ཟླ11པའི་ཚེས18ནས་ཚེས19ཉིན་བར་རྫོང་དམངས་ཆེན་རྒྱུན་ལས་ཨུ་ལྷན་གྱིས་རྫོང་དམངས་ཆེན་མི་རིགས་ཁྲིམས་ལུགས་ལྟ་ཞིབ་དང་སྤྱི་ཚོགས་འཛུགས་སྐྲུན།ཞིང་ཕྱུགས་དང་ཁོར་ཡུག་ཐོན་ཁུངས་སྲུང་སྐྱོང་ཨུ་ལྷན་བཅས་ཀྱི་ཁོངས་མི་སྒྲིག་འཛུགས་བྱས་ཏེ་རྫོང་ཡོངས་ཀྱིས《མཚོ་ལྷོ་བོད་རིགས་རང་སྐྱོང་ཁུལ་གྱི་འབེབས་འབྱེད་བྱེད་མི་ཐུབ་པའི་འགྱིག་རྫས་དོ་དམ་སྲོལ་ཡིག》ལག་ལེན་བསྟར་བར་ཁྲིམས་འཛིན་ཞིབ་བཤེར་བྱས་པ་དང་།རྫོང་མི་དམངས་སྲིད་གཞུང་གི་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་གྱིས་ཕེབས་རོགས་བྱས།
ཞིབ་བཤེར་བྱེད་རིང་ཞིབ་བཤེར་ཚོ་ཆུང་གིས་སྔ་རྗེས་སུ་མང་ཆུ་གྲོང་རྡལ་དང་།སུམ་མདོ་གྲོང་རྡལ་གྱི་ཚོང་ཁང་དང་ཁྲོམ་རའི་འགྱིག་ཁུག་སོགས་ཀྱི་བེད་སྤྱོད་གནས་ཚུལ་དང་།ཡུལ་དངོས་སུ་འབེབས་འབྱེད་བྱེད་མི་ཐུབ་པའི་འགྱིག་རྫས་སྒྲིག་འགལ་ངང་ཉར་ཚགས་དང་།ཕྱིར་ཚོང་།བེད་སྤྱོད་བཅས་བྱེད་མིན་ལ་ཞིབ་བཤེར་བྱས།དེ་རྗེས་རྫོང་དམངས་ཆེན་རྒྱུན་ལས་ཨུ་ལྷན་གྱི་ཐོག་བརྩེགས་གསུམ་པའི་གྲོས་ཚོགས་ཁང་དུ་སྙན་ཞུའི་བཞུགས་མོལ་ཚོགས་འདུ་འཚོགས་ནས་རྫོང་མི་དམངས་སྲིད་གཞུང་དང་འབྲེལ་ཡོད་སྡེ་ཚན་གྱིས《མཚོ་ལྷོ་བོད་རིགས་རང་སྐྱོང་ཁུལ་གྱི་འབེབས་འབྱེད་བྱེད་མི་ཐུབ་པའི་འགྱིག་རྫས་དོ་དམ་སྲོལ་ཡིག》ལག་བསྟར་བྱས་ཚུལ་སྐོར་གྱི་བྱ་བའི་སྙན་ཞུར་ཉན།ཞིབ་བཤེར་ཚོ་ཆུང་གིས་བསྟན་དོན།འབྲེལ་ཡོད་སྡེ་ཚན་ཁག་གིས་ཁྲིམས་ཀྱིས་གཏན་འཁེལ་བྱས་པའི་འགན་འཁྲི་ནན་དུ་བཏང་ནས་འབེབས་འབྱེད་བྱེད་ཐུབ་པ་དང་འབེབས་འབྱེད་བྱེད་མི་ཐུབ་པའི་འགྱིག་རྫས་དོ་དམ་ལས་དོན་གྱི་ལམ་སྲོལ་འཐུས་སྒོ་ཚང་དུ་བཏང་སྟེ་ལྟ་སྐུལ་དོ་དམ་གྱི་ཆུ་ཚད་མཐོ་རུ་གཏོང་དགོས།ཁྲིམས་འཛིན་བྱེད་ཤུགས་ཆེ་རུ་གཏོང་བ་དང་སྒྲིག་འགལ་གྱི་བྱ་སྤྱོད་ལ་རྡུང་རྡེག་ནན་མོ་གཏོང་དགོས།གཅིག་གྱུར་འཆར་འགོད་དང་ཐབས་མང་མཉམ་སྤྱོད་ཀྱིས་ཁོར་ཡུག་སྲུང་སྐྱོབ་ཀྱི་འགྱིག་རྫས་མཁོ་འདོན་འགན་སྲུང་བྱེད་རྒྱུར་ཤུགས་བསྣན་ཏེ“སྲོལ་ཡིག”དྲིལ་བསྒྲགས་བྱེད་ཤུགས་ཆེ་རུ་བཏང་ནས་ནུས་ཤུགས་ཡོད་རྒུས་རང་རྫོང་གི་འབེབས་འབྱེད་བྱེད་མི་ཐུབ་པའི་འགྱིག་རྫས་དོ་དམ་ལས་དོན་དེ་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་གཏོང་དགོས།
རྩོམ་སྒྲིག་པ། འབྲུག་མཚོ་སྐྱིད།
རྩོམ་སྒྲིག་འགན་འཁུར་བ། ཚེ་རིང་སྐྱིད།
ལྟ་སྐུལ་བ། བཀྲ་ཤིས་ཚེ་རིང་། རིག་འཛིན་རྡོ་རྗེ།
