شي جينپيڭ ”پالەستينا حالقىن جاقتاۋ حالىقارالىق كۇنىن“ اتاپ ءوتۋ جينالىسىنا قۇتتىقتاۋ تەلەگرامماسىن جولدادى![]()
شينحۋا اگەنتتىگىنىڭ 11 - ايدىڭ 27 - كۇنى بەيجيڭنەن بەرگەن حابارى. 11 - ايدىڭ 26 - كۇنى بىرلەسكەن مەملەكەتتەر ۇيىمى ”پالەستينا حالقىن جاقتاۋ حالىقارالىق كۇنىن“ اتاپ ءوتۋ جينالىسىن وتكىزدى، مەملەكەت ءتوراعاسى شي جينپيڭ جينالىسقا قۇتتىقتاۋ تەلەگرامماسىن جولدادى. شي جينپيڭ بىلاي دەپ اتاپ كورسەتتى: پالەستينا ماسەلەسى − ورتا شىعىس ماسەلەسىنىڭ وزەگى، حالىقارالىق ادىلدىككە، ادىلەتتىلىككە سايادى. قازىرگى كەزەك كۇتتىرمەيتىن مىندەت − بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ قاتىستى قارارىن جان - جاقتى، ءونىمدى اتقارىپ، تەزىرەك قاقتىعىستى دوعارىپ، سوعىستى توقتاتىپ، ءوڭىردىڭ جاعدايىن باسەڭدەتۋ. ءتۇبىرلى شىعار جول − ”ەكى ەل جوباسىن“ ناقتاپ تياناقتاندىرىپ، پالەستينا ماسەلەسىن ساياسي جولمەن شەشۋدى ىلگەرىلەتىپ، 1967 - جىلعى شەكارانى نەگىز، شىعىس يەرۋ - ساليمدى استانا ەتكەن، تولىق يەلىك ۇقىققا يە تاۋەلسىز پالەستينا مەملەكەتىن قۇرىپ، پالەستينا حالقىنىڭ مەملەكەت قۇرۋ ۇقىعىن، ءومىر ءسۇرۋ ۇقىعىن، ورالۋ ۇقىعىن جۇزەگە اسىرۋ. شي جينپيڭ بىلاي دەپ باسا دارىپتەدى: جۇڭگو پالەستينا حالقىنىڭ ۇلتتىق زاڭدى ۇقىق - مۇددەنى قالپىنا كەلتىرۋ ادىلەتتى ءىسىن باستان - اياق باتىل قولدايدى، پالەستيناداعى ءارقايسى توپتاردىڭ ىنتىماقتى كۇشەيتىپ، «بولشەكتەۋدى اياقتاتىپ، پالەستينانىڭ ۇلتتار ىنتىماعىن كۇشەيتۋ جونىندەگى بەيجيڭ جارناماسىن» تياناقتاندىرىپ، ىشكى جاقتاعى راقايلاسۋدى جۇزەگە اسىرۋىن قولدايدى. جۇڭگو پالەستينانىڭ بىرلەسكەن مەملەكەتتەر ۇيىمىنا رەسمي مۇشە ەل بولۋىن باتىل قولدايدى، اناعۇرلىم كەڭ كولەمدى، اناعۇرلىم بەدەلدى، اناعۇرلىم ناقتى ءونىمدى حالىقارالىق بەيبىتشىلىك ءماجىلىسىن اشۋدى قولدايدى. جۇڭگو ۇزدىكسىز حالىقارالىق قوعاممەن بىرگە سوعىس ءورتىن ءسوندىرىپ، قىرعىنداۋدى توقتاتۋدى بىرگە ىلگەرىلەتىپ، بىرلەسكەن مەملەكەتتەر ۇيىمىنىڭ تاياۋ شىعىس پالەستينا بوسقىندارىن قۇتقارۋ - كومەكتەسۋ جانە قۇرىلىس باسقارماسىنىڭ گازا حالقىنا ادامگەرشىلىك كومەك كورسەتۋىن قولداپ، پالەستينا ماسەلەسىنىڭ ”ەكى ەل جوباسى“ دۇرىس جولىنا قايتا ورالىپ، ەرتەرەك جان - جاقتى، ءادىل، باياندى شەشىلۋىن ىلگەرىلەتەدى.
![]()
