ཁྲིམས།
2022ལོའི་ཟླ10པའི་ཚེས30ཉིན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྐབས་བཅུ་གསུམ་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་ཐེངས་སོ་བདུན་པའི་གྲོས་ཚོགས་སྟེང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྨ་ཆུའི་སྲུང་སྐྱོང་བཅའ་ཁྲིམས》ལ་གྲོས་འཆམ་བྱུང་། 2023ལོའི་ཟླ4པའི་ཚེས1ཉིན་ལག་ཏུ་བསྟར་རྒྱུ།
ལེའུ་ལྔ་པ། ཆུའི་བྱེ་མ་སྙོམས་སྒྲིག་དང་ཆུ་ལོག་འགོག་བྱའི་བདེ་འཇགས་སྐོར།
དོན་ཚན་རེ་དགུ་པ། རྒྱལ་ཁབ་ཀྱིས་རྨ་ཆུའི་འབབ་རྒྱུད་ཀྱི་ཆུ་ལམ་དུ་བྱེ་འདོན་འཆར་འགོད་དང་།
ཆོག་འཐུས་ལམ་ལུགས་ལག་ཏུ་བསྟར་རྒྱུ། རྨ་ཆུའི་འབབ་རྒྱུད་ཀྱི་ཆུ་ལམ་ནས་བྱེ་མ་འདོན་པར་ཁྲིམས་ལྟར་བྱེ་མ་འདོན་འཐུས་ལག་འཁྱེར་འཐོབ་དགོས། རྨ་ཆུའི་འབབ་རྒྱུད་དོ་དམ་སྒྲིག་གཞི་དང་རྨ་ཆུའི་འབབ་རྒྱུད་ཀྱི་རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་ཁྲིམས་ལྟར་སྔོག་འདོན་བྱས་མི་ཆོག་པའི་ས་ཁུལ་དབྱེ་འབྱེད་གཏན་འཁེལ་བྱ་རྒྱུ་དང་།
སྔོག་འདོན་བྱས་མི་ཆོག་པའི་དུས་ཚོད་གཏན་འཁེལ་བྱ་རྒྱུར་མ་ཟད། སྤྱི་ཚོགས་ལ་ཁྱབ་བསྒྲགས་ཀྱང་བྱ་རྒྱུ།
རྨ་ཆུའི་འབབ་རྒྱུད་དུ་སྔོག་འདོན་བྱས་མི་ཆོག་པའི་ས་ཁུལ་དང་། སྔོག་འདོན་བྱས་མི་ཆོག་པའི་དུས་ཡུན་ནང་ཆུ་ལམ་དུ་བྱེ་མ་སྔོག་འདོན་བྱས་མི་ཆོག དོན་ཚན་བདུན་ཅུ་པ། རྒྱལ་སྲིད་སྤྱི་ཁྱབ་ཁང་གི་འབྲེལ་ཡོད་སྡེ་ཁག་གིས་རྨ་ཆུའི་འབབ་རྒྱུད་ཀྱི་ཞིང་ཆེན་རིམ་པའི་མི་དམངས་སྲིད་གཞུང་དང་མཉམ་དུ་ལུང་དབྱང་འགག་རོང་དང་ལིའུ་ཅ་འགག་སྒོ།
སན་མོན་འགག་སྒོ། ཞའོ་ལང་ཏི། རྗོང་། ལུའུ་ཧུའེ། ཧོ་ཁོའུ་གྲོང་ཚོ་སོགས་ཆུ་མཛོད་ཆུང་གྲས་དང་ཡན་ལག་རྐང་འཛིན་ཆུ་མཛོད་ཀྱི་ཆུ་མཛོད་ཁུལ་དོ་དམ་བྱེད་པར་ཤུགས་བསྣན་དགོས་པ་དང་།
ཆུ་མཛོད་ཁུལ་གྱི་ས་ཆུ་སྲུང་འཛིན་དང་། སྐྱེ་ཁམས་སྲུང་སྐྱོང་། ས་གཤིས་གནོད་འཚེ་འགོག་བཅོས་བཅས་ཀྱི་ལས་ཀར་ཤུགས་བསྣན་དགོས། སན་མོན་ཞ་དང་ཞའོ་ལང་ཏི། དེའི་རྫོང་། ལུའུ་ཧུའེ། ཧའོ་ཁོའུ་ཚན་བཅས་ཀྱི་ཆུ་མཛོད་ཁུལ་དུ་གསོ་སྤེལ་བྱེད་སྐབས།
ཆུ་བྱེ་སྟངས་འཛིན་དང་ཆུ་ལོག་འགོག་པའི་བླང་བྱ་བསྐང་དགོས་པ་ལས་དྲ་སྒམ་དང་། སྐོར་རྒྱ།
ཆུ་བཀག་དྲ་བ་བཅས་ཀྱི་བྱེད་ཐབས་ལ་བརྟེན་ནས་གསོ་འཕེལ་བྱེད་རིགས་གཏན་འགོག་བྱ་དགོས། དོན་ཚན་དོན་གཅིག་པ། རྨ་ཆུའི་འབབ་རྒྱུད་ཀྱི་མི་དམངས་སྲིད་གཞུང་གིས་གྲོང་ཁྱེར་གྱི་ཆུ་ལོག་སྔོན་འགོག་དང་།
འཁྱིལ་ཆུ་ཕྱིར་འབུད་ཀྱི་ལས་དོན་གཅིག་གྱུར་འཆར་འགོད་བྱས་ཏེ་གྲོང་ཁྱེར་གྱི་ཆུ་ལོག་སྔོན་འགོག་དང་ཁྱེད་ཆུ་ཕྱིར་འབུད་ཀྱི་སྒྲིག་བཀོད་འཛུགས་སྐྲུན་དང་དོ་དམ་ལ་ཤུགས་བསྣན་རྒྱུ།
གྲོང་ཁྱེར་གྱི་ཆུ་ལོག་དང་ཞོད་སྐྱོན་གྱི་གནོད་འཚེ་ལྟ་ཞིབ་ཚད་ལེན་དང་ཉེན་ཟོན་ཉེན་བརྡ་གཏོང་བའི་ལམ་སྲོལ་འཐུས་ཇེ་ཚང་དུ་གཏོང་བ།
གྲོང་ཁྱེར་གྱི་གནོད་འཚེ་སྔོན་འགོག་དང་ཆུང་དུ་གཏོང་བའི་མ་ལག་འཐུས་ཚང་དུ་གཏོང་བ། གྲོང་ཁྱེར་གྱི་ཆུ་ལོག་དང་ཞོད་སྐྱོན་གྱི་གནོད་འཚེ་སྔོན་འགོག་དང་ཁ་གཏད་གཅོག་ནུས་ཆེ་རུ་གཏོང་བ་བཅས་བྱ་དགོས། རྨ་ཆུའི་འབབ་རྒྱུད་ཀྱི་གྲོང་ཁྱེར་མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཁག་གིས་ཆུ་ལོག་དང་།
ཞོད་སྐྱོན་གྱི་གནོད་འཚེ་སྔོན་འགོག་བྱེད་པའི་དྲིལ་བསྒྲགས་སློབ་གསོ་དང་སྤྱི་ཚོགས་སྐུལ་སློང་བྱེད་ཤུགས་ཆེ་རུ་གཏོང་བ་དང་།
དུས་བཀག་ལྟར་བབ་བསྟུན་ནང་སྦྱོང་སྒྲིག་འཛུགས་བྱས་ཏེ་སྤྱི་ཚོགས་ཀྱི་དོགས་ཟོན་འདུ་ཤེས་འཛིན་ཤུགས་ཆེ་རུ་གཏང་དགོས།
（མུ་འགོད）
![]()
ལག་བསྟར་རྩོམ་སྒྲིག་པ། མདོ་སྡེ་རྒྱལ།
ལྟ་སྐུལ་བ། སྐལ་བཟང་རྒྱལ།
སྤྱིའི་ལྟ་སྐུལ་བ། ཚེ་དབང་རྡོ་རྗེ།
ཚགས་པར་ཁང་གི་སྡོད་གནས།
མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནུབ་སྲང་ལམ་ཆེན་ཨང79པ།
ཁ་པར། 0971-6312635
སྦྲག་སྲིད། 810008
ཡིག་ཟམ། qhfzb@aliyun.com
地址：青海省西宁市西关大街79号
电话：0971-6312635
邮编：810008
E_mail：qhfzb@aliyun.com
ལག་བསྟར་རྩོམ་སྒྲིག་པ། མདོ་སྡེ་རྒྱལ།
ལྟ་སྐུལ་བ། སྐལ་བཟང་རྒྱལ།
སྤྱིའི་ལྟ་སྐུལ་བ། ཚེ་དབང་རྡོ་རྗེ།
ཚགས་པར་ཁང་གི་སྡོད་གནས།
མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནུབ་སྲང་ལམ་ཆེན་ཨང79པ།
ཁ་པར། 0971-6312635
སྦྲག་སྲིད། 810008
ཡིག་ཟམ། qhfzb@aliyun.com
地址：青海省西宁市西关大街79号
电话：0971-6312635
邮编：810008
E_mail：qhfzb@aliyun.com
