོགས་ཀྱི་ས་ཆ་ལ་ལར་སྐྱ་ནི་འཁྲིག་པ་སྤྱད་པ་ལ་གོ་བས་ཁྱིམ་ཚང་དུ་ཚིག་དེ་ལ་ཧ་ཅང་འཛེམ་ཞེས་གྲོགས་པོས་བཤད། ཨ་མདོ་ནས་རྟ་ཞོན་ལ་སྐྱ་མི་ཟེར་བར་དཔགས་ན་ཞོན་པ་ལ་གོའམ་སྙམ། བཙུགས་ཕྲུག བལ་ལས་བཟོས་པའི་གདན་ནམ་ཉལ་གཟན་སྤུ་ཅན་ཞིགཀམ་པ་ལི། ཕྱི་རྒྱལ་གྱི་ས་གདན་ཞིག་གོགནམ་ཐག་ཏུ་འཁོད། ལྕེབས་ཐག་ལ་དཔྱངས་པའི་དོན།དུང་སྒོར། དུང་གི་གདུ་བུར་གོ དུང་ཀོར་བྲིས་པའང་ཡོད། བང་ཁྲི། གྱང་ལོགས་སུ་སྦྱར་བའི་འཇོག་སྟེག་ཀྱི་མིང་། དཔེ་ཆ་བང་ཁྲིའི་སྟེང་དུ་བཞག་ཅེས་པ་ལྟ་བུ། འགོམ། དངོས་པོ་སོགས་ལ་སྐོར་ནས་མི་འགྲོ་བར་ཐོག་ནས་ལྡིང་ནས་འགྲོ་བའི་དོན། ཉི་འཕྱར་ལྷག་འཕྱར། ཉི་མ་དང་ལྷགས་རླུང་ཁྲོད་ཡུན་རིང་ལུས་པའི་དངོས་པོ་ལ་གོ་འམ་སྙམ། བརྡགས། དངོས་པོ་སོགས་དོ་དམ་བྱས་པར་གོའམ་སྙམ།སྦང་ག་ལི། རྦང་ཀ་ལི་སྟེ། སྐྲ་གཞོགས་གཉིས་བཀར་བའི་སྐྲ་ཚུགས་ཤིག་གོ རྒྱ་སྐད分头ཟེར།ཤ་སློམ། ཁ་ཟས་སོགས་འཇོག་སྣོད་སྨྱུག་མ་དང་ལྕུག་མས་སླས་པ་ཞིགསེམས་སྟོང་། འདྲེ་ཡི་མིང་། བྲང་བཀལ་བ། བྲང་གྱང་ཁར་ཀླན་ནས་བབས་པར་གོའམ་སྙམ། ཨམ་སྐད་དུ་ཁ་ཉལ་བཅོས་ཟེར། གོས་ཐུང་གི་གབ། གོས་ཀྱི་འགབ་བམ་འདབ་ཁ་ཡིན་ངེས། འཇོལ། དབྱིབས་རིང་བོ་ཐུར་དུ་འཕྱང་བ་སྟེ། ལུག་བལ་དཀར་འཇོལ་ལེ་བ། གཡག་རྒོད་ཀྱི་རྩིད་པ་འཇོལ་ལོ་ལོ། ལྟ་བུ།ཁྱི་ར། རི་དྭགས་བརྔོན་པའི་དོན་ཏེ། རྔོན་པ་ལ་ཁྱི་ར་བ་ཟེར།རྒྱལ་སྲས་ཟ་འོག་ལ་སྤེལ་བའི་བརྩམས་སྒྲུང་དང་ལྷུག་རྩོམ་གང་ཡིན་ཡང་གུས་པས་རང་གི་དགའ་ཕྱོགས་ལྟར་ཡག་པོར་མཐོང་བ་སྐོར་ཞིག་བདམས་པ་ཡིན་ཞིང་། སྒྲོག་འདོན་དང་འཁྲབ་བཤད་བྱེད་སྐབས་ཨ་མདོའི་འབྲོག་སྐད་ལས་མཚོ་སྔོན་པོའི་ཁ་སྐད་གཙོར་བཟུང་སྟེ་བཏོན་ཡོད་པས་ཁ་སྐད་དང་ཡིག་སྐད་གཉིས་དོ་མི་མཉམ་པ་དང་ཀློག་སྟངས་སོགས་ལ་ཡུལ་སྐད་གཞན་དང་མི་མཐུན་སའང་གང་མང་ཡོད་སྲིད། དེ་མིན་ལྷུག་རྩོམ་རྣམས་ཀློག་པའི་སྐབས་སུ་ཁ་སྐད་རྐྱང་རྐྱང་ངམ་ཚིག་ནག་ལ་ཕབ་དྲགས་ན་རྩོམ་པ་པོ་རྣམས་ཀྱིས་ཚིག་རྩལ་བཏོན་པའི་ཆ་རེ་ཉམས་ཨེ་འགྲོར་དོགས་ནས་ཡིག་སྐད་སོར་བཞག་དང་སྐབས་རེར་ཁ་སྐད་དང་ཡིག་སྐད་མཉམ་བསྲེས་བྱས་ཡོད། གཞན་ཡང་། གུས་པ་སྒྲོག་འདོན་ཞེས་པའི་ལམ་ཁར་ཞུགས་ཙམ་ཡིན་ཞིང་སྒྲོག་འདོན་ཞེས་པའི་ཐ་སྙད་འདིའི་སྦྱོར་སྟངས་སོགས་འགྲིག་མིན་གྱི་ཁ་ཚོན་ཡང་གཅོད་དཀའ་ལ། མང་པོས་ཁྱད་མེད་དུ་སྤྱོད་པའི་ཀློག་འདོན་དང་སྒྲོག་འདོན། སྙན་སྒྲོན། གྱེར་འདོན། ཟུར་བཤད། སེམས་གཏམ། འཁྲབ་བཤད་སོགས་ལའང་ཁྱད་པར་ཅུང་ཙམ་རེ་ཡོད་སྲིད་ནའང་ཁོ་བོས་དེ་དག་རེ་རེའི་མཚན་ཉིད་འདི་ཡིན་དང་ཁྱད་པར་འདི་ལྟར་དབྱེ་དགོས་སོགས་ཀྱི་ཐད་ནས་གང་ཡང་སྨྲ་བར་མི་སྤོབས་སོ།།![]()
![]()
![]()
![]()
![]()
![]()
![]()
![]()
![]()
![]()
![]()
