རྒྱལ་པོ་རཱ་ཎའི་གཏམ་རྒྱུད། ༡༡
སྟོབས་ལྡན་གྱིས་བཤད།
གཞུང་ཚིག
ས་བདག་རྒྱ་མཚོ་འཕེལ་བྱེད་དེ། །
ལང་གའི་མགོན་པོ་སྒྲ་གཅན་གྱིས། །
བསྒྲིབས་ཏེ་གསང་བདག་ནགས་ཚལ་གྱི། །
ཟློས་གར་མཁན་པོའི་རྡོ་རྗེ་བཅོམ། །
ཡོངས་འདུ་རྐང་འཐུང་འོ་མའི་ན་ཆུང་མརྒད་ཁུ་བའི་གོས་གྱིན་ཞིང་།།
མཁའ་འགྲོའི་ཕྲེང་བ་སྤུ་སྡུག་རྣམ་བཀྲ་བདེ་སོགས་དགའ་བའི་གཞུ་ཕམ་བྱེད། །
དེ་དག་གླུ་དབྱངས་པི་ཝང་སྒྲ་སྐྱེས་མགྲིན་སྒྲ་ཤང་ཤང་སྐད་སྙན་བསྲེས་པ་སྒྲོགས། །
བསམ་གཏན་གནའ་འདི་འབྱུང་བོའི་ཀུན་རྟོག་གཡོ་མེད་ཏིང་གངེ་འཛིན་ལ་གོམས་པར་བྱེད། །
ལྭ་བ་དཀར་པོའི་རྡོ་ལེབ་སྟེང་། །
རི་འཇོམས་ཀུན་དགའི་རོལ་བ་འཛིན། །
དེ་ཡི་རྣམ་སྒེག་དམན་པ་ཞེས། །
གྲུབ་པའི་ས་དེ་ཁོང་བཞད་བགྱིད། །
རབ་དགའི་དགའ་སྟོན་དཔལ་འབྱོར་འདི། །
ལག་ལྡན་ཆུང་མའི་གཡོ་མེད་དུ། །
རྟོད་ཐག་གདགས་སའི་དབྱུག་པ་སྟེ། །
ཐིག་ལེ་ཅན་གྱི་ཡིད་འཛིན་གྲོང་། །
འདི་ལས་གཞན་ན་ཐར་བ་ཡི། །
ཆོས་དཀར་རྒྱ་ཆེན་མཁྱེན་པ་རྣམས། །
བདེ་བ་གྱ་ནོམ་རྫུན་ཡིན་ཞེས། །
བསྔགས་འོས་བསྔགས་པར་མི་བྱེད་པར། །
བདག་ཅག་ཁ་ཡི་ཁང་བཟང་ནི། །
བདེ་བར་གསོས་པ་དོན་མེད་ཅེས། །
རོ་འཛིན་ཚོགས་འདི་ཅིག་ཅར་སྒྲོག །
བུ་རམ་ཤིང་ནི་ཁ་བ་དང་། །
བདུད་རྩིའི་རོ་བྲོ་མེད་ཅེས་པ། །
རབ་བསིལ་མ་དང་འགྲོགས་པ་ནི། །
རབ་དཀར་འདི་ཡིས་ཟླ་བར་འཇོམས། །
དཔའ་བོ་རྒྱ་ལས་ཐར་བ་ཡི། །
རི་བོང་གཞོན་ནུའི་གདོང་བ་ཡི།།
རྒྱབ་ཏུ་ཕྱོགས་ཤིང་རྒྱུག་ལྡན་པ། །
མང་པོའི་མདོག་ཅན་འགའ་ཡི་ནི། །
སྒྲ་སྒྲོགས་རྗེས་སྐྱེས་ཡིད་འཇོག་གང་། །
ཨུ་པ་ཀརྣའི་དྲུང་དུ་སོང་། །
འོ་དོད་འབོད་པ་རྒྱ་བྱས་ཀྱང་། །
ཏིང་འཛིན་གཡོ་བར་མ་ནུས་ཏེ། །
ཏབ་ཏབ་པོར་གྱུར་དེ་དག་གིས། །
ཁྲོ་ཆུ་ཚ་བས་རྣ་བའི། །
བུ་ག་རྣམས་པར་བསྲེགས་པར་གྱུར། །
བསམ་གཏན་ཆང་གིས་མྱོས་པ་ལས། །
སངས་པ་དེ་ལ་ཤི་བ་དང་། །
རྗེས་མཐུན་ལོ་རྒྱུས་་གཏམ་སྨྲས་པ། །
མཁྱེན་པར་མཛོད་ཅིག་ལུས་ཀྱི་མགོན། །
ཀྱེ་མ་དྲག་པའི་མཆོད་སྦྱིན་བརྒྱའི། །
ཉིན་མ་ལས་ནི་བཀའ་བཟློག་མའི། །
དམོད་པ་མེ་ཁྱེར་སྟོབས་ལྡན་ཏེ།།
ཝ་ཡིས་གདོང་ལྔ་ཕམ་བྱས་བཞིན། །
སྤྲེའུའི་ཚོགས་ཀྱིས་སྲིན་པོ་བསད། །
རྔ་ཡབ་དུར་ཁྲོད་ཆེན་པོར་གྱུར། །
ཞི་བར་འདོད་པའི་རྩེ་མོ་ཅན། །
རླུང་གིས་གཙུབས་ན་འབར་གྱུར་ཏེ། །
མེ་དང་འགྲོགས་ན་ཙན་དན་ཡང་། །
སྲེག་པར་བྱེད་པ་བསྐྱེད་པར་ངེས། །
མིག་སེར་བྱས་པ་ནད་བྱུང་ན། །
ཟླ་བ་རང་ཉིད་གསེར་དུ་སྟོན། །
ཞི་བ་བ་དེ་འཁྲུགས་ནས་ནི། །
སྣ་བུག་གཉིས་ལས་དུས་མཐའ་ཡི། །
མགྱོགས་འགྲོ་དམར་པོའི་བཞོན་པ་ཅན། །
རྡུལ་ཚོགས་ཁྱེར་བའི་དཔུང་གི་ཚོགས། །
སྤྲོས་པའི་སྤྲེའུའི་རྒྱལ་པོ་དང་། །
རྒྱལ་པོ་ལས་ཅན་ཀེང་རུས་བྱས། །
གང་ཡང་དབུལ་བའི་ཁུ་ཚུར་གྱི། །
དངུལ་ཆུའི་ཐིགས་པ་བཅིངས་པ་བཞིན། །
དམ་པ་རྣམས་ཀྱི་ཡིད་ལས་ནི། །
ཁྲོ་བ་རིང་དུ་མི་གནས་སོ། །
བསམ་གཏན་ཟས་ལ་སྲེད་པ་དེ། །
གཡེང་བར་གནས་པ་གནས་མེད་དེ། །
མ་ཡི་ལ་ལ་དུ་ལ་སྲེད་པའི། །
བྱིས་པ་ཤེས་ལྡན་ངལ་བ་མིན། །
ཟུར་འདེབས།
གཞུང་དོན།
གཏམ་རྒྱུད་ཀྱི་མཇུག་འབྲས།
༨ རཱ་མ་ཎས་འབོད་སྒྲོག་བཏུལ་བ།
སྒྲ་ལྡན་གྱི་ལེ་ཚན།
སྒྲ་ལྡན་ལེ་ཚན།
བརྡ་སྤྲོད། སྒྲ་ཆ་ཚང་། འཆད་མཁན། ཁམས་རང་སྒྲུབ།
ཚིག་རྒྱན་རིག་པའི་སྒྲ་ཆ་ཚང་། བཤད་མཁན། སྟོབས་ལྡན།
རྩོམ་རིག་གི་གསང་གནད་བདུན། བཙན་ཁ་ཤོར།
རིག་གནས། ཕུགས་བསམ། ཧུར་བརྩོན། སྟོབས་ལྡན་གྱིས་བཤད།
དབྱར་རྩྭ་དགུན་འབུ་དང་འབྲེལ་བའི་གསུང་གླེང་། དགེན་ཆོས་བཟང་།
གུ་ཡངས་རིག་གནས་ཞབས་ཞུ་སྤྱི་གཉེར། 宽阔文化服务公司
ལྷ་རིས་པའི་མཚན་ཉིད་དང་དེའི་སྒྱུ་རྩལ་གནས་བབས་གླེང་བ།
བྱ་བཞག་ལེགས་འགྲུབ་ཇི་ལྟར་བྱ་རྒྱུ། དགེན་ཆོས་བཟང་གིས་གསུངས།
འཛམ་གླིང་ཉེ་རབས་ལོ་རྒྱུས་ལས་སུའུ་ལེན་དང་ཨུ་རུ་སི་གླེང་བ།
བོད་སྔ་རབས་ཀྱི་མི་ཆོས་བསམ་ཡོན་གླེང་བ། དགེན་བེ་དུང་གིས་བཤད།
སྐུ་ཞབས་ཞོགས་དུང་གི་སྲས་མོ་ཡེ་ཤེས་མཚོ་མོའི་ལས་གཏོད་ཀྱི་ལམ་བུ།
དཔེ་གཟུགས་ང་གཉིས་མ། ཆ་ཚང་། བཙན་ཁ་ཤོར།
མཁས་དབང་བསམ་གཏན་རྣམ་རྒྱལ་གྱི་གསུང་གསར། བརྡ་སྤྲོད་ཀྱི་དགེ་མཚན།
འབྲོག་མོ་ཞིག་གི་སྒྱུ་རྩལ་གྱི་ལམ་བུ། ཨ་ཆེན་མཚོ། 牧区女孩的艺术之路 阿青措
རྩོམ་སྒྲིག་པ། སྟོབས་ལྡན།
གཙོ་གཉེར། གུ་ཡངས་སྤྱི་གཉེར།
