24 12:55
ཀ་རྩོམ་གསལ་བའི་མེ་ལོང་།
སྟོབས་ལྡན།
ཀ་དག་རིག་པའི་ཀློང་ལ་འཁྱིལ་བ།།
ཁ་བ་ལྟ་བུའི་རྨི་ལམ་རིང་མོ།།
ག་ཞ་ཟུར་གྱི་སྣེ་མོ་བྲལ་བ།།
ང་དང་ཁྱེད་ཀྱི་མཚན་གང་ཅི།།
ཅ་རིལ་ལྟ་བུའི་རྟོག་པ་ལོག་ལོག །
ཆ་ཤས་ཐིགས་པ་ཀུན་གཞིའི་ཉམས་རེད།།
ཇ་ཆང་མཆོད་པའི་འདུ་ལོང་ཅི་རིགས།།
ཉ་ཡུ་གཡའ་བའི་ཟ་འཕྲུག་དེ་ག །
ཏ་ལེན་ཕྲག་ལ་གཟར་བའི་ཕར་ངོགས།།
ཐ་ཤལ་མཐའ་དབུས་སྟོང་བའི་སྣང་བ།།
ད་ལྟར་ཉམས་སྣང་འབར་བ་མིན་ན།།
ན་རྒའི་འཇིགས་པ་ཞིག་པའི་ཆོ་འཕྲུལ།།
པ་སངས་རྒྱུ་བའི་མཚན་མ་འདི་ན།།
ཕ་མས་བཅངས་བའི་བརྩེ་བ་རེ་ཟུང་།།
བ་མེན་སྟོང་གིས་ཁུག་པ་མ་ཡིན།།
མ་ལུས་རུ་མ་སྲིད་དུ་བརྐྱངས་བ།།
ཙ་འཕྲུ་སྣེ་ལ་འཁྱིལ་བའི་འགྲམ་ངོགས།།
ཚ་གྲང་དབྱེ་བ་ཞིག་པའི་ལོགས་རིས།།
ཛ་ཡའི་གདུང་ལ་རྟོན་པའི་བག་ཆགས།།
ཝ་སྐྱེས་གཡུལ་དུ་བྲོས་པའི་གདེངས་ཆ།།
ཞ་ལོང་ཁྱད་མེད་འཁྲུལ་བའི་ཐང་ཆེན།།
ཟ་འཐུང་ལོང་མེད་ཐད་ཀྱི་གསེག་ལམ།།
འ་འུར་གཏན་མེད་སྣོད་བཅུད་སྣ་ཚོགས།།
ཡ་དང་ཟུང་མེད་གཅིག་དང་དུ་བྲལ།།
ར་བ་ཁང་ཁྱིམ་ཚོས་ཁ་སྣ་ཚོགས།།
ལ་ལུང་ལ་ལ་ལག་ལ་ལེན་དུས།།
ཤ་དང་ཆུར་བ་འོ་མ་ལ་སོགས།།
ས་ཆེན་འཁྲུག་པའི་གཡོ་སྐྱོམ་ཨེ་ཡིན།།
ཧ་ཧ་བཞད་པའི་གད་རྒྱངས་ནག་པོ།།
ཨ་ལ་སྨོན་པའི་མགུར་གླུ་མཆུ་ཅན།།
ཞེས་མཐའ་དབུས་འབྱམས་སུ་ཀླས་པའི་ཀུན་རྟོག་ལ་བཅོས་ཀ་ཅི་ཡང་མེད་པར་རང་ཤར་དུ་སྨྲས་པ་དགེའོ།།
སྒྲ་ལྡན་གྱི་ལེ་ཚན།
སྒྲ་ལྡན་ལེ་ཚན།
བརྡ་སྤྲོད། སྒྲ་ཆ་ཚང་། འཆད་མཁན། ཁམས་རང་སྒྲུབ།
ཚིག་རྒྱན་རིག་པའི་སྒྲ་ཆ་ཚང་། བཤད་མཁན། སྟོབས་ལྡན།
རྩོམ་རིག་གི་གསང་གནད་བདུན། བཙན་ཁ་ཤོར།
རིག་གནས། ཕུགས་བསམ། ཧུར་བརྩོན། སྟོབས་ལྡན་གྱིས་བཤད།
དབྱར་རྩྭ་དགུན་འབུ་དང་འབྲེལ་བའི་གསུང་གླེང་། དགེན་ཆོས་བཟང་།
གུ་ཡངས་རིག་གནས་ཞབས་ཞུ་སྤྱི་གཉེར། 宽阔文化服务公司
ལྷ་རིས་པའི་མཚན་ཉིད་དང་དེའི་སྒྱུ་རྩལ་གནས་བབས་གླེང་བ།
བྱ་བཞག་ལེགས་འགྲུབ་ཇི་ལྟར་བྱ་རྒྱུ། དགེན་ཆོས་བཟང་གིས་གསུངས།
འཛམ་གླིང་ཉེ་རབས་ལོ་རྒྱུས་ལས་སུའུ་ལེན་དང་ཨུ་རུ་སི་གླེང་བ།
བོད་སྔ་རབས་ཀྱི་མི་ཆོས་བསམ་ཡོན་གླེང་བ། དགེན་བེ་དུང་གིས་བཤད།
སྐུ་ཞབས་ཞོགས་དུང་གི་སྲས་མོ་ཡེ་ཤེས་མཚོ་མོའི་ལས་གཏོད་ཀྱི་ལམ་བུ།
དཔེ་གཟུགས་ང་གཉིས་མ། ཆ་ཚང་། བཙན་ཁ་ཤོར།
མཁས་དབང་བསམ་གཏན་རྣམ་རྒྱལ་གྱི་གསུང་གསར། བརྡ་སྤྲོད་ཀྱི་དགེ་མཚན།
འབྲོག་མོ་ཞིག་གི་སྒྱུ་རྩལ་གྱི་ལམ་བུ། ཨ་ཆེན་མཚོ། 牧区女孩的艺术之路 阿青措
རྩོམ་སྒྲིག་པ། སྟོབས་ལྡན།
གཙོ་གཉེར། གུ་ཡངས་སྤྱི་གཉེར།
