སྤྱི་ཟླ11པའི་ཚེས1ཉིན་ནས་བཟུང་། རང་རྒྱལ་གྱི་ལྕགས་ལམ་འགྲུལ་སྐྱེལ་ཁྱབ་ཁོངས་སུ་ཕྱོགས་ཡོངས་ཀྱི་གཞི་གྲངས་ཅན་གྱི་གློག་རྡུལ་བཙོངས་འཛིན་ཁྱབ་གདལ་དང་བེད་སྤྱོད་གཏོང་རྒྱུ་ཡིན་པ་རེད། འགྲུལ་པས་འགྲུལ་བཞུད་མཇུག་འགྲིལ་བའམ་ཡང་ན་ཕྱིར་སློག་གི(སྤ་སེ་བརྗེ་བ)གྲོན་དངུལ་སྤྲད་རྗེས་ཀྱི་ཉིན180ཡི་ནང་ཚུན་དུ་རང་ཉིད་ཀྱི་ལྕགས་ལམ་གྱི་ཐོ་ཁོངས12306ནང་འཛུལ་ཏེ་གློག་རྡུལ་བཙོངས་འཛིན་སྤྲོད་རྒྱུའི་རེ་ཞུ་བྱ་ཆོག

     གསར་དུ་བཟོ་བཅོས་བརྒྱབ་པའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཐོལ་བྱུང་དོན་རྐྱེན་ལ་ཁ་གཏད་གཅོག་པའི་བཅའ་ཁྲིམས》དེ་སྤྱི་ཟླ11པའི་ཚེས1ཉིན་ནས་བཟུང་ལག་ལེན་བསྟར་རྒྱུ་དང་། ཚན་པ་དང་མི་སྒེར་གང་རུང་གིས་ཐོལ་བྱུང་དོན་རྐྱེན་གྱི་འབྲེལ་ཡོད་ཆ་འཕྲིན་རྫུན་བཟོ་དང་རྐང་བཙུགས་ནས་བརྒྱུད་བསྒྲགས་བྱེད་མི་ཆོག་པ་ཁ་གསལ་བཏོན་ཡོད་ཅིང་། རྒྱལ་ཁབ་ཀྱིས་གློ་བུར་དུ་བྱུང་བའི་དོན་རྐྱེན་ལ་ཁ་གཏད་གཅོག་པའི་ལས་ཀའི་ཁྲོད། ནར་མ་སོན་པའི་མི་དང་། རྒན་རྒོན། དབང་པོ་སྐྱོན་ཅན། མངལ་འཁོར་རིང་དང་ནུ་མ་བསྣུན་རིང་གི་བུད་མེད་ལ་སོགས་པའི་ཚོགས་སྤྱིར་དམིགས་བསལ་དང་སྔོན་ཐོབ་ཀྱི་སྲུང་སྐྱོབ་བྱ་དགོས།

    《ཕྱི་རྒྱལ་ཚོང་པའི་མ་འཇོག་ཆོག་འཐུས་ཀྱི་དམིགས་བསལ་དོ་དམ་བྱ་ཐབས（ལྡོག་ཕྱོགས་ཀྱི་གསལ་ཐོ）》ཞེས་པའི་དཔར་མ་གསར་པ་དེ་སྤྱི་ཟླ11པའི་ཚེས1ཉིན་ནས་བཟུང་ལག་ལེན་བསྟར་རྒྱུ་དང་། “དཔེ་སྐྲུན་དངོས་པོ་པར་འདེབས་བྱེད་པར་ངེས་པར་དུ་ཀྲུང་གོ་ཕྱོགས་ཀྱིས་མ་རྐང་ཚོད་འཛིན་བྱ་རྒྱུ”ཞེས་པ་དང་། “ཀྲུང་ལུགས་ཐང་སྨན་གྱི་རླངས་བཙོས་དང་། བརྔོ་བ། མེ་བཙའ། སྲེག་པ་སོགས་ཀྱི་ལག་རྩལ་ལ་མ་འཇོག་བྱ་རྒྱུ་གཏན་འགོག་དང་དེ་བཞིན་ཀྲུང་ལུགས་སྨན་གྱི་གསང་སྲུང་སྨན་ཐོའི་ཐོན་རྫས་ཐོན་སྐྱེད་བྱ་རྒྱུ”ཞེས་པའི་ས་བཅད་མེད་པ་བཟོ་རྒྱུ་དང་།  བཟོ་སྐྲུན་ལས་རིགས་ཁྱབ་ཁོངས་ཀྱི་ཕྱི་ཕྱོགས་མ་དངུལ་གྱི་ཆོག་འཐུས་ཚོད་འཛིན་བྱ་ཐབས་ཕྱོགས་ཡོངས་ནས་མེད་པར་བཟོ་རྒྱུ་ཡིན་པ་རེད།

     སྤྱི་ཟླ11པའི་ཚེས1ཉིན་ནས་བཟུང་། གསར་དུ་བཞག་པའི་གན་རྒྱའི་འཕར་ཆག་ངེས་མེད་སྐྱེད་ཚད་ཀྱི་ས་ཁང་དངུལ་བུན་དེ་ས་ཁང་དངུལ་བུན་ཕུད་འཕར་ཆག་ངེས་མེད་སྐྱེད་ཚད་ཀྱི་དངུལ་བུན་གཞན་དག་དང་གཅིག་མཚུངས་ཡིན་པ་དང་། དངུལ་བུན་གཡར་གཏོང་ཕྱོགས་གཉིས་པོས་རང་བདག་གྲོས་མོལ་བྱས་ནས་རིན་གོང་བསྐྱར་དུ་གཏན་འཁེལ་བྱེད་ཆོག

    《གློག་སྒུལ་འཁོར་ལོའི་ཐོན་རྫས་ཆོག་འཐུས་དང་ལས་རིགས་ཚད་ལྡན་དོ་དམ་ལ་ཤུགས་སྣོན་རྒྱག་རྒྱུའི་སྐོར་གྱི་སྤྱི་བསྒྲགས》ཞེས་པ་སྤྱི་ཟླ11པའི་ཚེས1ཉིན་ནས་བཟུང་ལག་བསྟར་བྱ་རྒྱུ་ཡིན་ཞིང་།  སྤྱི་བདེ་འགྲིམ་འགྲུལ་དོ་དམ་སྡེ་ཚན་གྱིས2024ལོའི་ཟླ11པའི་ཚེས1ཉིན་གྱི་རྗེས་བྲིན་འཚོང་བྱས་པ་དང་གོ་ཆོད་ཁས་ལེན་ལག་ཁྱེར་མེད་པའི་གློག་སྒུལ་འཁོར་ལོའི་རིགས་ལ་ཐོ་འགོད་བྱ་མི་ཆོག

    《པེ་ཅིང་གྲོང་ཁྱེར་གྱི་སྨན་རྫས་སིལ་ཚོང་ཁེ་ལས་ཀྱིས་སྨན་ཚོང(ལེན)འཕྲུལ་ཆས་དོ་དམ་གྱི་གནས་སྐབས་ལག་བསྟར་གཏན་འབེབས》ཞེས་པ་སྤྱི་ཟླ11པའི་ཚེས1ཉིན་ནས་བཟུང་ལག་ལེན་བསྟར་རྒྱུ་དང་།  སྨན་རྫས་སིལ་ཚོང་མུ་འབྲེལ་ཁེ་ལས་ཀྱིས་ཁོངས་གཏོགས་ཀྱི་མུ་འབྲེལ་ཚོང་ཁང་ལ་བརྟེན་ནས་འགྲིམ་འགྲུལ་ལྟེ་གནས་ཆེ་གྲས་དང་། ཡུལ་སྐོར་མཛེས་ལྗོངས་ཁུལ། ཉོ་སྒྲུབ་ལྟེ་གནས་ཆེ་གྲས། ཨར་ཁང་དང་མགྲོན་ཁང་། གྲོང་མིའི་སྡེ་ཁུལ།  སྡེ་ཁུལ་སྨན་བཅོས་སྒྲིག་གཞི། ཤང་དང་གྲོང་རྡལ(གྲོང་ཚོ)འཕྲོད་བསྟེན་ཞབས་ཞུ་ལྟེ་གནས་སོགས་ས་ཁོངས་སུ་རང་འདེམས་སྨན་ཚོང་འཕྲུལ་ཆས་འཛུགས་ཆོག་པ་ཁ་གསལ་བཏོན་ཡོད།

    ཧྲང་ཧའེ་གྲོང་ཁྱེར་གྱིས《གྲོང་ཁྱེར་འདི་གའི་སྡོད་ཁང་གི་སྤྱི་གསོག་མ་དངུལ་བོགས་གཏོང་ལེན་པའི་ལས་སྒོ་ལེགས་སུ་གཏོང་རྒྱུའི་འབྲེལ་ཡོད་དོན་ཚན་སྐོར་གྱི་བརྡ་ཐོ》ཞེས་པ་སྤྱི་ཟླ11པའི་ཚེས1ཉིན་ནས་བཟུང་ལག་བསྟར་བྱ་རྒྱུ་དང་། ཧྲང་ཧའེ་གྲོང་ཁྱེར་དུ་རང་ལ་དབང་བའི་སྡོད་ཁང་མེད་པ་དང་ཁྲིམས་ལྟར་ཁྲོམ་རའི་བོགས་གཏོང་ཁང་པ་བོགས་གཏོང་བྱེད་མཁན་ཁྱིམ་ཚང་རེར་སྤྱི་གསོག་དངུལ་ལེན་ཆོག་པའི་གྲངས་འབོར་དེ་ཟླ་རེར་སྒོར3000ནས་སྒོར4000བར་མཐོ་རུ་གཏོང་རྒྱུ་ཡིན་ལུགས་ཁ་གསལ་བཏོན་ཡོད།

    《ཡུན་ནན་ཞིང་ཆེན་གྱི་བུད་མེད་ལས་བཟོ་པའི་ངལ་རྩོལ་སྲུང་སྐྱོང་གི་དམིགས་བསལ་གཏན་འབེབས》ཞེས་པ་དེ་སྤྱི་ཟླ11པའི་ཚེས1ཉིན་ནས་བཟུང་ལག་བསྟར་བྱ་རྒྱུ་དང་། མི་སྤྱོད་ཚན་པས་མི་བསྡུ་བའི（གདན་ཞུ）བརྒྱུད་རིམ་ནང་། མི་སྒེར་གྱི་གཞི་རྩའི་ཆ་འཕྲིན་ཕུད། བུད་མེད་ལས་ཀ་འཚོལ་མཁན་གྱི་གཉེན་སྒྲིག་དང་བུ་བཙའི་གནས་ཚུལ་སྔར་བས་སྐད་ཆ་འདྲི་བའམ་ཡང་ན་བརྟག་དཔྱད་བྱེད་མི་ཆོག་པ་ཁ་གསལ་བཏོན་ཡོད།