【གྲོག་མའི་སུག་རྗེས།】
文摘
文化
2024-04-23 19:39
青海
![]()
ལོ་རབས་དྲུག་ཅུ་བའི་སྨད་ཙམ་ལ་ཨ་མདོ་རེབ་གོང་ས་དཀྱིལ་སྡེ་བར་སྐྱེས། རང་ལོ་བདུན་པ་ནས་ཕ་ཡུལ་གྱི་སློབ་གྲྭ་ཆུང་འབྲིང་ཁག་རིམ་པར་བརྒྱུད་ཅིང་། 1987ལོར་མཚོ་སྔོན་མི་རིགས་སློབ་གྲྭ་ཆེན་མོའི་བོད་སྐད་ཡིག་སྡེ་ཁག་ནས་སློབ་མཐར་ཕྱིན་པ་ནས་ད་ལྟའི་བར་དུ་ཕ་ཡུལ་ན་དགེ་རྒན་གྱི་ལས་ཀ་གཉེར་གྱིན་ཡོད། ལོ་རབས་དགུ་བཅུ་བའི་སྟོད་ཙམ་ནས་བཟུང་བོད་ཁུལ་གྱི་དུས་དེབ་སྣ་ཚོགས་སྟེང་སྙན་རྩོམ་མི་ཉུང་བ་སྤེལ་ཅིང་། 1997ལོར《བརྩེ་དུངས་དང་ལས་དབང་།》ཞེས་པའི་སྙན་ངག་ལ་སྐབས་གཉིས་པའི་སྦྲང་ཆར་རྩོམ་རིག་བྱ་དགའ་ཐོབ། 2006ལོར་ཨ་རིའི་ལ་རྩེ་དེང་རབས་བོད་ཀྱི་རིག་གཞུང་དཔེ་མཛོད་ཁང་གིས་གཙོ་སྒྲུབ་གནང་བའི་རྒྱལ་སྤྱིའི་བོད་མོའི་རྩོམ་རིག་ཚོགས་འདུར་གདན་འདྲེན་ཞུས། 2008ལོར་མཚོ་སྔོན་བོད་སྐད་བརྙན་འཕྲིན་གྱི་འཆད་ཁྲིད་མུན་སེལ་སྒྲོན་མེ་ལེ་ཚན་ནས《བོད་རིགས་བུད་མེད་ཀྱི་ཐོབ་ཐང་།》ཞེས་པ་འཆད་ཁྲིད་བྱས། 2012ལོར་སྙན་ངག《འབྲོག་ཁྱི།》ཞེས་པར་སྐབས་གསུམ་པའི་གངས་རྒྱན་མེ་ཏོག་རྩོམ་རིག་བྱ་དགའ་ཐོབ་ཅིང་། ལོ་དེར་སྙན་དེབ་ཐོག་མ།《ཟླ་བའི་རྨི་ལམ།》(ཟླ་བའི་རྨི་ལམ་རྒྱ་འགྱུར་མ་འབྲོང་རྩོམ་རིག་དཔེ་ཚོགས་སུ་བདམས།)ཞེས་པ་དུས་རབས་ཉེར་གཅིག་པའི་བོད་ཀྱི་རྩོམ་པ་པོའི་དེབ་ཕྲེང་དུ་བདམས་ཏེ་པར་དུ་བསྐྲུན། 2015ལོར"འབྲོང་རྩོམ་རིག" བྱ་དགའ་ཐོབ་པ་དང་། 2016ལོར་སྙན་དེབ་གཉིས་པ《ཆུའི་ལང་ཚོ།》འགྲེམས་སྤེལ་བྱས། 2017ལོར《བུད་མེད་རྩོམ་པ་པོས་གསར་རྩོམ་གླེང་བ།》（མཉམ་བྲིས།）ཞེས་པ་བཀྲམས། ལོ་དེར།《མི་རིགས་རྩོམ་རིག》བྱ་དགའ་ཐོབ། 2017ལོར་ཕ་ཡུལ་ནས་ལས་འཁྱུར་ངལ་གསོ་བྱས་རྗེས་ནུབ་བྱང་མི་རིགས་སློབ་གྲྭ་ཆེན་མོའི་རང་སྦྱོང་རྒྱུགས་སྤྲོད་སྡེ་ཁག་ཏུ་མུ་མཐུད་རྩོམ་རིག་དགེ་རྒན་གྱི་ལས་ཀ་གཉེར་གྱིན་ཡོད། 2019ལོའི་ཟླ་ལྔ་བར་ནུབ་བྱང་མི་རིགས་སློབ་གྲྭ་ཆེན་མོ་རུ།《སྙན་ངག་གསར་རྩོམ་དང་ཉམས་མྱོང་གླེང་བ།》ཞེས་པའི་བརྗོད་གཞིའི་སྟེང་ནས་འཆད་ཁྲིད་སྤེལ། རྒྱལ་སྲས་ཟ་འོག་ལ་སྤེལ་བའི་བརྩམས་སྒྲུང་དང་ལྷུག་རྩོམ་གང་ཡིན་ཡང་གུས་པས་རང་གི་དགའ་ཕྱོགས་ལྟར་ཡག་པོར་མཐོང་བ་སྐོར་ཞིག་བདམས་པ་ཡིན་ཞིང་། སྒྲོག་འདོན་དང་འཁྲབ་བཤད་བྱེད་སྐབས་ཨ་མདོའི་འབྲོག་སྐད་ལས་མཚོ་སྔོན་པོའི་ཁ་སྐད་གཙོར་བཟུང་སྟེ་བཏོན་ཡོད་པས་ཁ་སྐད་དང་ཡིག་སྐད་གཉིས་དོ་མི་མཉམ་པ་དང་ཀློག་སྟངས་སོགས་ལ་ཡུལ་སྐད་གཞན་དང་མི་མཐུན་སའང་གང་མང་ཡོད་སྲིད། དེ་མིན་ལྷུག་རྩོམ་རྣམས་ཀློག་པའི་སྐབས་སུ་ཁ་སྐད་རྐྱང་རྐྱང་ངམ་ཚིག་ནག་ལ་ཕབ་དྲགས་ན་རྩོམ་པ་པོ་རྣམས་ཀྱིས་ཚིག་རྩལ་བཏོན་པའི་ཆ་རེ་ཉམས་ཨེ་འགྲོར་དོགས་ནས་ཡིག་སྐད་སོར་བཞག་དང་སྐབས་རེར་ཁ་སྐད་དང་ཡིག་སྐད་མཉམ་བསྲེས་བྱས་ཡོད། གཞན་ཡང་། གུས་པ་སྒྲོག་འདོན་ཞེས་པའི་ལམ་ཁར་ཞུགས་ཙམ་ཡིན་ཞིང་སྒྲོག་འདོན་ཞེས་པའི་ཐ་སྙད་འདིའི་སྦྱོར་སྟངས་སོགས་འགྲིག་མིན་གྱི་ཁ་ཚོན་ཡང་གཅོད་དཀའ་ལ། མང་པོས་ཁྱད་མེད་དུ་སྤྱོད་པའི་ཀློག་འདོན་དང་སྒྲོག་འདོན། སྙན་སྒྲོན། གྱེར་འདོན། ཟུར་བཤད། སེམས་གཏམ། འཁྲབ་བཤད་སོགས་ལའང་ཁྱད་པར་ཅུང་ཙམ་རེ་ཡོད་སྲིད་ནའང་ཁོ་བོས་དེ་དག་རེ་རེའི་མཚན་ཉིད་འདི་ཡིན་དང་ཁྱད་པར་འདི་ལྟར་དབྱེ་དགོས་སོགས་ཀྱི་ཐད་ནས་གང་ཡང་སྨྲ་བར་མི་སྤོབས་སོ།།![]()
![]()
![]()
![]()
![]()
![]()
![]()
![]()
![]()
![]()
![]()
