![]()
བྲག་གདོང་བཀྲས་གླིང་དབང་རྡོར།
བྲག་གདོང་བཀྲས་གླིང་དབང་རྡོར། 1934ལོར་བོད་ལྗོངས་རྒྱལ་རྩེ་ཁུལ་བྲག་གདོང་བཀྲས་གླིང་ཞེས་པའི་ཁྱིམ་དུ་སྐྱེས། 1940ལོ་ནས་རྒྱལ་རྩེ། ལྷ་ས་བཅས་སུ་བོད་ཀྱི་ལུགས་རྙིང་སློབ་གྲྭར་ཞུགས། 1946ལོ་ནས་རྒྱ་གར་རྡོ་རྗེ་གླིང་སེན་འཇོ་སེབ་ཏུ་གྲགས་པའི་དབྱིན་ཇིའི་སློབ་གྲྭར་སློབ་སྦྱོང་མཛད་ཅིང་། 1953ལོར་ཕྱིར་ཕེབས་ནས་ལྷ་ལྡན་ཟས་ཞིང་སློབ་གྲྭ་དང་རྒྱལ་རྩེ་སློབ་ཆུང་དུ་དགེ་མིང་མཛད། 1958-1976ལོར་རྒྱལ་རྩེ་གཞོན་ནུ་སྡེ་ཚོགས་ལས་དོན་ཨུ་ཡོན་ལྷན་ཁང་དང་གཞིས་རྩེ་ས་གནས་ལས་བྱེད་སློབ་གྲྭ། གཞིས་རྩེ་རྟ་ནག་གློག་ཁང་སོགས་སུ་ཕྱག་ལས་མཛད། 1977-1984ལོར་རང་སྐྱོང་ལྗོངས་སློབ་གསོ་ཐིན་དུ་སློབ་གྲྭ་འབྲིང་ཆུང་གི་སློབ་དེབ་རྩོམ་སྒྱུར་མཛད། 1985-1991ལོར་བོད་རང་སྐྱོང་ལྗོངས་ཡུལ་སྐོར་ཅུས་སུ་ཕྱག་ལས་གནང་མྱོང་།བརྩམས་ཆོས་ལ། རང་རྩོམ་དང་སྒྱུར་རྩོམ་གཉིས་སུ་འདུ། «བཀྲས་ཟུར་ཚང་གི་གསང་བའི་གཏམ་རྒྱུད»ཅེས་སྒྲུང་གཏམ་རིང་གྲས་བོད་ཡིག་དང་དབྱིན་ཡིག་གཉིས་སུ་འབྲི་གནང་མཛད་ལ། «བོད་ཡུལ་དང་བོད་མི»ཞེས་པ་རྒྱ་ཡིག་ནས་དབྱིན་ཡིག་ཏུ་བསྒྱུར།«ཡུལ་སྐོར་སྣེ་ཤན་པའི་ཉིན་དེབ»ཅེས་པ་དབྱིན་ཡིག་གིས་བྲིས་པ་མ་ཟད། «བོད་དབྱིན་རྒྱ་གསུམ་ཤན་སྦྱར་ཚིག་མཛོད»ཅེས་པའི་དེབ་ཆུང་ཞིག་ཀྱང་རྩོམ་སྒྲིག་མཛད། དེ་དག་ལས«བཀྲས་ཟུར་ཚང་གི་གསང་བའི་གཏམ་རྒྱུད»ལ1997ལོར་བོད་ཀྱི་རྩོམ་རིག་སྒྱུ་རྩལ་རྩོམ་སྒྲིག་ཁང་གི་རླུང་རྟ་བུམ་པའི་བྱ་དགའ་དང་། 1999ལོར་སྐབས་གཉིས་པའི་བོད་ལྗོངས་དུས་རབས་གསར་པའི་རྩོམ་རིག་བྱ་དགའ་ཐོབ།![]()
![]()
![]()
![]()
བཀྲས་ཟུར་ཚང་གི་གསང་བའི་གཏམ་རྒྱུད་ཀྱི་ཐ་སྙད་མཆན་འགྲེལ།
འབྲུ་ཚ་རིན་ཆེན་མཁར།
ལེའུ་བདུན་པ།
འབའ་ཁུག སྦ་ཁུག་གི་འབྲི་ཚུལ་གཞན། རྒྱུ་རས་དང་ཀོ་བ་སོགས་ཀྱིས་བྱས་པ། ཆེ་ཆུང་དང་མདོག བཟོ་ལྟ་སོགས་ཅི་རིགས་པ། ཤོག་སྒོར་སོགས་སྦེད་པའམ་ཉར་སའི་ཁུག་མའི་མིང་སྟེ། དཔེར་ན། སྦ་ཁུག་མཐུག་པོ་མེད་ན་ཐག་རིང་ལ་འགྲོ་མི་ཐུབ་ལྟ་བུ།
རྡོ་ཚད། སྔར་བོད་དངུལ་སྲང་ལྔ་བཅུ་ཐམ་པ་ལ་རྡོ་ཚད་གཅིག་ཟེར།
གཡང་སྐྱུར། གཡང་གཟར་ལ་ལྕེབས་དུ་འཇུག་པ།
གསོ་ལེན། སོར་ལེན་དང་བརྗེ་ཡ་ལྟ་བུ་ལ་གོ
དགོངས་མངའ་བ། འཕྲིན་ཡིག་སོགས་འབྲི་དུས་གབ་མིང་སྟེ། ཁྱོད་ཀྱིས་མཁྱེན་གསལ་དེ་ཞེས་པའི་དོན།
ཞུ་ཧམ། དོན་དངོས་དང་མི་མཐུན་པའི་ཧམ་ཤེད་ཆེ་བའི་ཞུ་བ།
དྲེ་བོ། གདོན་འདྲེ་ཕོ་ལ་གོ།
སྒལ་ཁེབས་ཤར་ལས་བརྒྱན་པ། གཡོག་པོ་སོགས་ཀྱི་ལྭ་བའི་རྒྱབ་ལ་ལྷན་པ་མང་པོ་རྒྱབ་ནས་དངོས་པོ་སོགས་ཁུར་ཚེ་ཕུང་བོ་མི་ན་བར་དམིགས་ནས་གཤར་རྒྱབ་པ་ལ་ཟེར།
ཆང་ཚོད་གྲངས་ལས་འདས་པ་ལུ་གུ་བརྒྱུད་དུ་འཚོ་བ། ཆང་བཙོ་བའི་གྲངས་ཀ་མང་པོ་ཞིག་ལ་བཤད་པ་ཡིན་ནམ་སྙམ།
མདུན་ཐབས། ཁྱོ་ཤུག་ཁྱིམ་ཐབས། མནའ་མའམ་བག་མ་ལ་གོ
མདོ་སྦུག་གི་རྣམ་དབྱེར་བཅོས། ཁང་པར་བཅད་ཤག་ལྟ་བུ་བཟོས་པ་ལ་ཟེར།
ས་བཞུ ། སྒྲོན་མེ汽灯
སྲིད་པ་ཧོ། སྤར་ཁ་བརྒྱད་དང་། སྨེ་བ་དགུ་སོགས་བྲིས་པའི་ཐང་ག་ཞིག
གཞུང་ཞབས་ཞལ་དཀར་ཕྱོགས་གཅིག་པའི་སྲས་མོ། འདིར་སྐུ་དྲག་ཁྱིམ་རྒྱུད་གྱི་སྲས་མོར་གོའམ་སྙམ།
ཉི་ཤར་རྡེའུ་དྲོད། ཉི་མ་ཤར་ནས་དུས་ཡུན་ཅུང་འགོར་བ་མཚོན་བྱེད་དུ་རྡོ་དང་རྡེའུ་དྲོས་འདུག་པ་སོགས་བསྟན། རྩིས་གཞུང་གི་དུས་ཀྱི་བརྟག་ཐབས་ཤིག
རྒྱན་བཞི།ཆུ། བྲག སྤྲིན། འབྲུག་བཅས་གོས་ཆེན་གྱི་རྒྱན་བཞི།
གོ་མག བུ་མོའི་ཁྱིམ་དུ་བཞག་པའི་ཁྱོ་གའམ་མག་པའི་མིང་སྟེ།
ལྟོགས་གླས། འཐུང་ཆུ་ཁུར་ནས་གླ་རིན་བླངས་བར་གོའམ་སྙམ།
ཁྲུང་ས། ཆང་འཐུང་སའི་གནས་ལ་གོ་མོད། གཉེན་སྒྲིག་གི་དགའ་སྟོན་གྱི་བྱེད་སྒོའི་མིང་ལ་ཡང་དེ་ལྟར་འབོད། དཔེར་ན། བུ་དང་བུ་མོ་རྣམས་ཁྲུང་ས་བསྐྱོན་ཟིན་ལྟ་བུ།
སྐེ་འཁྱེར་ནས་ཞགས་པ་དང་། ང་བཟུང་ནས་སྤུ་འབུད། རང་སྡུག་རང་གིས་ཉོས་པར་གོ
མ་དན་པ། གྲོས་མ་ཡོང་པ་ཡིན་ནམ་སྙམ།
སྐར་མ་སྨལ་པོ། སྐར་མ་མགོ་ལ་གོ།
རྒྱལ་སྲས་ཟ་འོག་ལ་སྤེལ་བའི་བརྩམས་སྒྲུང་དང་ལྷུག་རྩོམ་གང་ཡིན་ཡང་གུས་པས་རང་གི་དགའ་ཕྱོགས་ལྟར་ཡག་པོར་མཐོང་བ་སྐོར་ཞིག་བདམས་པ་ཡིན་ཞིང་། སྒྲོག་འདོན་དང་འཁྲབ་བཤད་བྱེད་སྐབས་ཨ་མདོའི་འབྲོག་སྐད་ལས་མཚོ་སྔོན་པོའི་ཁ་སྐད་གཙོར་བཟུང་སྟེ་བཏོན་ཡོད་པས་ཁ་སྐད་དང་ཡིག་སྐད་གཉིས་དོ་མི་མཉམ་པ་དང་ཀློག་སྟངས་སོགས་ལ་ཡུལ་སྐད་གཞན་དང་མི་མཐུན་སའང་གང་མང་ཡོད་སྲིད། དེ་མིན་ལྷུག་རྩོམ་རྣམས་ཀློག་པའི་སྐབས་སུ་ཁ་སྐད་རྐྱང་རྐྱང་ངམ་ཚིག་ནག་ལ་ཕབ་དྲགས་ན་རྩོམ་པ་པོ་རྣམས་ཀྱིས་ཚིག་རྩལ་བཏོན་པའི་ཆ་རེ་ཉམས་ཨེ་འགྲོར་དོགས་ནས་ཡིག་སྐད་སོར་བཞག་དང་སྐབས་རེར་ཁ་སྐད་དང་ཡིག་སྐད་མཉམ་བསྲེས་བྱས་ཡོད། གཞན་ཡང་། གུས་པ་སྒྲོག་འདོན་ཞེས་པའི་ལམ་ཁར་ཞུགས་ཙམ་ཡིན་ཞིང་སྒྲོག་འདོན་ཞེས་པའི་ཐ་སྙད་འདིའི་སྦྱོར་སྟངས་སོགས་འགྲིག་མིན་གྱི་ཁ་ཚོན་ཡང་གཅོད་དཀའ་ལ། མང་པོས་ཁྱད་མེད་དུ་སྤྱོད་པའི་ཀློག་འདོན་དང་སྒྲོག་འདོན། སྙན་སྒྲོན། གྱེར་འདོན། ཟུར་བཤད། སེམས་གཏམ། འཁྲབ་བཤད་སོགས་ལའང་ཁྱད་པར་ཅུང་ཙམ་རེ་ཡོད་སྲིད་ནའང་ཁོ་བོས་དེ་དག་རེ་རེའི་མཚན་ཉིད་འདི་ཡིན་དང་ཁྱད་པར་འདི་ལྟར་དབྱེ་དགོས་སོགས་ཀྱི་ཐད་ནས་གང་ཡང་སྨྲ་བར་མི་སྤོབས་སོ།།![]()
![]()
![]()
![]()
![]()
![]()
![]()
![]()
![]()
![]()
![]()
