吴语三门话《老人与海》连载（二）
文摘
小说
2024-09-06 17:49
浙江
从读音及变调习惯上来看，三门，宁海桑洲，象山石浦及南田，临海下乡，椒北，甚至天台东乡、仙居中东部，这么一大片范围内的语言相似度极高，这也是本号名为“三门湾乡音”的原因。共说本地话，同做文明人。
文学是语言的艺术，好的文学作品甚至能塑造并规范一门语言的行文逻辑，让纯粹口语化的语言得到淬炼和提升，成为可书写的高级语言，从而得到更大的传播面，获得更强的影响力。
地道的、受官话影响小的吴语文学和普通话文学差异极大，各位若有兴趣，可以看看这部《老人与海》纯粹地道到连人名、地名都按吴语发音音译的吴语书面翻译，感受一下两种语言的区别，体验一下地道吴语文学之美。
翻译、朗读不易，以至于时隔两年才出第二期，望能喜欢。
因精力有限，就不再像第一期那样注解了。诸位也可以对照普通话版本，大差不差。不懂可以留言沟通。
![]()
老 官' 得 海
（《老人与海》吴语三门话版）
![]()
注：字右上角一撇，为重音符号，表示小称调
渠两個畀家生伙头趁船得驮来。老官'擐桅，细佬'搬箱、驮鱼钩'，还有带柄个鱼叉'箇络物事，箱里头囥得个棕绳'绞来紧猛紧。盐小鱼'个盒'得梗'等大鱼'靠边'时节捉拾用个棒'放罅得，囥小船'个船屁股'得。老官'个物事便算著讲无人偷，箇桅得粗绳'也还是要搬得屋里'去好，断天下要得露水滥脆爻。话讲转来，便算著渠也相信地方头人'无人偷渠，渠也无胆畀只鱼钩'得梗'鱼叉'断断船得。
渠两個和队射㐲'大路一路走得老官'个厂篷'得，厂篷'个门开得，渠两個和队进去。老官'畀篷布绕得个桅隑墙得，细佬'畀箱得各样家生伙头也都放桅边'得。桅得间'厂篷'样高'了。厂篷'是用棕榈王芽'个壳'幔来个，箇壳'亦个硬亦个牢，老百姓讴“鸟涴（guano）”。厂篷'里向一张眠床、一张桌、一把椅，泥地上头还有一搭用柴烧饭个坞堂。一张彩色个耶稣'圣心图得一张科卜（Cobre）圣母像在扁搭搭、硬扎扎个棕墙上头'，箇棕墙是“鸟涴”丝'层加层叠来个。络物事都是渠老嬬留落来。渠老嬬一张上色个照相是且也挂在墙得，落晏'渠望着无队猛便下下落来，断渠搁栅上头一件'净洁个衬衫'下向。“![]()
要呛，我转屋里'吃。得我畀尔火点来噃？”“好甭嗄，我等记自家'来。慢'冷饭头'吃吃过也无数。”网事实是没有个，细佬还记牢定是渠两個唣昶卖爻个。渠两個长日箇主假赖意'讲讲，便连箇鱼肉黄米饭，细佬识得也是没有个。“八十五只数字蛮利市，”老官'讲。“想不想我揢梗鱼肚里不算还有千把斤重个鱼'？”“我网驮去张洒定鱼爻唻。尔坐门口头'日头炙记起㖤。”“无较！我扣还一张昨日'个报纸，棒球'新闻望望相起。”细佬'也不识得箇昨日'个报纸有还是没有，箇时节，老官头老在眠床地下报纸驮出来。“潘里克（Perico）在小店'送畀我个。”渠得细佬'解释。“我洒定鱼驮来便转头爻个。到时节我畀我人'个鱼'冰罅得，天亮枯心'分。棒球新闻等记转来讲畀我听㖤。”“扬基队（Yankees）![]()
输个啦。”“我在得愁克利无兰（Cleveland，克利夫兰）个印第安队（Indians）啦。”“尔相信扬基队便是爻㖤，囝'。记牢定，还有介杀甲个狄曼召（Dimaggio）在得。”“迪触律（Detroit，底特律）个老虎队得克利无兰个印第安队我都愁啦。”“无较卵愁了。照箇主讲，星星奈梯（Cincinnati，辛辛那提）个红队得雪界架（Chicago，芝加哥）个白袜队不是都要愁爻个？”“欸，尔望望相，嚎，后头数字是八十五个彩票买张来无较不？天亮第八十五日爻咳。”“我买买相起。”细佬'讲。“嚇尔名头介响个八十七日个记录怎子讲讲咛？啊？”“装两套都有吤。尔望望相咛，八十五个装张来会要得不？”“借我会借来也无数啦。便驮人手短，吃人嘴![]()
，好戏讲我也懒意思借啦。”“着着暖点咳，老官公'，”细佬'讲。“难忘记爻，昶'九月爻。”“扣是来大鱼'个时节，”老官'讲。“得讲在五月，個加個都是揢鱼人光爻。”细佬'转来个时节，老官'倒椅得困死去爻，日头也落山爻。细佬'在眠床得军毯爿'驮来，摊椅背得起，嚇㔶老官'个肩胛头得。双'肩胛头蛮古怪，人介老爻望来还介板扎，头颈也样。箇老官头头笃解得困死去爻个时节，连头颈后头'个皱皮'都望不出猛爻。渠衬衫'补糊爻，望来便得渠个篷布样。块加块颜色得日头晒褪光，有深有浅。渠个头望来得知得唣老，眼一记闭，张'面便死气沉沉。张'报纸摊在渠个脚髁头得，得渠手臂捺牢定，且没有得黄昏'个风吹去。渠出双扁脚。细佬'便独個头'走走訤，等渠转来，箇老官'照样还困来死猛死。“爬起唻，老官公'。”细佬'一头'讲一头'畀手搭老官'个一只脚髁头得。老官眼开来，渠个魂恰得还在远猛远个路得逃转头'样。过昶，渠且笑来。“我![]()
介㾎猛。”“早头套'试过。”老官'一头'讲一头'nan3起身，畀张'报纸折好，接落去亦折毛毯了。“毯关得㖤。”细佬'讲。“我得讲牢得，尔都无之竟揢鱼不吃饭吤。”“啊奈，大吉大利，长命百岁。”老官'讲。“何物吃？”络饭菜都是细佬'在露台酒店解用双层铁盒'带来。两把刀叉'得瓢羹'囥渠裤袋得，都用餐巾纸'包得。“箇我到时节大鱼'个肚皮肉'要送点畀渠，”老官'讲。“渠箇主帮我人'一套不得爻呶？”“我识得。箇物是瓶装'个汉土爱（Hatuey，古巴最知名啤酒品牌）啤酒，等记我瓶'还要还转去。”“啊奈，尔老实细意嚎。”老官'讲。“我人'好吃爻不？”“我不是一直在得讴尔吃吤？”细佬'得老官'讲来和气得猛。“尔还朆好便，我饭盒'也朆去开。”尔得何里洗咛？细佬'囥肚'得忖忖。村得个水龙头要射支'大路落去走两㐲横街凑。我是且要畀水带来，细佬在解忖忖。还有皂，一散净洁个面巾。我装法'介粗心嘞？我是且要畀渠衬衫，还有过冬用个茄克衫驮来，不管何物范子个鞋装双，毯也换条过。“我不是讲过爻吤？美国联赛是扬基队个天下㖤。”老官头嘴笑戾来。“箇物还要讲吤，有渠无渠料横不样。在只联赛里向，卜娄克林队（Brooklyn，布鲁克林）打费城队（Philadelphia）我忖忖是坐赢啦。我得昶'还在得忏念迪克.西斯勒（Dick Sisler）得渠在解只老公园里向打出来个好球'。”“箇络球'别人家'都没有打出来过，我见过个击球'里向算渠打来顶远。” “渠早时'得露台酒店长来尔还记牢定不？我老想带渠出海钓鱼'，便胆忒小猛，无胆得渠讲。好戏讴尔得渠讲ghuae，何里识得尔胆也介小。”“我识得我识得。是要做我着。渠是且会得我人'和队出海也无数。老得讲箇主范，箇事干我人'便一世人好吹爻啦。”“我想带箇佬杀甲个狄曼召钓鱼'去，”老官'讲。“听人家'讲，渠伯'早头套'也是揢鱼人，渠装不落着早时'也得我人'样穷'，会同情我人'也无数。”“箇佬杀甲个西斯勒渠伯'未穷过，渠伯'在我个岁数便在大联赛里向打球'爻。”“我在尔个岁数，便在一只得非洲去个方篷船得当船工爻，我还在黄昏'时节望着狮子在滩头'上头。”“听棒球'算数㖤。”细佬'讲。“箇佬死杀甲个橦'. 虾带（J）.麦架劳（John J. McGraw，约翰.J.麦格劳）讲畀我听听相。”渠畀J都读著“虾带（Jota，西班牙语音似吴语拼音hota）”。“早时'渠得露台酒店也套把'去去。便渠个酒一记吃，箇人便变来狗面生毛样，讲话死人难听，得知得唣孬'合。渠赛马得棒球'长忖牢定，长畀赛马个名单囥绞袋'得，打电话时节也长长讲着赛马个名字。”“渠经理里向算杀甲爻。”细佬'讲。“我伯'讲经理里头算渠顶会。”“是渠得块来个㐲数顶多之故。”老官'讲。“得讲杜娄宣（Durocher）年加年连牢定得块来，尔伯亦要讲渠是顶会个经理爻唻。”“讲老实，卢克（Luque）得 迈克.扛柴雷士（Mike Gonzalez）箇两個经理，到底哪个杀甲嘞？？”“望㖤，箇话讲来。”细佬'讲。“会个揢鱼人多正是，两個'杀甲点也正是，顶杀甲个便单单尔一個。”“啊奈，谢谢！谢谢！尔畀我讲爻高兴死。我无卡得来个鱼'难介大，到时节慢'讲我人'在得乱讲。”“我忖忖我也没有得我忖来样介杀甲爻。”老官'讲。“靠我还有目劳劳个计策在得，还有定心。”“尔昶'好困觉去爻唻，箇主范天亮枯心'尔人也燥健点。络物事我要带露台酒店转去爻。”“年岁便是我个闹钟'嗄，”老官'讲。“装法'老人家'都醒来早点咛？何物怕是想箇一日变来长点？”“我也不识，”细佬'讲。“我便只识得小后生都困来死、醒来迟。”“我![]()
想船老大来讴我，望来我恰得啍点样。”未完待续
======================
王怀军，三门头岙人，自由职业者。2014年开始研究三门方言文化，运营“三门湾乡音”公众号，曾受邀在台州图书馆、路桥图书馆、三门有为图书馆、三门技师学院等单位作方言学术讲座，编著有《2021版三门乡音日历》《吴语三门方言研究》。
![]()
作者新书《吴语三门方言研究》已出版，扫描下方二维码即可购买
![]()
电梯销售热线：
136 766 76763，王先生
乡音是心灵的故乡
感谢欣赏
图片来自网络
三门湾乡音微信群，
让你回味乡音的地方。
欢迎本地朋友加入畅聊。
微信号“13676676763”
请注明“三门湾乡音”
