بىرگە اراق ىشكەننەن كەيىن، اۆتوكولىك ايداپ جولعا شىعىپ قولعا ءتۇستى، ناتيجەدە ولاردىڭ بىرەۋىنىڭ ۇستىنەن ارىز بەرىلگەن جوق، ەندى بىرەۋى قاماقتا جۇمىس ىستەتۋگە ۇكىم ەتىلگەن. بۇل قالاي؟
2023-جىلى 5-ايدىڭ 22-كۇنى ساعات 20 مولشەرىندە بيڭتۋان 2-شى بەلگىلى تۋانىنداعى ليۋ xx پەن ران xx قاتارلى 4 ادام ۇيدە وتىرىپ اراق ىشكەننەن كەيىن سىرتقا شىعادى. ليۋ xx وزىندە كولىك جۇرگىزۋ كۋالىگى جوقتىعىن بىلە تۇرا اراق ءىشىپ ران xxتىڭ اۆتوكولىگىن ايداپ جولعا شىعادى، ال ران xx ونى شەكتەگەندى قويىپ، ءوزى قاسىنا وتىرىپ الىپ ليۋ xxتىڭ تۋان الاڭىنىڭ قاتىناس جول تورابىندا اۆتوكولىك ايداۋىنا جول بەرگەن.
جولدا حالىق ساقشىلارى جاعىنان تەكسەرىلىپ، سپيرت قۇرامىن ولشەگىشتى ۇرلەگەندە ليۋ xxتىڭ قانىنداعى سپيرت قۇرامى 99mg/100ml بولىپ شىققان، بۇل ماس بولىپ اۆتوكولىك ايداۋ بولىپ سانالادى، ونىڭ ۇستىنە كولىك جۇرگىزۋ كۋالىگىن الماعان، ال بۇل قاتەرلى كولىك جۇرگىزۋ قىلمىسىنا بارىپ شاتىلادى. ال ران x اۆتوكولىكتىڭ يەسى رەتىندە، باسقارۋ بورىشىن وتەمەگەن، ونىڭ بۇل ارەكەتى قاتەرلى كولىك جۇرگىزۋ قىلمىسىن بىرگە وتكىزۋ بولىپ قالىپتاسادى.
بۇل دەلو 2-شى ۇلىكول تىڭ يگەرۋ رايوندىق حالىق پروكۋراتۋراسىنىڭ قاراۋىنا وتكىزىپ بەرىلگەننەن كەيىن، وسى پروكۋراتۋرا بىلاي دەپ قارادى: ليۋ xx «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنا» قايشىلىق جاساعان، قاتەرلى كولىك جۇرگىزۋ قىلمىسىن وتكىزگەن دەپ جازالاپ، ءبىر اي قاماقتا جۇمىس ىستەۋگە ۇكىم ەتۋدى ءارى 2000 يۋان ايىپ سالۋدى ۇسىنامىز.
سونىمەن قاتار وسى پروكۋراتۋرا بىلاي دەپ قارادى: ران xx اۆتوكولىك ايداماعانىمەن، الايدا ونىڭ ارەكەتى بىرگە قىلمىس وتكىزۋ قىلمىسىن قالىپتاستىرعان، سوندىقتان قىلمىستىق ىستەر جاۋاپكەرشىلىگى قۋزالۋى كەرەك. ران xx ءوزىن مالىمدەپ، وزدىگىنەن قىلمىسىن مويىنداپ، جازاعا مويىنسال بولعاندىقتان، سونداي-اق ليۋ xxتىڭ كولىك جۇرگىزۋ كۋالىگىن الماعانىن بىلمەگەندىگى سەبەپتى زاڭنىڭ قاتىستى بەلگىلەمەلەرىنە ساي، ونى كەڭشىلىكپەن ءبىر جاقتى ەتۋگە بولادى.
بيىل جىل باسىندا ۇلىكول تىڭ رايوندىق پروكۋراتۋرا مەكەمەسى ران xxتىڭ دەلوسى جونىندە ىسپات تىڭداۋ ءماجىلىسىن وتكىزدى، پروكۋرور ىسپات تىڭداۋشىعا دەلونىڭ ءبىتىرىلۋ بارىسىن بايانداپ، قىلمىس فاكتىن تۇراقتاندىردى جانە ارىز بەرمەۋ ۇيعارىمىن ايتتى. ساراپتاۋ جۇرگىزگەننەن كەيىن، ىسپات تىڭداۋشىلار پروكۋراتۋرا ورگانىنىڭ ران xxتىڭ ۇستىنەن سالىستىرمالى ارىز بەرمەۋ ۇكىمىنە تەگىس قوسىلدى.
3-ايدىڭ 12-كۇنى ۇلىكول تىڭ يگەرۋ رايوندىق پروكۋراتۋرا ليۋ xxتىڭ قاتەرلى كولىك جۇرگىزۋ قىلمىسىنا شاتىلۋى جونىندە 2-شى ۇلىكول تىڭ يگەرۋ رايوندىق حالىق سوتى مەكەمەسىنە الەۋمەتتىك ارىز-شاعىم ۇسىندى. بىرنەشە كۇننىڭ الدىندا حالىق سوتى مەكەمەسى ۇكىم شىعارىپ، پروكۋراتۋرا ورگانىنىڭ قىلمىس اتى، جازا تاعايىنداۋ جونىندەگى ۇسىنىسىن قابىلدادى.
پروكۋرور بىلاي دەپ ەسكەرتەدى:
ماس بولىپ كولىك جۇرگىزۋشىلەر عانا قاتەرلى كولىك جۇرگىزۋ قىلمىسىن قالىپتاستىرادى دەۋگە بولمايدى، ەگەر اۆتوكولىكتى باسقارۋ بورىشى بار ادام (اۆتوكولىك يەسى، بورىشتى ادام) باسقالاردىڭ اراق ىشكەنىن بىلە تۇرا اۆتوكولىگىن ايداۋعا جول بەرسە، قاتەرلى كولىك جۇرگىزۋ قىلمىسىن بىرگە وتكىزۋ قىلمىسىن قالىپتاستىرادى. سوندىقتان ءوزىنىڭ نەمەسە باسقالاردان ۋاقىتشا سۇراپ ايداعان كولىگىنە يە بولۋ كەرەك، جول قاتىناسى حاۋىپسىزدىگىن قورعاۋ باسقالارعا جاۋاپتى بولۋدى ءارى وزىنە دە جاۋاپتى بولۋدى مەڭزەيدى.
来源：新疆法治报
编辑：阿莱·赫亚克巴依
责编：叶克奋·沙布尔
监制：叶尔兰·努哈
