![]()
【བདེ་ཐང365】ཞེས་པའི་ལེ་ཚན་འདི་ནི་མཚོ་བྱང་མདོ་ལ་བོད་ཡིག་ཚགས་པར་ཁང་གིས་གསར་དུ་སྒྲུབ་པའི་ལེ་ཚན་ཞིག་ཡིན་ལ། འདིར་རྒྱ་ཆེའི་ཀློག་པ་པོར་ཕྱོགས་ཡོངས་དང་ཆེད་ལས། སྤྱོད་གོ་ཆོད་པའི་བདེ་ཐང་ཤེས་བྱ་མཁོ་འདོན་བྱེད་རྒྱུ་ཡིན། ལེ་ཚན་འདིའི་ནང་དུ་ང་ཚོས་གསོ་རིག་ཆེད་མཁས་པ་དང་འཚོ་བཅུད་རིག་པ་བ། སེམས་ཁམས་རིག་པའི་དགེ་རྒན་སོགས་ཆེད་ལས་མི་སྣ་གདན་འདྲེན་ཞུས་ཏེ། ཁྱེད་རྣམས་ཀྱི་ལུས་ཁམས་བདེ་ཐང་དང་སེམས་ཁམས་གསལ་ཐང་། བཟའ་བཏུང་འཚོ་བཅུད་སོགས་ཀྱི་གནད་དོན་ལ་ལན་འདེབས་སུ་འཇུག་རྒྱུ་ཡིན། དེ་དང་ཆབས་ཅིག ང་ཚོས་ད་དུང་སྤྱོད་གོ་ཆོད་པའི་བདེ་ཐང་རྒྱུན་ཤེས་མཉམ་སྤྱོད་བྱས་ནས་ཚང་མས་དུས་རྒྱུན་འཚོ་བའི་ཁྲོད་རང་ཉིད་ཀྱི་བདེ་ཐང་ལ་སྔར་ལས་ལེགས་པའི་དོ་སྣང་བྱེད་པར་རོགས་རམ་བྱ་རྒྱུ་ཡིན།འཚོ་བའི་ཁུར་ཚེགས་བསང་ཆེད། གཞོན་སྐྱེས་མང་པོས་ཞོགས་པར་ཁོ་ཧྥེ་འཐུང་ནས་རྣམ་རིག་གྲུང་པོ་ཡོང་ཐབས་བྱེད་ལ། དགོང་ཁར་ཆང་འཐུང་ནས་གཉིད་སྐྱིད་པོ་འགུག་ཐབས་བྱེད། ཡིན་ནའང་། འཐུང་མ་ཤེས་ན་ཁོ་ཧྥེ་དང་ཆང་བཅུད་ལྡན་པའི་བཏུང་བས་མཁལ་མ་ལ་གནོད་ཀྱང་སྲིད།ཞིབ་འཇུག་ལས་ཤེས་རྟོགས་བྱུང་བ་ལྟར་ན། ཁོ་ཧྥེ་ལ་མཁལ་མར་སྲུང་སྐྱོབ་བྱེད་པ་དང་མཁལ་འགྲམས་ལ་ཕན་པ། མཁལ་སྐྲན་འགོག་པ་བཅས་ཀྱི་བྱེད་ནུས་ལྡན། རེད་དེ། དེ་ནི་ཁོ་ཧྥེ་འཕྲོད་པའི་མི་དང་འཐུང་ཚད་ཤེས་པའི་མི་ལ་བལྟས་ནས་བཤད་པ་རེད། གལ་ཏེ་ཁོ་ཧྥེ་འཐུང་ཚད་མང་དྲགས་ན་གཅིན་ལ་ཀལ་གྱེས་རྡུལ་ཟགས་ཚད་ཇེ་མང་དུ་སོང་སྟེ། མཁལ་རྡོ་འབྱུང་ཚད་ཇེ་མཐོར་འགྲོ་བ་ཡིན། སྙིང་ལ་ངར་ཤུགས་བསྐྱེད་པ་དང་ཁྲག་ཤེད་ཇེ་མཐོར་སོང་ནའང་སྙིང་དང་མཁལ་མའི་ཁུར་ཚེགས་ཇེ་ལྕིར་འགྲོ་བ་ཡིན། དེ་བས། རབ་ཡིན་ན་ཁོ་ཧྥེ་བསྟེན་པ་རྣམས་ཀྱིས་མང་མཐར་ཡང་ཉིན་རེར་ཕོར་བ་དོ་ལས་མ་འཐུང་ན་བཟང་ལ། མཁལ་ནད་ཅན་རྣམས་ཀྱིས་ཁོ་ཧྥེ་འཐུང་ཚད་ལྷག་པར་ཚོད་བཟུང་ན་ལེགས། དཔེར་ན་ཁོ་ཧྥེ་ཡིས་ཐུམ་མང་མཁལ་ནད་ཅན་གྱི་མཁལ་མའི་སྐྲངས་ཐུམ་ཇེ་ཆེར་འགྲོ་བར་བྱེད་པས། ནད་པ་དེ་རིགས་ཀྱིས་ཁོ་ཧྥེ་འཐུང་མི་རིགས། ཁོ་ཧྥེའི་བྲོ་བ་བསྐྱེད་བྱེད་ཀྱི་རྫས་ལ་སྐྱེ་མེད་ལིན་མང་པོ་འདུ་བས། མཁལ་མའི་ཁྲག་ལིན་མཐོ་བའི་ནད་པས་ཁོ་ཧྥེ་བསྟེན་མི་རིགས། མཁལ་ནད་ཅན་ལ་ཁྲག་ཅཱ་མཐོན་པོ་བྱུང་ཚེ་ནད་པས་ཁོ་ཧྥེ་ལ་ལྷག་པར་མཉམ་འཇོག་དགོས།ཆང་འཐུང་ན་མཁལ་མར་གནོད་པ་ཀུན་ལ་གསལ་ཡང་། ཆང་འཐུང་ནས་མཁལ་འགྲམས་བྱུང་བའི་སྣང་ཚུལ་དེར་ཀུན་གྱིས་དོ་སྣང་མི་བྱེད། མིའི་ལུས་ཕུང་གི་ཆང་བཅུད10%ཙམ་ནི་མཁལ་མ་དང་གློ་བས་འདོར་བ་ཡིན་ལ། ཆང་བཅུད་ཀྱིས་སྤྲི་དཀར་རྫས་ཀྱི་དྭངས་སྙིགས་ཕྱེ་བའི་ཐོན་དངོས་ཇེ་མང་དུ་གཏོང་བས། མཁལ་མའི་ཁུར་ཚེགས་ཇེ་ལྕིར་གཏོང་བ་ཡིན། དེ་མིན་ཆང་བཅུད་ཀྱི་དྭངས་སྙིགས་འབྱེད་པ་ལ་ཆུ་དགོས་ཤིང་། ཆང་འཐུང་རྗེས་ལུས་པོར་ཆུ་ཡིས་མ་འདང་ན། ཁྲག་རྒྱུན་གྱི་འཁོར་རྒྱུག་ལ་ཚོར་བ་སྐྱེན་པའི་མཁལ་མ་ལ་འཁོར་རྒྱུག་གིས་མི་འདང་བའི་སྣང་ཚུལ་འབྱུང་། གཞན་དུ་ཝུ་ཆང་དང་ཆང་སེར་ལྟ་བུ་ལ་ཕིའོ་ལིན་འདུས་ཚད་ཤིན་ཏུ་མཐོ་བས། གཅིན་སྐྱུར་མཐོ་བའི་ཁྲག་ནད་བསྐྱེད་དེ། དྲེག་ནད་དང་གཅིན་སྐྱུར་རྡེའུ་འབྱུང་བར་མ་ཟད། ད་དུང་མཁལ་མར་འགྲམས་རྨའང་འབྱུང་། རིམ་དང་རིམ་གྱིས་མཁལ་ནུས་ཉམས་པའི་ནད་དུ་འགྱུར་བ་ཡིན།དེ་བས། མ་གཞི་ནས་མཁལ་མའི་ནད་ཡོད་པ་དང་། སྒོས་སུ་ཁྲག་ཤེད་མཐོ་བའི་ནད་དང་གཅིན་སྙི་ཟ་ཁུའི་ནད། གཅིན་སྐྱུར་མཐོ་བའི་ཁྲག་ནད་སོགས་ཀྱི་བླ་གཉན་ཡང་བསྡོངས་པ་ཡིན་ན། ཆང་འཐུང་མི་རིགས་སོ།།ཡོང་ཁུངས། ཀྲུང་གོ་བོད་ཀྱི་དྲ་བ།
རྩོམ་སྒྲིག་འགན་ཁུར་བ། ཀླུ་མགོན་རྒྱལ།
ལྟ་སྐུལ་བ། གཡང་འབུམ་ཚེ་རིང་། སྤྱི་ཁྱབ་ལྟ་སྐུལ་བ། ལིག་ཙུན་ཁོས།![]()
责编/冷公加
监制/杨本才让 总监制/刘增奎
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
