![]()
![]()
ཐུན་ཏེ་རྫོང་སྤྱི་བདེ་ཡིས་ཁ་པར་རྐུ་མཁན་ཞིག་བཟུང་།
ཟླ11པའི་ཚེས28ཉིན།
མཚོ་ལྷོ་བོད་རིགས་རང་སྐྱོང་ཁུལ་ཐུན་ཏེ་རྫོང་སྤྱི་བདེ་ཅུའུ་ཉེས་དོན་ཉེན་རྟོག་རུ་ཆེན་གྱིས་རྐ་འབའ་སུམ་མདོ་མངགས་གཏོང་ཁང་དང་མཉམ་འབྲེལ་བྱས་ཏེ།
ཆུ་ཚོད་བཞིའི་ནང་རྐུ་འཕྲོག་གི་གྱོད་དོན་ཞིག་མྱུར་དུ་རྩད་ཆོད་ཅིང་། དོགས་ཡོད་ཉེས་ཅན་བཟུང་ནས་གྱོང་གུད་སྒོར་ཁྲི་གཅིག་ཕྱིར་བླངས།ཉིན་དེར། རྡོ་ཆེ་གེ་མོ(བརྫུས་མིང)གཉིད་ལས་སད་ནས་ཡར་ལྟ་མར་ལྟ་ཞིག་བྱེད་དུས། རང་གི་ལག་ཁྱེར་ཁ་པར་གར་སོང་ཆ་མེད་དུ་གྱུར་ཡོད་ལ། དེ་ནས་ཁོ་དང་མཉམ་དུ་ཡོད་པའི་བཀྲ་ཆེ་གེ་མོས(བརྫུས་མིང)ཀྱང་རང་གི་ལག་ཁྱེར་ཁ་པར་མཐོང་རྒྱུ་མི་འདུག་ཅེས་བཤད་པས། ཁོ་གཉིས་ཀྱིས་དེ་མ་ཐག་ཉེན་རྟོག་པར་གྱོད་དོན་སྙན་སེང་ཞུས་ཏེ་རོགས་སྐྱོར་བྱ་དགོས་པའི་རེ་བ་ཞུས། ཉེན་རྟོག་ཕྱོགས་ཀྱིས་གནས་ཚུལ་ཤེས་རྗེས། ཡུལ་དངོས་སུ་སོང་ནས་བརྟག་དཔྱད་བྱས་པ་ན། ཧ་ལས་པ་ཞིག་ལ་ཁོ་གཉིས་སྡོད་སའི་ཁང་པའི་སྒོ་དང་དྲ་མ་སོགས་ལ་ཆག་སྐྱོན་ཅི་ཡང་བྱུང་མེད་ལ། ཡུལ་དངོས་སུ་མི་གཞན་ཡོང་བའི་རྗེས་ཤུལ་ཡང་མེད་པས། ཉེན་རྟོག་པས་འཕྲལ་དུ་བཀྲ་ཆེ་གེ་མོར་ཉེས་གསོག་གི་དོགས་གཞི་ཡོད་པ་གཏན་འཁེལ་བྱས།
བཀྲ་ཆེ་གེ་མོས་འདྲི་རྩད་དང་ལེན་བྱེད་སྐབས། དངངས་འཚབ་ཀྱི་རྣམ་འགྱུར་བསྟན་ནས་སྐད་ཆ་ཤབ་ཤུབ་བཤད་པས་མི་དམངས་ཉེན་རྟོག་པ་ལྷག་ཏུ་ཁོའི་སྟེང་ལ་དོགས་པ་སྐྱེས། ཕྱི་དྲོའི་ཆུ་ཚོད15ཡས་མས་སུ་བཀྲ་ཆེ་གེ་མོ་འཛིན་བཟུང་བྱས་པ་དང་། དང་ཐོག་རང་ཉེས་ངོས་ལེན་གཏན་ནས་མི་བྱེད་པ་དང་།
སྔོག་བཤེར་ཞིབ་ཕྲ་བྱས་པ་བརྒྱུད། མི་དམངས་ཉེན་རྟོག་པས་གསང་སྤྱོད་ཀྱི་ཆུ་སྒམ་ནང་དུ་བརྐུས་དངོས་རྙེད་པ་དང་།
དཔང་རྟགས་ཀྱི་མདུན་དུ་བཀྲ་ཆེ་གེ་མོས་ཉེས་གསོག་གི་དོན་དངོས་སྦ་གསང་མེད་པར་ཁས་བླངས།
རང་ཉིད་ཀྱིས་བརྙན་འཕྲིན་ཟློས་གར་ལ་བལྟས་ནས་འདི་ལྟ་བུའི་བསམ་ཚུལ་སྐྱེས་པ་ཡིན་པས། དགོད་བྲོ་བའི་བྱ་བ་དེ་རང་ཁྲིད་རང་འཁྲབ་བྱས་པ་ཡིན་ཞེས་བཤད།![]()
མིག་སྔར། བཀྲ་ཆེ་གེ་མོར་ཉེས་དོན་བཙན་ཤེད་ཀྱི་བྱེད་ཐབས་སྤྱད་ཡོད་ལ། གྱོད་དོན་དེ་མུ་མཐུད་དུ་ཞིབ་གཅོད་བྱེད་བཞིན་པའི་སྒང་རེད།མཁའ་འབུམ་རྒྱལ་གྱིས་བསྒྱུར།
![]()
ལག་བསྟར་རྩོམ་སྒྲིག་པ། མཁའ་འབུམ་རྒྱལ།
ལྟ་སྐུལ་བ། སྐལ་བཟང་རྒྱལ།
སྤྱིའི་ལྟ་སྐུལ་བ། ཚེ་དབང་རྡོ་རྗེ།
མཚོ་སྔོན་ཞིང་ཆེན་ཟི་ལིང་གྲོང་ཁྱེར་ནུབ་སྲང་ལམ་ཆེན་ཨང79པ།
ཁ་པར། 0971-6312635
སྦྲག་སྲིད། 810008
ཡིག་ཟམ། qhfzb@aliyun.com
地址：青海省西宁市西关大街79号
电话：0971-6312635
邮编：810008
E_mail：qhfzb@aliyun.com
