2024 ـ جىلعى شينجياڭ ۇيعۇر اۆتونوميالى رايوندىق جۇمىسشى ـ قىزمەتكەرلەردىڭ ەمدەۋ قامسىزداندىرۋىندا جەكەلەر تاپسىراتىن اقىنىڭ جيناقتىق سانى جاريالاندى
شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسىنىڭ تورابى 10 - ايدىڭ 12 - كۇنى حابارلاندىرۋ جاريالاپ، 2024 - جىلعى شينجياڭ ۇيعۇر اۆتونوميالى رايونىنىڭ جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋىنىڭ جەكەلەر تاپسىراتىن نەگىزدىك سانىنا قاتىستى ماسەلەلەردى ايقىندادى.
ۇقتىرۋدا مىنالار ايقىن بەلگىلەندى: 2024 – جىلى شينجياڭ ۇيعۇر اۆتونوميالى رايونىنىڭ جۇمىسشى ـ قىزمەتكەرلەردىڭ نەگىزگى ەمدەۋ قامسىزداندىرۋىندا جەكەلەردىڭ اقى تاپسىرۋ نەگىزدىك سانى پايدالانىلعان 2023 ـ جىلى شينجياڭ ۇيعۇر اۆتونوميالى رايونىنىڭ جالپى ولشەمدى قالا ـ قالاشىق ورىندارىندا جۇمىستانعانداردىڭ ورتاشا ەڭبەكاقىسى ايىنا 8332 يۋان بولادى، ءار دارەجەلى ەمدەۋ قامسىزداندىرۋىن اتقارۋ قۇرىلىمدارى وسى ۇقتىرۋدىڭ رۋحى بويىنشا، جۇمىسشى - قىزمەتكەرلەردىڭ نەگىزگى ەمدەلۋىن قامسىزداندىرۋ وتەمىنىڭ نەگىزدىك سانى مەن مامىلەسىن تەكسەرىپ بەكىتۋ قىزمەتىن مۇقيات ويداعىداي ىستەۋى كەرەك.
بۇل حابارلاندىرۋدى شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسى، شينجياڭ ۇيعۇر اۆتونوميالى رايوندىق قازىنا مەڭگەرمەسى، مەملەكەتتىك باجى باس مەكەمەسى شينجياڭ ۇيعۇر اۆتونوميالى رايوندىق باجى مەكەمەسى 8 – ايدىڭ 30 - كۇنى باسىپ تاراتقان، باسىپ تاراتىلعان ايدىڭ سوڭىنان باستاپ اتقارىلعان.
شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسى تورابىنا قاراعاندا، 2023 ـ جىلى شينجياڭ ۇيعۇر اۆتونوميالى رايونىنىڭ جۇمىسشى ـ قىزمەتكەرلەردىڭ نەگىزگى ەمدەۋ قامسىزداندىرۋىندا جەكەلەر تاپسىراتىن اقى جيناقتىق سانىنىڭ پايدالانىلۋىنا نەگىزدەلگەندە، 2022 ـ جىلى شينجياڭ ۇيعۇر اۆتونوميالى رايونىنىڭ جالپى ولشەمدى قالا ـ قالاشىق ورىندارىندا جۇمىستانعانداردىڭ ورتاشا ەڭبەكاقىسى ايىنا 7625 يۋان بولعان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
