ས་གནས་དེ་གའི་དུས་ཚོད་ཀྱི་ཚེས་6ཉིན་གྱི་ཐོ་རེངས། ཨ་རིའི་སྤྱི་མཐུན་ཤོག་ཁག་གི་སྲིད་འཛིན་འདེམ་འགྲན་འོས་མི་ཁྲོམ་ཕུ་ཡིས་ཧྥོ་ལོ་ལི་ཏ་མངའ་སྡེར་གཏམ་བཤད་སྤེལ་ཞིང་། ཁོང་གིས་2024ལོའི་སྲིད་འཛིན་འདེས་བསྐོའི་ཁྲོད་རྒྱལ་ཁ་བླངས་ཡོད་པ་ཁྱབ་བསྒྲགས་བྱས་ཡོད།
ཨ་རིའི་ཧྥུ་ཁེ་སི་སོགས་གསར་འགྱུར་དྲ་བ་འགའི་ཚོད་དཔག་ལྟར་ན། སྤྱི་མཐུན་ཤོག་ཁག་གི་སྲིད་འཛིན་འོས་མི་ཁྲོམ་ཕུ་ལ་ཉུང་མཐར་ཡང་འདེམ་ཤོག་270ཐོབ་ཡོད་པ་དང་། སྔོན་དཔག་བྱས་ན་ཐེངས་འདིའི་ཨ་རིའི་སྲིད་འཛིན་འདེམ་བསྐོའི་རྒྱལ་ཁ་ཁོང་ལ་ཐོབ་སྲིད་པ་རེད།
དེ་ལྟར་ཡིན་མོད། གསར་འགྱུར་ལས་ཁུངས་ཆེ་ཁག་གཞན་འགའ་ཡིས་ད་དུང་ཚོད་དཔག་དེ་འདྲ་བྱས་མེད་ཅིང་། སྲིད་འཛིན་འདེམ་བསྐོ་ཆེན་པོའི་འདེམ་ཤོག་མུ་མཐུད་དུ་རྩིས་རྒྱག་བཞིན་ཡོད།
ཨ་རིའི་སྲིད་འཛིན་འདེམ་བསྐོ་བྱེད་སྟངས་ནི་འདེམ་བསྐོ་ཚོགས་པའི་ལམ་ལུགས་ལྟར་ཡིན་ཞིང་། མངའ་སྡེ་50ཡིས་མི་འབོར་གྱི་བསྡུར་ཚད་ལྟར་འདེམ་ཤོག་བགོ་བཤའ་རྒྱག་བཞིན་ཡོད་པ་དང་། སྤྱིའི་འདེམ་ཤོག་མཁན་538ཁྲོད་ལས་ཉུང་མཐར་ཡང་270ཐོབ་མཁན་དེ་རྒྱལ་བ་ཡིན།
