སངས་རྒྱས་ཆོས་ལུགས་དང་ཡེ་ཤུའི་ཆོས་ལུགས་བར་གྱི་ཁྱད་པར་བཅོ་བརྒྱད།
རྣམ་རྒྱལ།
ཡི་གེ་འདི་ནི་ཡེ་ཤུའི་ཆོས་ལུགས་ཀྱི་ཆོས་དཔོན་ཞིག་གིས་དྲི་བ་བཏོན་ཞིང་། ཡེ་ཤུའི་ཆོས་ལུགས་ཀྱི་ཆོས་དཔོན་ཞིག་དང་ནང་བའི་དགེ་བཤེས་གཉིས་ཀྱིས་དྲིས་ལན་བཏབས། དྲང་པོ་དང་དངོས་ཡོད་ཡིན་ཆེས་ཆོག་གོ།།
གཅིག ལྷ་ཞེས་པ་དེ་ཡོད་དམ་མེད། ཡེ་ཤེས་ཆོས་ལུགས་ཀྱིས། འཇིག་རྟེན་ཁམས་འདི་ལ་གནམ་བདག་ཅིག་ཡོད་པ་འདི་གཅིག་པུ་ནི་བླ་ན་མེད་པའི་གཙོ་བདག་ཅིག་ཡིན་པ་ཡིད་ཆེས་པ་ལས་གཞན་ཚང་མ་ལྷ་རྫུན་མ་ཡིན། འོན་ཀྱང་འཇིག་རྟེན་པས་ཡེ་ཤུ་དང་གནམ་བདག་ཁོ་ན་ལ་དད་པ་བྱེད་པ་ལས་གཞན་སུ་ལའང་བྱེད་མི་ཆོག རྒྱུ་མཚན་ནི་ཡེ་ཤུ་དང་གནམ་བདག་ནི་ལོག་ལམ་འགོག་ཐུབ་པའི་ལྷ་ཡིན་པས་སོ།། སངས་རྒྱས་ཆོས་ལུགས་ཀྱིས། སེམས་ཅན་ཐམས་ཅད་འདྲ་མཉམ་དང་རྒྱུ་འབྲས་རྟེན་འབྲེལ་ལ་ཡིད་ཆེས་ཤིང་།གནའ་བོའི་སངས་རྒྱས་ཆོས་ལུགས་སུ་ལྷ་གང་རུང་ཞིག་ཡོང་ནས་ཁ་ལོ་སྒྱུར་བ་ཡིད་མི་ཆེས་པ་ལས་འཇིག་རྟེན་ཁམས་འདི་ལ་གྲངས་མེད་པའི་ལྷ་འདྲེ་དང་སངས་རྒྱས་ཡོད་པ་ཡིད་ཆེས།
གཉིས། བྱ་དངོས་ཡོད་དགུ་གང་ནས་ཡོང་བ་ཡིན་ནམ། ཡེ་ཤུའི་ཆོས་ལུགས་ཀྱིས། བྱ་དངོས་ཡོད་དགུ་གནམ་བདག་གིས་གསར་སྐྲུན་བྱས་པ་ཡིད་ཆེས། སངས་རྒྱས་ཆོས་ལུགས་ཀྱིས། བྱ་དངོས་ཡོད་དགུ་རྒྱུ་འབྲས་ལ་བརྟེན་ནས་སྐྱེ་བ་ཡིན་ཞིང་འཇིག་རྟེན་དང་ཁམས་སོགས་མཐའ་མེད་དོ།། གནམ་བདག་ཅེས་པ་ནི་ལྷ་གང་རུང་ཞིག་ཡིན་ལ་ཁོས་རང་ཁོ་ན་ལ་བདེ་སྐྱིད་བསྐྲུན་ཐུབ་པ་དང་ཁོ་དང་འབྲེལ་ཡོད་ཀྱི་བྱ་དངོས་ལ་ཕན་པ་བྱེད་པ་ལས། བྱ་དངོས་གཞན་པ་བསྐྲུན་པའི་ནུས་པ་མེད།
གསུམ། ཉེས་པ་འབྱུང་རྐྱེན་གང་ཡིན་ནམ། ཡེ་ཤུའི་ཆོས་ལུགས་ཀྱིས།དམ་པའི་གསུང་རབ་ནི་བདེན་ལུགས་ཡིན་པ་ཡིད་ཆེས་ཤིང་། ཡབ་མེས་ཡ་ཏང་ནས་བཟུང་གང་ཟག་སུ་ཡིན་ཡང་ཉེས་པ་ཡོད། སངས་རྒྱས་ཆོས་ལུགས་ཀྱིས་རྒྱུ་འབྲས་འཁོར་བར་ཡིད་ཆེས་པ་ལས་ཉེས་པ་ཞེས་པ་ཞིག་ཚུགས་ཐུབ་ཏུ་ཡོད་པ་ཡིད་མི་ཆེས། མི་གཤིས་ལ་དྲན་ཚུལ་དགེ་བ་དང་མི་དགེ་བ་ཡོད་པའི་རྐྱེན་གྱིས་དགེ་མི་དགེའི་ལས་བསྒྲུབས། མི་སུ་ཡིན་ཡང་རང་གི་བྱ་སྤྱོད་ལ་འགན་ཁུར་དགོས་པ་མ་ཟད། ངེས་པར་དུ་བསྙེན་པ་སོགས་བྱས་ཏེ་རང་གི་མི་དགེ་བའི་ལས་ཇེ་ཉུང་དུ་གཏོང་སྟེ་དགེ་བའི་ལས་ཇེ་མང་དུ་བཏང་དགོས།
བཞི། རྣམ་ཤེས་ཡོད་མེད།ཡེ་ཤུའི་ཆོས་ལུགས།ལྷ་ཡུལ་དང་དམྱལ་ཁམས་ཁོ་ན་ཡོད་པ་ཡིད་ཆེས།མའི་རྣམ་ཤེས་ཀྱང་ས་འདི་གཉིས་ལས་གཞན་འགྱུར་བ་མེད།སངས་རྒྱས་ཆོས་ལུགས་ཀྱིས།འགྲོ་དྲུག་གི་འཁོར་ལ་ཡིད་ཆེས།ལྷ།མི།ལྷ་མ་ཡིན།དམྱལ་བ།ཡི་དྭགས།དུད་འགྲོ།སེམས་ཅན་ཐམས་ཅད་ཀྱི་ཚེ་སྲོག་འདིའི་ནང་དུ་འདུས་ཤིང་།འགྲོ་བའི་རྣམ་ཤེས་ནི་ཉོན་མོངས་ལས་མ་གྲོལ་བར་དུ་ལྷ་དང་།མི།ལྷ་མ་ཡིན།དམྱལ་བ།ཡི་དྭགས། དུད་འགྲོ་བཅས་རིགས་དྲུག་གི་གནས་སུ་འཁོར་ཞིང་ལམ་གང་ཞིག་ལ་སྐྱེ་མིན་དེ་གཙོ་བོ་རང་གི་དགེ་སྡིག་ལ་ཐུག་ཡོད།
ལྔ། ལྷའི་འགྲེལ་ཡོད་ཀྱི་རང་བཞིན། གོང་མ་ལ་སྔ་མོ་ནས་ནུས་པ་ཡོད་པ་ཡིད་ཆེས། སངས་རྒྱས་ཆོས་ལུགས་ཀྱིས། ནམ་མཁའ་ན་ཡོད་པའི་ལྷའི་བདེ་བ་ལོངས་སུ་སྤྱོད་རྗེས་སྔར་བཞིན་འཁོར་བར་འཁོར་དགོས། གོང་མ་དང་ཆོས་ལུགས་གཞན་གྱི་བླ་དཔོན་སུ་ཡིན་ཡང་སྒྲིབ་གཉིས་མ་སྤངས་བར་དུ་ཁོ་རང་སྔར་བཞིན་འགྲོ་དྲུག་གི་གནས་སུ་འཁོར་དགོས། ཆོས་ལུགས་ལས་གསུང་པ་ལྟར་ཆོས་ཉམས་སུ་བླངས་ན་སངས་རྒྱས་ཀྱི་གོ་འཕང་ཐོབ་སྐབས་ད་བཟོད་རིགས་དྲུག་ལས་བརྒལ་ཐུབ། དཀའ་སྡུག་བཟོད་མི་དགོས་པ། མི་སུ་ཡིན་ལྷའི་གོ་འཕང་ཐོབ་པའི་རེ་བ་ཡོད།
དྲུག རྣམ་ཤེས་གང་ཞིག་ན་དབང་ངམ། ཡེ་ཤུའི་ཆོས་ལུགས་ཀྱིས།དད་མོས་བ་དག་ཤི་སོང་ནའང་རྣམ་ཤེས་ལ་སྔར་བཞིན་ཚོར་བ་ཡོད་པ་ཡིད་ཆེས། ལྷ་ཡུལ་ནས་ཁོ་ལ་དབང་བའི་བདེ་སྐྱིད་ཀྱི་འཚོ་བ་ལོངས་སུ་སྤྱོད་བཞིན་ཡོད། སངས་རྒྱས་ཆོས་ལུགས་ཀྱིས། སངས་རྒྱས་པ་ནི་ཆེས་མཐར་ཐུག་གི་དམིགས་ཡུལ་ཡིན་ཞིང་དེ་ནས་བདེ་བ་ཅན་གྱི་ཞིང་ཁམས་སུ་གནས་པའམ་འགྲོ་བ་རིགས་དྲུག་གི་སྡུག་བསྔལ་གྱི་གནས་སུ་ལྷུང་བ་དག་ལ་མགོན་སྐྱབས་བྱེད་ཐུབ།
བདུན། སྐྱབས་མགོན་སུ་བྱེད་དགོས་སམ། ཡེ་ཤུའི་ཆོས་ལུགས་ཀྱིས།སྐྱབས་མགོན་ཡེ་ཤུ་ནི་ལྷའི་རྣམ་པར་བྱས་ནས་མི་བྱས་ཤིང་། ལྷ་ངོ་མ་ཞིག་དང་མི་ངོ་མ་ཞིག་ཡིན། སངས་རྒྱས་ཆོས་ལུགས་ཀྱིས། ཉམས་སུ་བླངས་ནས་སུ་ཞིག་སངས་རྒྱས་སོང་ན་སུ་ཡིན་ཡང་སྐྱབས་མགོན་བྱེད་ཆོག་ལ་སེམས་ཅན་གཞན་པ་སྐྱོབས་ནུས། སྐྱེ་འགྲོ་ཚང་མ་འདྲ་མཉམ་དང་རང་ཉིད་རང་དབང་དང་ལྡན་པ་སུ་ཞིག་གིས་ཀྱང་དབང་དུ་སྒྱུར་མི་ཐུབ།
བརྒྱད། ལམ་ཞེས་པ་གང་ནས་ཡོང་བ་ཡིན། ཡེ་ཤུའི་ཆོས་ལུགས་ཀྱིས་མ་གཞི་ནས་ལམ་ཐམས་ཅད་ཡོད་ལ། སངས་རྒྱས་ཆོས་ལུགས་ཀྱིས་སྟོན་པ་ཐུགས་རྗེ་ཅན་གྱིས་མི་ལོ་བཞི་བཅུ་ལྷག་ཅིག་ལ་ཆོས་འཆད་ཅིང་སློབ་བུ་དག་གིས་ཟིན་བྲིས་སུ་བཀོད་ནས་སངས་རྒྱས་ཀྱི་གསུང་འདི་གྲུབ་པ་རེད། དེ་ནས་རིམ་གྱིས་མཁས་པ་དག་གིས་རྒྱུད་འཛིན་བྱས་ནས་སངས་རྒྱས་ཆོས་ལུགས་དར་སྤེལ་གཏོང་།
དགུ། ལྷ་དང་མི། ཡེ་ཤུའི་ཆོས་ལུགས་ཀྱིས། ཡེ་ཤུའི་གཉེན་སྒྲིག་མེད།ཕལ་ཆེར་ལོ་བཅུ་གསུམ་ཡས་མས་ནས་ཆོས་འཆད་ཅིང་མི་སྲོག་བསྐྱབས་རྗེས་སུ་ཤིང་གི་རྒྱ་གྲམ་ཞིག་གི་སྟེང་དུ་འཛེར་མ་རྒྱབ་ནས་དཀྲོང་། སངས་རྒྱས་ཆོས་ལུགས་ཀྱིས། སྟོན་པ་ཤཱཀྱ་ཐུབ་པས་མི་ཚེ་འདྲ་མིན་མང་བོ་བརྒྱུད་རྒྱལ་བོའི་རྒྱལ་སྲིད་ཀྱང་དོར། རི་ཁྲོད་དུ་ཕེབས་ཏེ་གནས་ལུགས་རྟོགས། བྱང་ཆུབ་ཤིང་གི་འོག་ནས་རྟོགས་པ་སྐྱེས། དགུང་གྲངས་བརྒྱད་ཅུ་བར་དུ་ཆོས་ཁྲིད་གནང་།
བཅུ། སྲོག་སྐྱབས་པའི་ཐོབ་པ། ཡེ་ཤུའུ་ཆོས་ལུགས་ཀྱིས། མི་རང་གི་སེམས་གཏིང་ནས་འགྱོད་བཤགས་ཞུས་སྟེ་ཡེ་ཤུའི་རྒྱ་གྲམ་སྟེང་དུ་སྐྱོབས་པ་དང་དུ་ལེན་དགོས། སངས་རྒྱས་ཆོས་ལུགས་ཀྱིས། རང་གི་རྣམ་དཔྱོད་ཀྱི་རྩལ་ལ་བརྟེན་ནས་སངས་རྒྱས་དང་། ཆོས། དགེ་འདུན་རྣམས་ཀྱི་ལམ་སྟོན་དང་དུ་བླངས་ནས། རང་ཉིད་རང་གི་ཁ་ལོ་བསྒྱུར་ཐུབ་པ་ལ་སྦྱང་དགོས།
བཅུ་གཅིག ལྷའི་གཤིས་ཀའི་དྲི་བ། ཡེ་ཤུའུ་ཆོས་ལུགས་ཀྱིས། སྔོན་ཡེ་ཤུས་ངག་ཐོག་ནས་བསླབ་བྱ་དང་རླབས་ཆེན་གྱི་བྱས་རྗེས་བཅས་ཀྱིས་མི་སྲོག་སྐྱོབས་པ་རེད། སངས་རྒྱས་ཆོས་ལུགས་ཀྱིས་སྟོན་པ་ཤཱཀྱ་ཐུབ་པ་ལ་བྱས་རྗེས་རླབས་ཆེན་ཡོད་ཅིང་། སངས་རྒྱས་ཆོས་ལུགས་ལྟར་སྒོམ་ནས་མཐར་ཕྱིན་པའི་མིས་ཀྱང་རླབས་ཆེན་གྱི་བྱ་བ་སྒྲུབ་ཆོག
བཅུ་གཉིས། སུ་ཞིག་གི་ཆེད་དུ་ཤི་བ་དང་ཅིའི་ཕྱིར་དུ་ཤི་བ། ཡེ་ཤུ་ཆོས་ལུགས་ཀྱིས། ཡེ་ཤུ་རྒྱ་གྲམ་སྟེང་དུ་འཛེར་མ་རྒྱབ་ནས་དཀྲོང་ཡང་ཉིན་གསུམ་གྱི་རྗེས་ནས་གསོན་པོ་རུ་གྱུར་ནས་ལྷ་ཡུལ་དུ་འཕུར་སོང་། འདིས་ཁོ་རང་ལྷ་ཞིག་ཡིན་པ་བདེན་དཔང་བྱེད་ཐུབ། སངས་རྒྱས་ཆོས་ལུགས་ཀྱིས་སྟོན་པ་ཤཱཀྱ་ཐུབ་པ་དང་སངས་རྒྱས་མང་བོ་ཞིག་གིས་རང་གི་མ་འོངས་ལ་ཚོད་དཔག་བྱེད་ཐུབ། སྐུ་ཚེ་གང་བོར་ཆོས་འཆད་ཉན་ལེགས་པར་བྱས་ནས་སྐུ་ཞི་བར་གཤེགས། གོང་མ་དང་མི་སེར་ཕྱོགས་གཉིས་ནས་གུས་པ་བླ་མེད་ཐོབ།
བཅུ་གསུམ། གསུང་རབ་ཀྱི་འབྱུང་ཁུངས། ཡེ་ཤེས་ཆོས་ལུགས་ཀྱིས།དམ་པའི་གསུང་རབ་ནི་གཙོ་བདག་གིས་ལམ་སྟོན་གནང་བ་ཡིན་ལ།དམ་པའི་ལྷའི་དབང་བོ་ཐུགས་དགོངས་ལ་སེམས་འགུལ་ཐེབས་ཐུབ་པའི་མིས་བྲིས་པ་ཡིན། མིས་དམ་པའི་གསུང་རབ་ལ་འཕྲི་བཅོས་བྱེད་མི་ཆོག སངས་རྒྱས་ཆོས་ལུགས་ཀྱིས། འཇིག་རྟེན་ཁམས་འདིར་མཐའ་མེད་ལ། སྐྱེ་འགྲོ་མཐའ་དག་རིགས་མི་གཅིག བདེན་ལུགས་ནི་དཔེ་དེབ་ཅིག་གིས་གསལ་བཤད་བྱེད་མི་ནུས་ལ་ཆོས་གཞུང་པོད་སྟོང་ཕྲག་དུ་མའི་ནང་ཆོས་ཀྱི་གཞུང་དེ་དག་འདུལ་ཁྲིམས་དང་། དཔྱད་པ། རྒྱུ་མཚན། སྦྱིན་པ་བཅས་ནི་མི་མཐོ་དམན་ཀུན་གྱིས་སློབ་སྦྱོང་བྱེད་ཆོག
བཅུ་བཞི། ལྷ་དང་མིའི་འབྲེལ་བ། ཡེ་ཤེའུ་ཆོས་ལུགས་ཀྱིས། དམ་པའི་གསུང་རབ་ཀྱིས་ལྷ་དང་མི་ཁྱད་པར་གསལ་བོ་བྱས་ཡོད་ལ་ལྷ་ནི་ལྷ་ཡིན་ལ། མི་ནི་མི་ཡིན། མིས་འགྱོད་བཤགས་ཞུས་ནས་ལྷག་བསམ་རྣམ་དག་གིས་ལྷ་ལ་གུས་འདུད་དང་སྤྲོ་སྣང་གིས་ཁེངས་དགོས་པའོ།། སངས་རྒྱས་ཆོས་ལུགས་ཀྱིས། སྐྱེ་འགྲོ་མཐའ་དག་འདྲ་མཉམ་དང་བཟོད་སྒོམ་ཡིན་ལ་མི་སུ་ཡིན་ལྷའི་གོ་འཕང་ཐོབ་ཆོག་པར་མ་ཟད་སངས་རྒྱས་ཆོག
བཅོ་ལྔ། དད་གུས་བྱེད་དགོས་ས་སུ་ཡིན། ཡེ་ཤུའི་ཆོས་ལུགས་ཀྱིས།དམ་པའི་གསུང་རབ་ནི་མིས་སེམས་ཁམས་དང་དྲང་བདེན་གྱིས་གཙོ་བདག་ལ་དད་གུས་བྱེད་དགོས། རྒྱུ་མཚན་ནི་དམ་པའི་ཐུགས་དགོངས་ནི་མའི་མིག་གིས་མཐོང་མི་ཐུབ་པས་མིས་ཁོང་གི་སྐུ་བརྙན་རྐོས་ནས་ཞེན་རྟེན་བྱེད་མི་རུང་། སངས་རྒྱས་ཆོས་ལུགས་ཀྱིས། སངས་རྒྱས་དང་བྱང་ཆུབ་སེམས་དཔའ་ནི་དད་ལྡན་པས་མིག་དཔེ་ལྟ་ས་ཡིན།ཁོ་ཚོ་ལ་དད་གུས་བྱེད་པ་ནི་གུས་པ་དང་སློབ་སྦྱོང་ཁེངས་སྐྱུང་བཅས་མཚོན་པ་ལས་ཁ་ལོ་སྒྱུར་བའི་སུན་འབྱིན་པའི་དམིགས་ཡུལ་ཞིག་མིན།
བཅུ་དྲུག མི་དང་བྱ་དངོས་ཡོད་དགུ་བར་གྱི་འབྲེལ་བ། ཡེ་ཤེའུ་ཆོས་ལུགས་ཀྱིས། དམ་པའི་གསུང་རབ་ལས་མི་དང་དུད་འགྲོའི་ཁྱད་པར་ཧ་ཅང་གསལ་ལ། མི་དུད་འགྲོ་རུ་འགྱུར་ཐབས་མེད་ལ་དུད་འགྲོའང་མི་རུ་འགྱུར་ཐབས་མེད། མི་ནི་གཙོ་བདག་གིས་རྣམ་པའམ་བཟོ་ལྟ་ལ་བལྟས་ནས་བསྐྲུན་པ་ཡིན་པས་མི་ནི་སྐྱེ་འགྲོ་མཐའ་དག་ལས་ལྷག་ལ་འཛམ་གླིང་གི་བདག་པོའང་ཡིན། སངས་རྒྱས་ཆོས་ལུགས་ཀྱིས། སེམས་ཅན་མཐའ་དག་འདྲ་མཉམ་དང་ཐམས་ཅད་འཁོར་བ་ལས་འཁོར་ཞིང་འཁོར་བའི་རྒྱུན་བར་མེད་དུ་བརྒྱུད་ནས་ཚེ་སྲོག་ཐམས་ཅད་སྔོན་ཁྱོད་ཀྱི་ཉེ་འབྲེལ་ཡིན་སྲིད་པས་བྱམས་སྙིང་རྗེ་བྱང་ཆུབ་ཀྱི་སེམས་ཀྱིས་བྱ་དངོས་མཐའ་དག་ལ་སྤྱོད་ཚུལ་འཛིན་དགོས།
བཅུ་བདུན། གཞན་གྱིས་སྐྱབས་དགོས་སམ་རང་གིས་རང་ལ་བསྐྱབ་ཏུ་འཇུག་དགོས། ཡེ་ཤུའི་ཆོས་ལུགས་ཀྱིས། མི་སྲོག་སྐྱབས་པ་དང་ངེས་པར་དུ་ཡིད་ཆེས་དགོས་པ། བསྡུ་ལེན་བྱེད་ཡེ་ཤུའི་སྐྱབས་པ་ཡིན་པ་ལས་རང་གི་སྒོམ་པ་ལ་བརྟེན་པ་མ་ཡིན། བྱ་སྤྱོད་བཟང་པོས་ཁྱོད་ཀྱི་ཉེས་པའི་ཁོ་སྐོང་མི་ནུས།གཙོ་བདག་གི་ལྷད་མེད་གྱི་དྲང་བདེན་གྱི་མདུན་ནས་མི་སུ་ཡིན་ཡང་རང་ཉིད་ལ་དྲང་བདེན་ཡོད་ཅེས་ལབ་ན་དོད་མི་མཉམ། ཁ་རོག་གེ་དང་སྲོག་སྐྱབས་པའི་དྲིན་ལན་དང་དུ་ལེན་དགོས། སངས་རྒྱས་ཆོས་ལུགས་ཀྱིས། རང་གི་བཞེད་དོན་ལྟར་རང་གིས་རང་ལ་བསྐྱབས་དགོས་ལ་རང་གི་བྱ་སྤྱོད་ལའང་འགན་ཁུར་དགོས། སངས་རྒྱས་ཆོས་ལུགས་ལྟར་ཉམས་སུ་ལེན་ན་ད་བཟོད་བསྐྱབ་ཐུབ། ལྷ་བླ་མར་བདག་ལ་རོགས་གནང་རོགས་ཞེས་གསོལ་འདེབས་བྱས་ན་རང་ཉིད་ཉོན་མོངས་ལས་གྲོལ་ནས་སྤྱོད་ལམ་ལེགས། རང་ཉིད་ཐར་བ་ཐོབ་རྗེས་གཞན་གྱི་ཚེ་སྲོག་སྐྱབས་ཐུབ་པས་ན་ད་བཟོད་སྲོག་སྐྱབས་ཐུབ།
བཅོ་བརྒྱད། སྲོག་སྐྱབས་པའི་ཐབས་ཤེས།ཡེ་ཤུའི་ཆོས་ལུགས་ཀྱིས་སྲོག་སྐྱབས་པའི་ཐབས་ལམ་གཅིག་ཁོ་ན་ཡོད།དམ་པའི་གསུང་རབ་ལས།ཁོ་བོ་ལས་གཞན་སྲོག་སྐྱབས་པའི་ཐབས་མེད་ཅེས་གསུངས།རྒྱུ་མཚན་མི་ཡུལ་ནས་མི་གཞན་གནང་མེད་པས་ང་ཚོ་གཞན་གྱིས་སྲོག་སྐྱབས་པ་ལ་ངེས་པར་དུ་བརྟེན་དགོས།ཡེ་ཤུ་ཡིས་ང་ནི་ལམ་དང་བདེན་ལུགས་ཚེ་སྲོག་བཅས་ཡིན་པས་ང་ལ་ཡིད་མ་ཆེས་ན་མི་སུ་ཡིན་ཡང་ཡབ་ཆེན་ཏེ་གཙོ་བདག་གི་མདུན་དུ་མི་ཐོན།སངས་རྒྱས་ཆོས་ལུགས་ཀྱིས།ཆོས་ཀྱི་ཕུང་བོ་བརྒྱད་ཁྲི་བཞི་སྟོང་སངས་རྒྱས་ཀྱི་གོ་འཕང་ཐོབ་པའི་ཐབས་ལམ་ཡིན།ཆོས་སྒོ་རེ་རེ་ཡང་ནད་མི་གཅིག་པའི་ནད་པ་དག་ལ་སྟེར་བའི་སྨན་སྦྱོར་ལྟ་བུ་ཡིན།སངས་རྒྱས་ཆོས་ལུགས་ཀྱིས་རང་ཉིད་འཚང་རྒྱ་བར་འདོད་པའི་མིས་ལམ་དེ་རང་ཉིད་ཀྱིས་ཉམས་སུ་ལེན་ན་སངས་རྒྱས་ཀྱི་གོ་འཕང་ཐོབ་ནུས།ངེས་པར་དུ་སྦྱོང་དགོས་པའི་ལམ་དྲུག་ཡོད།ཚུལ་ཁྲིམས།སྦྱིན་པ་གཏོང་བ།བཟོད་པ།བརྩོན་འགྲུས།བསམ་གཏན། ཤེས་རབ་ཅེས་སོ།།
