ཟླ་10ཚེས་12ཉིན། 2024ལོར་ཆེས་རེ་སྒུག་བྱེད་འོས་པའི་སྐར་མ་དུ་བ་མཇུག་རིང་ཙི་ཅིན་ཧྲན་-ཨ་ཐེ་ལ་སི་སྐར་མ་དུ་བ་མཇུག་རིང་(རྒྱལ་སྤྱིའི་ཨང་རྟགས་C/2023 A3)དེ་སའི་གོ་ལ་དང་ཆེས་ཉེ་བའི་སར་གཅར་རྒྱུ་རེད། ཉིན་དེར་ཉི་མ་ནུབ་རྗེས། སྐར་མ་དུ་བ་མཇུག་རིང་སེར་པོ་དེ་མཁའ་ལ་ཤར་ནས་སྐར་མ་10ནས་20རིང་ཀུན་གྱིས་ཐད་ཀར་མཐོང་ཐུབ།
དོ་སྣང་བྱེད་འོས་པ་ཞིག་ལ། སྐར་མ་དུ་བ་མཇུག་རིང་དེའི་འཁོར་ལམ་ནི་དམིགས་བསལ་གྱི་འཇོང་དབྱིབས་ཤིག་ཡིན་ལ། ལོ་ངོ་ཁྲི་6རེར་ལྟ་ཞིབ་ཚད་ལེན་གྱི་གོ་སྐབས་རེ་ཡོད་པས། རེ་སྒུག་བྱེད་རིན་ཆེན་པོ་ཡོད།
དེའི་རྗེས་ཀྱི་ཉིན་འགའི་ནང་། སྐར་མ་དུ་བ་མཇུག་རིང་དེ་དང་ཉི་མའི་ཟུར་གྱི་བར་ཐག་མགྱོགས་མྱུར་ཇེ་རིང་དུ་འགྱུར་བས། ཐད་ཀར་མཐོང་ཐུབ་ལ་ལྟ་ཞིབ་ཀྱི་དུས་ཡུན་ལེགས་ཤོས་རེད། ཉི་མ་ནུབ་རྗེས་ཕལ་ཆེར་ཆུ་ཚོད་གཅིག་གི་ནང་ནུབ་ཕྱོགས་ཀྱི་ནམ་མཁའ་ནས་མཐོང་ཐུབ་པ་རེད།
ཟླ་10པའི་ཟླ་མཇུག་ཏུ། སྐར་མ་དུ་བ་མཇུག་རིང་གི་གསལ་ཚད་ཅུང་ཞན་དུ་འགྱུར་ནའང་། ཉི་མ་དང་ཟུར་གྱི་བར་ཐག་མུ་མཐུད་དུ་ཇེ་ཆེར་སོང་བའི་དབང་གིས། ཀུན་གྱིས་དེ་མཐོང་ཐུབ་པའི་དུས་ཡུན་ཇེ་རིང་དུ་འགྲོ་བ་དང་། ས་རུབ་རྗེས་དུས་ཚོད་གཉིས་གསུམ་ཙམ་གྱི་ལྟ་ཞིབ་དུས་ཡུན་ཡོད།
སྐར་མ་དུ་བ་མཇུག་རིང་དེའི་འཁོར་ལམ་ནི་དངོས་འཕངས་ཐིག་ཡིན་པས། དེ་ཉིད་ཉི་མ་དང་སའི་གོ་ལ་དང་རྒྱང་ཐག་རིམ་བཞིན་རིང་དུ་གྱུར་བ་དང་བསྟུན་ནས། གསལ་ཚད་རིམ་བཞིན་ཇེ་ཞན་དུ་འགྱུར་རྒྱུ་རེད། མིག་སྔའི་སྔོན་དཔག་ལྟར་ན། ཕལ་ཆེར་ཟླ་11པ་ནས་བཟུང་ཐད་ཀར་མཐོང་དཀའ་བར་འགྱུར་ངེས།
