རང་རྩོམ་རང་གིས་གྱེར་ཀློག་བྱེད་པ་དེ། རང་ཉིད་གྱེར་འདོན་སྒྱུ་རྩལ་པ་ཞིག་ཨེ་ཡོང་ལ་བརྩོན་པ་མིན་པར། རང་ལ་རྒྱུས་མངའ་བའི་འཚོ་བའི་རིན་ཐང་གཤའ་མ་དེ་ཐད་ཀར་ཁྱེད་ཀྱི་སེམས་སུ་གསལ་ལེར་བཞེངས་འདོད་པ་དེའོ། །
---བོད་ཀྱི་སྒྱུ་རྩལ་པ་གྲགས་ཅན་ཞི་བདེ་ཉི་མས།
藏族朗诵平台是藏区最大的朗诵媒体之一,本公众号主要是分享藏族已出版过的一些诗歌、经典朗诵、朗读，小品、故事等。
སྙན་ངག་པའི་ནང་སེམས་ཀྱི་སྐད་ཆ།
རེ་སྒུག་ནི་གནམ་ལ་ཟུག་པའི་རི་རབ་ཅིག་གི་རྩེ་མོ་རང་རེད་འདོད
རེ་བ་ཁྲི་སྟོང་འཁུར་བའི་ཐང་དཀར་རྒོད་ཀྱི་གཤོག་སྣེ་ཟད་པའི་རྩེ་མོ་དེར
ངའི་དམུ་གབ་འོག་གི་མིག་ལམ་ནས་མཐོངས་ཡངས་པའི་འཇིག་རྟེན་ཞིག་ནུབ་སོང
ངས་རེ་སྒུག་ནི་རྒྱུན་མི་ཆད་པའི་གཙང་པོ་ཞིག་ཡིན་པར་རེ་སྨོན་བཅངས་ནའང
རེ་སྒུག་གྲངས་མེད་ཁྲོད་དུ་རྦ་རླབས་ལིང་ལིང་འབབ་པའི་གཙང་པོ་དེ་ཉིད
ངའི་དམར་འཚུབ་འཚུབ་ཀྱི་མིག་ལམ་ནས་སྐོམ་པ་མི་སོད་པའི་ཆུ་གཟུགས་སུ་མངོན
ཨངའི་གུ་དོག་གི་མིག་ལམ་ནས་མང་པོ་ཞིག་རྒྱང་ནས་རྒྱང་རིང་དུ་བཞུད་ཚར་ཨང
ངའི་མིག་མཐར་རུབ་ཅིང་འཚངས་འོངས་པ་ནི་རེ་སྒུག་ཡིན་དུས
ངའི་མིག་ལམ་གྱི་མཛེས་ཆོས་ཐམས་ཅད་སྟོང་ཟད་ཁྲོད་མོག་པོར་ལུས
རེ་སྒུག་ཁྲོད་ཀྱི་རི་ཚོགས་གཉིད་དུ་ཡུར་འདུག་ཟེར་བས་ཡིན་ནམ
གང་ལྟར་ཉ་སྲམ་མེད་པའི་གཙང་པོ་དེ་ཁེར་རྐྱང་ཡིན་པ་ཤ་སྟག་རེད
ད་ནིརེ་སྒུག་ཁྲོད་ཀྱི་མིག་ཟུང་གྲངས་མེད་ཀྱི་རེ་ཐག་ཆད་དེ
མུན་དོང་ཞབས་མེད་དེ་རུ་མིག་རྩ་དམར་ཆམ་མེར་འཆི་ཉམས་ཤར
ངས་རེ་སྒུག་གི་ཕུགས་བརྟོལ་ཏེ་རྒྱང་རིང་ཞིག་ལ་རྣ་བ་གླགས་ནས་མཉན་དུས
རྒྱང་རིང་གི་རིགས་ཚོགས་སྔར་བཞིན་ལྷིང་ཞིང་འཇགས ལྷིང་ཞིང་འཇགས
2023ལོའི་ཟླ9པའི་ཚེས7ཉིན་བྲིས།
ལྟ་སྐུལ་པ། ཞི་བདེ་ཉི་མ།
གདན་ཞུའི་སྙན་ངག་པ། འདམ་འཇིལ་ལི།
རྩོམ་སྒྲིག་པ། ཁྱུང་སྲས་ཀུན་བཟང་།
