བླ་མའི་རྣལ་འབྱོར་སྔོན་འགྲོ་ཐར་བའི་གདམ་པ་བཞུགས།
ཞེས་བླ་མ་ལ་ཡིད་ཁྱེད་ཤེས་ཀྱི་དད་པ་དང་བཅས་གདུང་བ་དྲག་པོས་གསོལ་བ་ཕུར་ཚུགས་སུ་འདེབས་བཞིན་པའི་ངང་ནས། སྙིང་དབུས་དྭངས་མ་འོད་ཀྱི་གཞལ་ཡས་ནས། །རང་སེམས་སྒྲིབ་མེད་འོད་གསལ་ཟངས་ཐལ་ཆེ། །རྗེ་བཙུན་ངོ་བོ་ཡེ་ནས་ཡོད་པ་ལ། །དེ་ལྟར་མ་རྟོགས་རང་རེ་སེམས་ཅན་རྣམས། །བདེ་བ་འདོད་ཀྱང་སྡུག་བསྔལ་ལས་ལ་སྤྱོད། །དགེ་བ་སྤངས་ཏེ་ནག་པོའི་ལས་སྤྱོད་པའི། །བདག་སོགས་འཁོར་བའི་འགྲོ་རྣམས་སྡུག་རེ་ཆེ། །ཐུགས་རྗེས་འདོར་རམ་རྗེ་བཙུན་བླ་མ་མཁྱེན། །དལ་འབྱོར་ལུས་ནི་ཉིན་མོའི་སྐར་མ་བཞིན། །ངན་འགྲོའི་འགྲོ་བ་མཚན་མོའི་སྐར་མ་ལྟར། །ཆོས་མིན་སྡིག་སྤྱོད་འཇིགས་པའི་བཙོན་ར་ན། །སྡུག་བསྔལ་མི་བཟད་དྲག་པོ་ཆར་ལྟར་འབེབས། །དགེ་ལ་རྒྱབ་ཕྱོགས་བདག་འདྲའི་སེམས་ཅན་རྣམས། །ཐུགས་རྗེས་ཟུངས་ཤིག་རྗེ་བཙུན་བླ་མ་མཁྱེན། །ཚེ་སྲོག་མི་རྟག་ཆུ་ཡི་ཆུ་བུར་བཞིན། །སྐད་ཅིག་ཙམ་ཡང་རྟག་པའི་སྐབས་མེད་ཀྱང་། །བསླུ་མེད་དཀོན་མཆོག་གསུམ་ལ་སྐྱབས་མ་ནུས། །འཇིག་རྟེན་ཕྱི་མར་འགྲོ་བ་སྡུག་རེ་ཆེ། །ད་ལྟ་ལུས་རྟེན་འདི་འདྲ་ཐོབ་དུས་འདིར། །མི་ཚེ་འདི་ལ་སྙིང་པོ་ལེན་དགོས་ཀྱང་། །ཆོས་མིན་བདུད་ཀྱི་གེགས་ཀྱིས་བསླུས་གྱུར་ན། །སྡིག་པོ་བདག་འདྲ་ཐུགས་རྗེས་འདོར་རེ་རམ། །གུ་རུ་ཁྱེད་ཀྱི་ཐུགས་རྗེས་མ་བཟུང་ན། །བདག་སོགས་སྡུག་བསྔལ་འཁོར་བའི་གནས་འདི་ལས། །གྱེན་དུ་འགྲོ་ཞིང་ཐར་བའི་སྐབས་མེད་པས། །ཐུགས་རྗེས་ཟུངས་ལ་རྔ་ཡབ་གླིང་དུ་དྲོངས། །མགོན་མཆོག་ཁྱོད་ལས་སྐྱབས་གཞན་མ་མཆིས་པས། །བདག་ཅག་མི་ཕྱེད་དད་པས་གསོལ་འདེབས་ན། །ཐུགས་རྗེ་མ་གཡེལ་བཀའ་དྲིན་མཚུངས་མེད་རྗེ། །འདི་ནས་འཕོས་ཚེ་འོག་མིན་ཞིང་མཆོག་ཏུ། །དཀའ་ཚེགས་མེད་པར་དཔའ་བོ་མཁའ་འགྲོའི་གྲལ། །བདེ་སྟོང་ཟབ་མོའི་རང་སྒྲ་སྒྲོགས་བཅས་ཏེ། །མྱུར་དུ་འགྲོ་བའི་དེད་དཔོན་ཆེན་པོར་མཛོད། །ཅེས་པའང་རྒྱལ་པོའི་དབོན་སྲས་ཀྱིས་ལྷ་རེག་བཅས་ནན་གྱིས་བསྐུལ་ངོར་༧རྡོ་གྲུབ་ཐུབ་མིང་པས་བྲིས་པ་བཞིན་དུ་འགྲུབ་པའི་རྒྱུར་གྱུར་ཅིག །དགེའོ། །
ཐུབ་པའི་བསྟན་པ་བཤད་སྒྲུབ་འཕྲིན་ལས་ཀྱི། །
མངའ་བདག་དཔལ་ལྡན་བླ་མས་རྗེས་བཟུང་ནས། །
ཚེ་རབས་ཀུན་ཏུ་ཐེག་མཆོག་ལམ་བཟང་དང་། །
སྐད་ཅིག་ཙམ་ཡང་འབྲལ་བར་མ་གྱུར་ཅིག །
ཅེས་པ་འདི་དོན་གཉེར་ཅན་གྱི་ངོར་བྱིས་པ་ཐུབ་བསྟན་མིང་གིས་བྲིས།
