རྒྱལ་པོ་རཱ་ཎའི་གཏམ་རྒྱུད། ༡༠
སྟོབས་ལྡན་གྱིས་བཤད།
གཞུང་ཚིག
ཀུན་གསོད་དགྲ་དེས་མཆོང་གཅིག་གིས། །
རཱ་མའི་འགྲམ་འོངས་གཏམ་བསྙད་དེ། །
ཡན་ལག་བཞི་ལྡན་དཔུང་གི་རྡུལ། །
ཆུ་མཐོངས་འགོག་པར་ཉེ་བར་བཤམས། །
འཛམ་བུ་གླིང་འདི་དེ་ཡི་བར། །
ཆུ་སྲིན་འབྱུང་གནས་དར་བ་དང་། །
ཆེ་བའི་ཆུ་ལ་སྤྲེལ་ཚོགས་ཀྱིས། །
རྐང་འཐུང་ཟམ་པས་སྒྲོལ་ས་ཆས། །
དྲང་སྲོང་གྲོག་མཁར་ཞེས་བྱ་བ། །
རྒྱ་མཚོའི་འགྲམ་གྱི་བསམ་གཏན་པ། །
དེ་ཡིས་ཉ་མིད་ཅེས་བྱ་བ། །
སྟོང་ཆེན་ལུད་ཀྱི་ཚད་འཛིན་པའི། །
ཟམ་པ་ཆེན་པོ་ཉེ་བར་བཙུགས། །
འབར་བའི་ལ་ལྷག་མ་སྒྲ་སྒྲོགས་ནི། །
དཔུང་ཚོགས་ཕྲུ་མ་བཏབ་སྟེ་གནས། །
མརྒད་དོགས་པ་གསེར་གྱི་བྲང་འགྲོའི་ལྟོ་ཡིས་འཁྱུད་ཅིང་ཀེ་ཀེ་རུ་ཡི་མིག་དག་རིག་རིག་གི་ལྕེ་གཡོ་བརླ་ཡི་ངོས་ལ་རྣམ་པར་འཕྱང་། །
ཉག་ཕྲན་ཚོགས་ནི་མཐེབ་ལོང་སྦྱོར་བའི་འཕྲུལ་འཁོར་གཤོག་པའི་སྒྲོ་ལྡན་གནམ་དུ་རྒྱུག་ལ་ལྟོས་པ་མེད་ཅེས་འགྲན་པ་བཞིན་དུ་མཆོང་བར་རྩོམ། །
གཞུ་རྒྱུད་མཆོག་མའི་ཆུང་མ་ལ་རོལ་དྲེགས་པའི་ང་རོས་སྤྲིན་གྱི་སྒྲ་ལ་དམན་པ་ཉིད་སྟེར་འོན་པའི་ཚོགས་ལ་སྒྲ་དབྱངས་སྟོན་བྱེད་རུ་མཚོན་འཕྱར། །
མེ་ལྕེ་སྟོང་གི་དྲ་བ་འཁྲིགས་པའི་རལ་གྲི་འབར་དང་རལ་གྲི་གཞོན་ནུ་ཆུ་གྲི་དང་ནི་ཀ་ཎ་ཡ་སོགས་ལོང་ལོང་གཡོ་ཞིང་ཐམ་ཐམ་ཟུག་པས་ཕྱོགས་ཀུན་འགེངས། །
རིག་དང་སྒྱུ་རྩལ་མཐར་སོན་པའི། །
དགྲ་འཐབ་མཁས་པ་དཔའ་བའི་ཚོགས། །
འབྲོས་པ་ལྟ་བུ་སྟོན་ཅིང་འདེབས། །
ས་ལ་འབྱར་ཞིང་ཉལ་བར་རྩོམ། །
འདར་བ་ལྟར་སྟོན་གཡེར་བག་བྱེད། །
བཟུང་ཞིང་བཟུང་ཞིང་བསྙེན་པ་དང་། །
ཀྱེ་ཀྱེ་ཧཾ་ཧཾ་ཆོམ་ཆོམ་ཞེས། །
ཁྲག་རྒྱུུན་འཛག་ལྡན་སོ་སྒྲ་འབྱིན། །
ཡ་ལད་ཚོགས་ནི་དངུལ་དཀར་གྱི། །
དྲི་མེད་མེ་ལོང་བཞིན་དུ་འབར། །
རྔུལ་གྱི་ཐིགས་པ་རྒྱས་པ་ཡི། །
གསེར་ལྡན་མ་ལ་བཟང་གཏོར་བྱེད། །
རབ་ཏུ་ཚོ་རྣམས་འགག་སྟེ་འགྱེལ། །
སྡར་མ་འབྲོས་པའི་གདོང་དང་ནི། །
གདོང་བ་འཐབ་པའི་ཕེག་རྡོབ་ཀྱིས། །
ནམ་མཁའི་ངོས་ཀུན་རལ་བ་ཡིས། །
སོ་ལྡན་སྣ་ཞགས་བསྐྱོད་པའི་ཡིས། །
ལ་ལ་མདུན་སར་འཕེན། །
འགའ་ཞིག་སྡང་བའི་སེམས་དམྱལ་མེ། །
རང་ཉིད་སྲེག་པའི་ཕྱིར་དུ་སྦོར། །
གང་ཚེ་རང་གི་ཕ་ཡང་གྲོས། །
གོམས་པའི་དམར་སེར་ཅན་དང་དབང་གིས། །
མགྱོགས་འགྲོའི་མགོ་བྲལ་སྒྲ་སྒྲོག་ནི། །
འཆི་བར་གྱུར་དེ་དེ་བསྙད། །
གཞུ་འཛིན་དབང་པོའི་རཱ་མ་ཎས། །
གཞུ་རྒྱལ་མཐེབ་ལོང་སྦྱོར་བ་བྱས། །
མཚུན་གྱི་ལྷ་ཡི་མཚོན་རྣོན་ནི། །
མཆོག་གི་མགྲིན་འཁྱུད་རྫུ་འཕྲུལ་འཛིན། །
རྔ་ཡབ་གླིང་རྗེ་མཐོ་རིས་ཀྱི། །
ཐེམ་སྐས་ཞབས་ཀྱིས་བརྟེན་པ་ཐོབ། །
བ་ཤིཥྠ་ཡི་དུས་སྦྱོར་ནི། །
བསླུ་མེད་རིག་པར་ངེས་པ་བྱས། །
ཁྲག་གིས་དམར་བའི་རྒྱ་མཚོ་ནི། །
བ་གླང་རྗེས་བཞིན་འགོས་བྱས་ཏེ། །
རང་གི་ཡུལ་དང་བཀྲ་ཤིས་དང་། །
མཆིས་བྲང་ལྷན་ཅིག་ཐོབ་པར་གྱུར། །
ཟུར་འདེབས།
གཞུང་དོན།
གཏམ་རྒྱུད་ཀྱི་འགལ་བ།
༧ རཱ་མ་ཎ་སྲིན་ཡུལ་ར་མདར་སྐྱོད་པ།
སྒྲ་ལྡན་གྱི་ལེ་ཚན།
སྒྲ་ལྡན་ལེ་ཚན།
བརྡ་སྤྲོད། སྒྲ་ཆ་ཚང་། འཆད་མཁན། ཁམས་རང་སྒྲུབ།
ཚིག་རྒྱན་རིག་པའི་སྒྲ་ཆ་ཚང་། བཤད་མཁན། སྟོབས་ལྡན།
རྩོམ་རིག་གི་གསང་གནད་བདུན། བཙན་ཁ་ཤོར།
རིག་གནས། ཕུགས་བསམ། ཧུར་བརྩོན། སྟོབས་ལྡན་གྱིས་བཤད།
དབྱར་རྩྭ་དགུན་འབུ་དང་འབྲེལ་བའི་གསུང་གླེང་། དགེན་ཆོས་བཟང་།
གུ་ཡངས་རིག་གནས་ཞབས་ཞུ་སྤྱི་གཉེར། 宽阔文化服务公司
ལྷ་རིས་པའི་མཚན་ཉིད་དང་དེའི་སྒྱུ་རྩལ་གནས་བབས་གླེང་བ།
བྱ་བཞག་ལེགས་འགྲུབ་ཇི་ལྟར་བྱ་རྒྱུ། དགེན་ཆོས་བཟང་གིས་གསུངས།
འཛམ་གླིང་ཉེ་རབས་ལོ་རྒྱུས་ལས་སུའུ་ལེན་དང་ཨུ་རུ་སི་གླེང་བ།
བོད་སྔ་རབས་ཀྱི་མི་ཆོས་བསམ་ཡོན་གླེང་བ། དགེན་བེ་དུང་གིས་བཤད།
སྐུ་ཞབས་ཞོགས་དུང་གི་སྲས་མོ་ཡེ་ཤེས་མཚོ་མོའི་ལས་གཏོད་ཀྱི་ལམ་བུ།
དཔེ་གཟུགས་ང་གཉིས་མ། ཆ་ཚང་། བཙན་ཁ་ཤོར།
མཁས་དབང་བསམ་གཏན་རྣམ་རྒྱལ་གྱི་གསུང་གསར། བརྡ་སྤྲོད་ཀྱི་དགེ་མཚན།
འབྲོག་མོ་ཞིག་གི་སྒྱུ་རྩལ་གྱི་ལམ་བུ། ཨ་ཆེན་མཚོ། 牧区女孩的艺术之路 阿青措
རྩོམ་སྒྲིག་པ། སྟོབས་ལྡན།
གཙོ་གཉེར། གུ་ཡངས་སྤྱི་གཉེར།
