བོད་པ་ཚང་གིས་འཛམ་གླིང་ལ་ངོམས་ཆོག་པའི་ལེགས་སྐྱེས་སུམ་ཅུ།
གཅིག འཛམ་གླིང་ཐོག་ཤིང་གི་འགྱུར་རྡོ་ཆེ་ཤོས་ཏེ། ཤི་ཤ་སྦང་མའི་རི་རྒྱུད་ནས་རྙེད་པའི་འགྱུར་རྡོ།
གཉིས། འཛམ་གླིང་ཐོག་གི་འབྲུག་ཉ་དབྱིབས་ཅན་གྱི་འགྱུར་རྡོ་ཆེ་ཤོས་སྟེ། དིང་རི་ནས་རྙེད་པའི་འགྱུར་རྡོ།
གསུམ། འཛམ་གླིང་ཐོག་རྒྱལ་རབས་ལོ་རྒྱུས་རིང་ཤོས་སྟེ། བཙན་པོའི་རྒྱལ་རབས། ལོ་ངོ་༡༧༤༨རིང་གི་ལོ་རྒྱུས་ལྡན།
བཞི། འཛམ་གླིང་ཚན་རྩལ་ལོ་རྒྱུས་ཐོག་གི་གསོ་རིག་ཆེན་པོ་བཞི་ཡི་ཡ་གྱལ་སྟེ། བོད་ལུགས་གསོ་བ་རིག་པ།
ལྔ། འཛམ་གླིང་ཐོག་གི་སྤོ་ལོའི་རིགས་སྔ་ཤོས་སྟེ། རྟ་ཐོག་སྤོ་ལོ། སྤྱི་ལོའི་དུས་རབས་དྲུག་པའི་སྐབས་ནས་ཡོད་པར་བཤད།
དྲུག འཛམ་གླིང་ཐོག་རིན་གོང་མཐོ་ཤོས་ཀྱི་འབུ་སྟེ། དབྱར་རྩྭ་དགུན་འབུ།
བདུན། འཛམ་གླིང་ཐོག་གི་གོས་ཐང་ཆེ་ཤོས་སྟེ། རྩེ་ཕོ་བྲང་གི་གོས་ཐང་།
བརྒྱད། འཛམ་གླིང་ཐོག་གི་ཟངས་སྐུ་ཆེ་ཤོས་སྟེ། བཀྲིས་ལྷུན་པོའི་རྒྱལ་བ་བྱམས་པ།
དགུ། འཛམ་གླིང་ཐོག་ས་བབས་མཐོ་ཤོས་ཀྱི་འོ་འཐུང་སྲོག་ཆགས་ཆེ་ཤོས་སྟེ། འབྲི་གཡག
བཅུ། འཛམ་གླིང་ཐོག་ས་བབས་མཐོ་ཤོས་ཀྱི་རྒྱལ་རབས་གནའ་ཤུལ་སྟེ། ཇོ་བདག་པོའི་མཁར་གོག
བཅུ་གཅིག འཛམ་གླིང་ཐོག་གི་ས་བབས་མཐོ་ཤོས་ཀྱི་མཚེའུ་སྟེ། བྱང་གི་གནམ་མཚོ།
བཅུ་གཉིས། འཛམ་གླིང་ཐོག་ས་བབས་མཐོ་ཤོས་ཀྱི་གཙང་བོ་ཆེན་པོ་སྟེ། ཆུ་མོ་ཡར་ཀླུང་གཙང་པོ།
བཅུ་གསུམ། འཛམ་གླིང་ཐོག་གི་གཏིང་ཚད་རིང་ཤོས་ཀྱི་གྲོག་རོང་སྟེ། ཡར་ཀླུང་གཙང་པོའི་གྲོག་རོང་ཆེན་མོ།
བཅུ་བཞི། མཚོ་བོད་མཐོ་སྒང་ནི་འཛམ་གླིང་ཐོག་མཚེའུ་མང་ཤོས་ཀྱི་ས་ཁུལ་ཡིན། ཆིག་སྟོང་ལྔ་བརྒྱ་ལྷག་ཙམ་ཞིག་ཡོད།
བཅོ་ལྔ། འཛམ་གླིང་ཐོག་ཡུལ་གཞན་དུ་སློབ་མ་མངགས་སྔ་ཤོས་ཀྱི་མི་རིགས་སྟེ། བོད་རིགས། སྤྱི་ལོའི་དུས་རབས་བདུན་པའི་ཐོན་མི་སོགས།
བཅུ་དྲུག འཛམ་གླིང་ཐོག་གི་མུ་ཏིག་ཐང་ག་ཆེ་ཤོས་སྟེ། ཁྲ་འབྲུག་མུ་ཏིག་ཞལ་ཐང་།
བཅུ་བདུན། འཛམ་གླིང་ཐོག་གི་རི་རྒྱུད་མཐོ་ཤོས་སྟེ། ཧི་མ་ལ་ཡ།
བཅོ་བརྒྱད། འཛམ་གླིང་ཐོག་གི་སྐམ་སའི་འཁྱགས་རོམ་ཆེ་ཤོས་སྟེ། བུ་རོགས་གངས་རི།
བཅུ་དགུ། འཛམ་གླིང་ཐོག་གི་དཔའ་བོའི་ལོ་རྒྱུས་སྙན་ངག་རིང་ཤོས་སྟེ། གླིང་རྗེ་གེ་སར་རྒྱལ་པོའི་སྒྲུང་།
ཉི་ཤུ། འཛམ་གླིང་ཐོག་གི་ཕོ་བྲང་མཐོ་ཤོས་སྟེ། རི་བོ་གྲུ་འཛིན།
ཉེར་གཅིག འཛམ་གླིང་ཐོག་ས་བབས་མཐོ་ཤོས་ཀྱི་གྲོང་ཁྱེར་ཆེ་ཤོས་སྟེ། ལྷ་ས།
ཉེར་གཉིས། འཛམ་གླིང་ཐོག་ས་བབས་མཐོ་ཤོས་ཀྱི་དགོན་པ་སྟེ། རོང་ཕུ་དགོན།
ཉེར་གསུམ། མིག་སྔའི་འཛམ་གླིང་གི་ནང་པའི་དགོན་པ་ཆེ་ཤོས་སྟེ། དཔལ་ལྡན་འབྲས་སྤུངས་དགོན།
ཉེར་བཞི། འཛམ་གླིང་ཐོག་གི་མཐོ་སྒང་མཐོ་ཤོས་སྟེ། མཚོ་བོད་མཐོ་སྒང་།
ཉེར་ལྔ། འཛམ་གླིང་ཐོག་གི་ས་བབས་མཐོ་ཤོས་ཀྱི་ཚྭ་མེད་མཚེའུ་སྟེ། མ་ཕམ་གཡུ་མཚོ།
ཉེར་དྲུག འཛམ་གླིང་ཐོག་གི་གངས་རི་མཛེས་ཤོས་སྟེ། རི་རྒྱལ་གངས་དཀར་ཏི་སི།
ཉེར་བདུན། འཛམ་གླིང་ཐོག་གི་རི་བོ་མཐོ་ཤོས་སྟེ། ཇོ་མོ་གླང་མ།
ཉེར་བརྒྱད། འཛམ་གླིང་ཐོག་ལོ་རྒྱུས་ཆེས་རིང་བའི་ཟློས་གར་སྟེ། ཨ་ཅེ་ལྷ་མོ།
ཉེར་དགུ། འཛམ་གླིང་ཐོག་ཉི་མའི་སྨུག་ཕྱིའི་འོད་ཟེར་འཕྲོ་ཆེ་ཤོས་ཀྱི་གྲོང་ཁྱེར་སྟེ། གཞིས་ཀ་རྩེ།
སུམ་ཅུ། འཛམ་གླིང་ཐོག་གི་ས་བབས་མཐོ་ཤོས་ཀྱི་ལྕགས་ལམ་སྟེ། མཚོ་བོད་ལྕགས་ལམ།
