11-ايدىڭ 15-كۇنى ءپايزاۋات اۋداندىق قوعام حاۋىپسىزدىگى مەكەمەسى قىزىل ميانى زاڭسىز ساتىپ الۋ دەلوسىن انىقتادى، سۋرەتتە: قىلمىس كۇماندىسى ناق مايداندى كورسەتۋدە. سۋرەتتى ەرىكتى ءتىلشى گاۋ كۇن تۇسىرگەن
11-ايدىڭ 11-كۇنى ءپايزاۋات اۋداندىق قوعام حاۋىپسىزدىگى مەكەمەسى مەن شاۋات ساقشى بولىمشەسىنىڭ حالىق ساقشىلارى شارلاۋ جۇرگىزۋ بارىسىندا قاراستى اۋماقتاعى تۇرعىن ا اتايدىڭ قىستاقتاعى بىرنەشە دوسىمەن بىرگە 3 دوڭگەلەكتى ەلەكترسيكلىنىڭ كەبەجەسىنە ”ارام ءشوپ“ تولتىرىپ الىپ، اسىعىس-ۇسىگىس ءوتىپ بارا جاتقانىن بايقايدى.
حالىق ساقشىلارى ولاردى توسىپ قايدا كەتىپ بارا جاتقاندارىن سۇرايدى، ا اتاي بىرەۋلەردىڭ ءار كيلوگرامىن 3 يۋان باعامەن ”جابايى ءشوپ“ ساتىپ الماقشى ەكەندىگىن، تاعى قانشالىق بولسا، سونشالىق ساتىپ الاتىندىعىن ايتقاندىعىن ايتادى.
”توعان بويى تولعان جابايى ءشوپ، ءبىز بۇگىن 4 اربا ءشوپ قازدىق، قازىر بارىپ سالماعىن ولشەتىپ ساتپاقشىمىز“،- دەيدى ا اتاي قۋانىشى قوينىنا سيماي. ول بۇل حابار قىستاققا تارالعاننان كەيىن، كوپتەگەن ادامنىڭ توعان بويىنا بارىپ ”جابايى ءشوپ“ قازعاندىعىن ايتادى.
”جابايى ءشوپ“ تە اقشاعا جاراي ما ەكەن؟ كۇماندانا قالعان حالىق ساقشىلارى دەرەۋ ماتەريال اقتارىپ، كوپ رەت سالىستىرعاننان كەيىن، ا اتايدىڭ ەلەكترسيكلىندەگى جابايى ءشوپتىڭ مەملەكەتتىك 2-دارەجەلى ءتۇيىندى قورعالاتىن جابايى وسىمدىك قىزىل ميا ەكەندىگىن بايقايدى. بۇل جاعدايدى بىلگەننەن كەيىن، حالىق ساقشىلارى دەرەۋ ا اتاي مەن ونىڭ قاسىنداعىلاردى قىزىل ميانى ساقشى بولىمشەسىنە اپارۋعا باستايدى ءارى ءپايزاۋات اۋداندىق قوعام حاۋىپسىزدىگى مەكەمەسى ازىق-تۇلىك، ءدارى-دارمەك، قورشاعان ورتا جاعىنداعى قىلمىستاردى بارلاۋ ۇلكەن اترەتىنىڭ حالىق ساقشىلارىنا حابارلاسادى.
دەلو انىقتالعان سوڭ حالىق ساقشىلارى قىزىل ميانى ۇرلاپ قازعان قىستاق تۇرعىندارىنا سىن ايتىپ تاربيە جۇرگىزۋدە ءارى ۇگىت جۇرگىزىپ زاڭ بىلىمدەرىن جالپىلاستىرۋدا. سۋرەتتى ەرىكتى ءتىلشى گاۋ كۇن تۇسىرگەن
دەرەكتى تاپسىرىپ العاننان كەيىن، ازىق-تۇلىك، ءدارى-دارمەك، قورشاعان ورتا جاعىنداعى قىلمىستاردى بارلاۋ ۇلكەن اترەتى وقيعا بولعان جەرگە بارىپ تەكسەرۋ جۇرگىزىپ، دالەل-ىسپات جيناۋعا ساقشى كۇشىن ۇيىمداستىرادى، ساقشىلار جەرگىلىكتى ورىننىڭ اتىز توعانىن جوندەپ جاتقانىن، بۇرىنعى كونە توعان مەن اتىز قىرلارىندا كوپ مولشەردە قىزىل ميا وسكەنىن، سونداي-اق ءبىر ءبولىم قىستاق تۇرعىندارىنىڭ بىرەۋلەردىڭ ساتىپ الاتىنىن بىلگەننەن كەيىن، قىزىل ميانى ورشەلەنە قازىپ ساتقاندىعىن بايقايدى.
دەلوعا جاۋاپتى حالىق ساقشىلارى تالاي كۇن تەكسەرىپ دالەل-ىسپات الۋ ارقىلى دەلو دەرەكتەرى بىرتىندەپ ايقىندالىپ، ىلگەرىندى-كەيىندى ءپايزاۋات اۋدانى عولتوعىراق قالاشىعىنداعى ساتىپ الۋ اپانىنداعى قىلمىس كۇماندىسى ي xتى، شاۋات قالاشىعىنداعى ساتىپ الۋ اپانىنداعى قىلمىس كۇماندىسى اۋ xتى تۇراقتاندىرادى. 11-ايدىڭ 15-كۇنى دەلوعا جاۋاپتى حالىق ساقشىلارى ەكى باعىتقا ءبولىنىپ قولعا الۋ قىزمەتىن جۇرگىزىپ، ءساتتى تۇردە ي x پەن اۋ xتى قولعا الادى، سونداي-اق ي xتىڭ ساتىپ الۋ اپانىنان 8.73 توننا، اۋ xتىڭ ساتىپ الۋ اپانىنان 7.82 توننا بولىپ، جالپى 16.55 توننا جابايى قىزىل ميانى قولعا تۇسىرەدى.
قىلمىس كۇماندىسى ي x پەن اۋ xتىڭ تاپسىرۋىنا قاراعاندا، 11-ايدىڭ باسىندا ولار عولتوعىراق قالاشىعى مەن شاۋات قالاشىعىنىڭ اتىز قىرلارىندا كوپتەگەن جابايى قىزىل ميا بار ەكەنىن بايقايدى، سونىمەن جەرگىلىكتى ورىن اتىزدى جوندەپ، توعاندى تازالاعان كەزىندە ماڭىنداعى قىستاق تۇرعىندارىن قازۋعا شىرعالاپ، ولارعا جوعارى باعامەن ساتىپ الۋعا ۋادە بەرگەن.
دەلو انىقتالعاننان كەيىن، دەلوعا جاۋاپتى حالىق ساقشىلارى قىستاق تۇرعىندارى ۇرلاپ قازعان قىزىل ميانى ۇستىندە جيىپ الادى ءارى ولارعا سىن ايتىپ، تاربيە بەرۋمەن بىرگە، ۇگىت جۇرگىزىپ زاڭ بىلىمدەرىن جالپىلاستىردى.
دەلو ىشكەرىلەي تەكسەرىلۋدە.
来源：新疆法治报
翻译：唐努尔·赛力克
编辑：阿莱·赫亚克巴依
责编：叶克奋·沙布尔
监制：叶尔兰·努哈
