བོད་ཀྱི་གྱེར་འདོན་སྤྱི་སྟེགས་ཆེན་མོ་ནི་གྱེར་འདོན་སྒྱུ་རྩལ་ལ་ཐུགས་མོས་ཆེ་བའི་མི་བུ་རེ་སྙེག་ཅན་རྣམས་ལ་བསྐྲུན་པའི་སྐད་ངག་གི་ཉམས་སྣང་མངོན་སའི་གར་སྟེགས་ཤིག་དང་། ནང་སེམས་ཀྱི་འགྱུར་བ་བསྙལ་སའི་གནས་མལ་ཞིག་ཡིན་པས། གྱེར་འདོན་སྒྱུ་རྩལ་པ་གང་མང་སྐྱེད་སྲིང་སྒོས་ལོ་རྒྱུས་ཀྱི་ཉམས་སད་ཐེག་ཅིང་དུས་རབས་ཀྱི་སྙིང་སྟོབས་ལྡན་པ་ཞིག་ཏུ་འགྱུར་བར་རེ་བཞག་ཤིན་ཏུ་ཆེ།
བོད་ཀྱི་སྙན་ངག་པ་གྲགས་ཅན་འབྲུག་ལྷ་རྒྱལ་ནས།
藏族朗诵平台是藏区最大的朗诵媒体之一,本公众号主要是分享藏族已出版过的一些诗歌、经典朗诵、朗读，小品、故事等。专注藏族文化教育、是一个致力于为广大藏族同胞提供一个交流互动的服务平台。
བདག་གི་རྩྭ་ཐང་།
དཔལ་མོས་བརྩམས
།པད་མ་བདེ་སྐྱིད་ཀྱིས་གྱེར།
ཉི་འོད་ལྟ་བའི་བརྩེ་སེམས་ཀྱི་ཁུག་ཏུ
འཛེམ་དོགས་མེད་པར་སྒྲེན་མོར་མངོན་ཏེ
ལུས་པོ་དང་སེམས་པ་ལྷོད་ཤིག་གེར་མཉེས་གཤིན་གྱི་རྩྭ་ཐང་དེ་ལ་རེག་ཐེངས་རེར་
ང་རང་ནམ་ཡང་མར་ལོ་ལྟར་ཞུ་འགྲོ
མགོ་བོ་རྩྭ་ཐང་གི་བྲང་ཁར་གླན་ཏེ
མིག་ཟུང་ག་ལེར་བཙུམས་ན
བྲེལ་ཟིང་དང་སྐྱོ་ངལ་གྱི་སྒོ་མོ་ཡུན་རིང་ལ་བརྒྱབ་ཆོག
རྩྭ་ཐང་དེའི་པང་ལ་འོ་མ་ལྟར་འཁྱིལ་དུས་
ངས་ཐག་རིང་ཞིག་བསམ་མ་མྱོང་ལ
ཐག་ཉེ་ཞིག་དྲན་ཡང་མི་འདོད
ང་ལ་བརྩེ་དུང་ཡོད
ང་ལ་རྩྭ་ཐང་ཡོད
ངའི་དྲན་ཤེས་ཀྱི་སྤང་ཁུག་རེ་རེ་ན
ནེམ་ཤ་སྟེར་བའི་ལྗང་ལོ་རེ་རེ་ཡུལ་དུས་ཀྱི་དབྱེ་མཚམས་མེད་པར
བརྩེ་ཞེན་གྱི་བརླན་དྲོད་ལ་བསྡོངས་ནས
མེ་ལྕེ་བཞིན་རྟག་ཏུ་འབར་གྱིན་ཡོད
ད་ལྟ།
ངའི་མིག་དབང་ལ་ལྗང་ལྟེམ་ལྟེམ་འཁྱིལ་བ་འདི
ཡིད་ཀྱི་རྦ་རླབས་སྒུལ་བ་འདི
ལུས་པོ་ལ་ནེམ་གཤེས་བསྒོ་བ་འདི
སེམས་ཀྱི་ཟབ་སར་ལྷུང་བ་འདི
ཤོར་མྱོང་བའི་རྩྭ་ཐང་ཆེན་མོ་འདི
སླར་ཡང་ང་ལ་ཐོབ་བྱུང་བ་ཡིན་ནམ
ད་ལྟ
ང་རང་ཁྱོད་ལ་འཐིམ་བཞིན་ཡོད
བདག་གི་རྩྭ་ཐང་ལ་ཆུ་ཐིགས་ལྟར་འཐིམ་བཞིན་ཡོད
མེ་ཏོག་རྐང་གཅིག་ལ་གཡོ་རྫུན་མེད་པར
ཉི་འོད་ཀྱི་ངོགས་སུ་ཞུ་སྟེ
རྣམ་ཤེས་དང་ལུས་པོ་ཐམས་ཅད
ཁ་ཞེང་སྐྱོམས་པའི་ལྗང་མདོག་ཁྱོད་འཐིམ་བཞིན་ཡོད
འདི་རུ་སྤྲིན་དཀར་ཡོད འདི་རུ་གླག་རྒོད་ཡོད
འདི་རུ་ཁྱོད་རང་སྟེ་བདག་གི་རྩྭ་ཐང་ཡོད
---བོད་ཀྱི་གྱེར་འདོན་སྤྱི་སྟེགས་ཆེན་མོ།
རྩོམ་སྒྲིག་དང་ཇུས་འགོད་པ། ཁྱུང་སྲས་ཀུན་བཟང་།
