མཚོ་སྔོན་གྱི་ཐད་གཏོང་མཁན4སྲིད་འཛིན་བཀག་ཉར་བྱས། དྲ་སྒོ་གཏན་དུ་བརྒྱབ།
རྨ་ཆེན་རྫོང་སྤྱི་བདེ་ཅུས་དྲ་རྒྱའི་བདེ་འཇགས་རུ་ཆེན་གྱི་མི་དམངས་ཉེན་རྟོག་པས་བྱ་བའི་ཁྲོད་མངའ་ཁུལ་གྱི་ཐད་གཏོང་མཁན་གཡང་ཆེ་གེ་མོ་དང་འབྲུག་ཆེ་གེ་མོ། འཇིགས་ཆེ་གེ་མོ། ཚེ་ཆེ་གེ་མོ་བཅས་ཀྱིས་ཐད་གཏོང་བྱེད་སྐབས་ཐད་སྦྲེལ་བྱས་ནས་ཕན་ཚུན་ལ་གཤེ་གཤེ་བཏང་བར་མ་ཟད་དྲ་ཐོག་ནས་ཁ་ཆད་བཞག་སྟེ་རྡུང་རེས་རྒྱག་རབ་བཤད་པས་ལྟ་མཁན་མི་གྲངས་ཆིག་སྟོང་ལྷག་ཙམ་ལས་བརྒལ་ཏེ་སྤྱི་ཚོགས་སྟེང་ཤུགས་རྐྱེན་ངན་པ་བཟོས་པ་ཤེས་རྟོགས་བྱུང་།
གོང་གསལ་གྱི་གནས་ཚུལ་ཤེས་རྟོགས་བྱུང་རྗེས། རྨ་ཆེན་རྫོང་སྤྱི་བདེ་ཅུས་དྲ་རྒྱའིབདེ་འཇགས་རུ་ཆེན་གྱིས་ཚད་མཐོའི་མཐོང་ཆེན་བྱས་ཏེ། འཕྲལ་མར་བརྟག་དཔྱད་ཞིབ་བསྡུར་གྱི་བྱ་བ་སྤེལ། ཞིབ་བཤེར་བྱས་པ་བརྒྱུད། "གཡང་ཆེ་གེ་མོ་དང་འབྲུག་ཆེ་གེ་མོ། འཇིགས་ཆེ་གེ་མོ། ཚེ་ཆེ་གེ་མོ"བཅས་མི4ཡིས་མི་གྲངས་འགུག་ཆེད། ལྐོག་ཏུ་གྲོས་མཐུན་བཞག་ནས་ཐད་གཏོང་ནང་དུ་རང་སྒྲིག་རང་འཁྲབ་དང་ཕན་ཚུན་གཤེ་གཤེ་གཏོང་རེས་བྱེད་པ་སོགས་ཀྱི་བྱ་ཐབས་ལ་བརྟེན་ནས་ཐོབ་པའི་ཁེ་སྤོགས་མི་བཞིས་ཆ་སྙོམས་བགོ་བཤའ་རྒྱག་གིན་ཡོད་པ་རེད།
མིག་སྔར། རྨ་ཆེན་རྫོང་སྤྱི་བདེ་ཅུས་ཀྱིས་གཡང་ཆེ་གེ་མོ་དང་འབྲུག་ཆེ་གེ་མོ། འཇིགས་ཆེ་གེ་མོ། ཚེ་ཆེ་གེ་མོ་བཅས་མི4ལ་ཁྲིམས་ལྟར་སྲིད་འཛིན་བཀག་ཉར་བྱས་པར་མ་ཟད་དངུལ་ཆད་ཀྱང་བཅད་དེ་སྲིད་འཛིན་ཆད་གཅོད་གཏན་འབེབས་བྱས་པར་མ་ཟད། འབྲེལ་ཡོད་སྟེགས་བུའི་སྒོ་གཏན་དུ་བརྒྱབ་པ་རེད།
ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར།
རྩོམ་སྒྲིག་འགན་ཁུར་བ། ཕག་མོ་ཚེ་བརྟན།
ལྟ་སྐུལ་བ། གཡང་འབུམ་ཚེ་རིང་། སྤྱི་ཁྱབ་ལྟ་སྐུལ་བ། ལིག་ཙུན་ཁོས།
来源/西宁晚报 责编/彭毛才旦
监制/杨本才让 总监制/刘增奎
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
