جۇڭگونىڭ تەڭىز ساقشىلارى ەلىمىزدىڭ دياۋيۇي ارالىنا قاراستى تەڭىز الابىنا زاڭسىز كىرگەن جاپونيانىڭ كەمەلەرىن زاڭ بويىنشا قۋالادى
جۇڭگو اقپارات تورابىنىڭ 10 – ايدىڭ 17 – كۇنى بەرگەن حابارى. جۇڭگو تەڭىز ساقشىلارى مەڭگەرمەسىنىڭ رەسمي ميكروبلوگىنىڭ حابارلاۋىنشا، جۇڭگو تەڭىز ساقشىلارى مەڭگەرمەسىنىڭ مالىمدەمەشىسى ليۋ دىجۇننىڭ ايتۋىنشا، 10 – ايدىڭ 15 – كۇنىنەن 16 – كۇنىنە دەيىن، جاپونيانىڭ ”حىۋان“ اتتى بالىقشى كەمەسى ەلىمىزدىڭ دياۋيۇي ارالىنا قاراستى تەڭىز الابىنا زاڭسىز كىرگەن، جۇڭگو تەڭىز ساقشىلارىنىڭ ۇرىس كەمەسى وعان زاڭ بويىنشا قاجەتتى باسقارۋ – تەجەۋ شاراسىن اتقارعان ءارى ەسكەرتۋ بەرىپ قۋالاعان. دياۋيۇي ارالى مەن ونىڭ ماڭىنداعى ارالدار ەجەلدەن بەرى جۇڭگونىڭ تەرريتورياسى، ءبىز جاپونيا جاقتى اتالعان تەڭىز الابىنداعى زاڭعا قايشى بارلىق ارەكەتتەرىن دەرەۋ توقتاتۋعا قۋزايمىز. جۇڭگو تەڭىز ساقشىلارىنىڭ ۇرىس كەمەسى ەلىمىزدىڭ باسقارۋىنداعى تەڭىز الابىندا تەڭىزدەگى ۇقىقتى قورعاۋ جاعىنداعى زاڭ اتقارۋ ارەكەتىن زاڭ بويىنشا ورىستەتۋدى جالعاستىرادى، مەملەكەتتىڭ يەلىك ۇقىعىن، حاۋىپسىزدىگىن جانە تەڭىز – مۇحيتتاعى ۇقىق – مۇددەسىن قورعايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
