བཀྲ་ཤིས་བདེ་ལེགས་ཞུ། ཚེ་རིང་དགྲ་འདུལ་ལ་2024ལོ་ནས་2025ལོའི་ཧྥེན་ལན་གཞོན་ནུའི་བྱེས་བགྲོད་གངས་ཤུད་ལེགས་ཐོན་འགྲན་བསྡུར་གྱི་སྐྱེས་པའི་ལོ་23མན་ཚོགས་ཆུང་གི་རྒྱང་ཐུང་སྲོལ་རྒྱུན་སྤྱི་ལེ་1.4ཡི་འགྲན་བསྡུར་ནང་ཨང་དང་པོ་ཐོབ་འདུག
2024ལོ་ནས་2025ལོའི་ཧྥེན་ལན་གཞོན་ནུའི་བྱེས་བགྲོད་གངས་ཤུད་ལེགས་ཐོན་འགྲན་བསྡུར་དེ་2025ལོའི་ཟླ་བ་1ཚེས་17ཉིན་ནས་18ཉིན་བར། ཧྥེན་ལན་ལྷོ་རྒྱུད་ཀྱི་ཧའེ་མན་ལི་ན་རུ་སྤེལ་ཡོད་པ་དང་། འགྲན་བསྡུར་ནང་རྒྱང་ཐུང་ཕོ་མོའི་སྲོལ་རྒྱུན་སྤྱི་ལེ་1.4ཡི་འགྲན་བསྡུར་དང་། རང་མོས་སྤྱི་ལེ་10ཡི་འགྲན་བསྡུར། སྙུང་དབྱིབས་ཆ་ཅན་འགྲན་བསྡུར་བཅས་རྣམ་གྲངས་གསུམ་བཀོད་སྒྲིག་བྱས་ཡོད་ཅིང་། ཧྥེན་ལན་དང་། ཨེ་སོ་ནི་ཡ། ཨོ་སི་ཁྲུ་རི་ཡ། ཀྲུང་གོ་སོགས་རྒྱལ་ཁབ་བཞི་ཡི་ལུས་རྩལ་པ་636འགྲན་བསྡུར་ནང་ཞུགས་ཡོད། བོད་ལྗོངས་ཀྱི་ལུས་རྩལ་པ་ཚེ་རིང་དགྲ་འདུལ་དང་། སྐལ་བཟང་ཆོས་སྒྲོན། འཕྲིན་ལས་ཟླ་བ་བཅས་ཀྱིས་ཀྲུང་གོའི་འཐུས་མི་རུ་ཁག་གི་ཚབ་ཞུས་ནས་ཕོ་མོའི་ལོ་23མན་གྱི་རྒྱང་ཐུང་སྲོལ་རྒྱུན་སྤྱི་ལེ་1.4ཡི་འགྲན་བསྡུར་དང་། རང་མོས་སྤྱི་ལེ་10ཡི་འགྲན་བསྡུར་གཉིས་ལ་ཞུགས་ཡོད།
原文来源:西藏体育
审稿:拉巴
翻译:旦增
编辑:卓玛才让
