11-ايدىڭ 25-كۇنى اۆتونوميالى رايوندىق قوعام حاۋىپسىزدىگى مەڭگەرمەسى اماندىق باسقارۋ باس اترەتى حابارلاندىرۋ جاريالاپ، قوعام حاۋىپسىزدىگى مينيسترلىگىنىڭ جان سانى ساناق مالىمەتىن جىلدىق حابارلاۋ قىزمەتىن ورنالاستىرۋ تالابىنا ساي، شينجياڭ قوعام حاۋىپسىزدىگى ورگاندارىنىڭ 2024-جىلى 12-ايدىڭ 1-كۇنى ساعات نولدەن 2024-جىلى 12-ايدىڭ 10-كۇنى ساعات 24كە دەيىن نوپوس ىستەرىن ءبىتىرۋدى ۋاقىتشا توقتاتاتىندىعىن حابارلادى (ۋيشيندەگى ”شينجياڭ قوعام حاۋىپسىزدىگى ۋيشين ساقشى ىستەرى“ شاعىن باعدارلاماسىنداعى نوپوس ىستەرىن دە قامتيدى).
جۋىق ارادا نوپوس ىستەرىن ءبىتىرۋى قاجەت بولعان جۇرتشىلىقتىڭ الدىن الا نوپوس ىستەرىن ءبىتىرۋ زالىنا بارىپ كەڭەس سۇراپ ءبىتىرۋىن نەمەسە ۋيشيندەگى ”شينجياڭ قوعام حاۋىپسىزدىگى ۋيشين ساقشى ىستەرى“ شاعىن باعدارلاماسىنا ءوتىنىش بەرىپ، ءىس ءبىتىرۋ ۋاقىتىن لايىقتى ورنالاستىرۋىن، ورىنسىز اۋرە تۋدىرىپ الماۋىن ەسكەرتەمىز.
11-ايدىڭ 25-كۇنى ءۇرىمجى قالالىق جاراتىلىستىق بايلىقتى جانە تۇراقتى مۇلىكتى تىزىمگە الۋ ورتالىعى حابار جاريالاپ، ءۇرىمجى قالالىق قورا-جاي مال-مۇلىك ۇقىعى ساۋدا-ساتتىق ورتالىعىنىڭ اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى ”زەردەلى تۇرعىن ءۇي“ ىستەرىن باسقارۋ جۇيەسىن ينتەرنەتكە كوشىرۋ قىزمەتىنە سايكەسۋ ءۇشىن، وسى ورتالىقتىڭ تۇراقتى مۇلىكتى تىزىمگە الۋعا قاتىستى ءبىر ءبولىم ىستەرىنىڭ ۋاقىتشا توقتايتىندىعىن، اتاپ ايتقاندا، جاڭادان سالىنعان تاۋار ءۇي، وتكەرمەلى ءۇي ساۋداسى (مۇراگەرلىك ەتۋ، مال-مۇلىك ءبولىسۋ سياقتىلار)، ەرلى-زايىپتىلاردىڭ ەسىمىن وزگەرتۋ، سوت مەكەمەسىنىڭ كۇشپەن نوپوس وتكەرتۋى سياقتى وتكەرىپ بەرۋدى تىزىمدەۋ جانە سالىنىپ جاتقان قۇرىلىستاردى كەپىلگە قويۋ ىستەرىن ءبىتىرۋ توقتاتىلاتىندىعىن، بۇدان باسقا قورا-جاي ساۋداسىنا سايمايتىن ىستەردى ءبىتىرۋ قالىپتى ىستەلەتىندىگىن ايتتى.
جۇمىستى ۋاقىتشا توقتاتۋ ۋاقىتى 2024-جىلى 11-ايدىڭ 27-كۇنىنەن (سارسەنبى) 12-ايدىڭ 1-كۇنىنە (جەكسەنبى) دەيىن بولادى، 12-ايدىڭ 2-كۇنى جۇمىس قالپىنا كەلتىرىلىپ قالىپتى بىتىرىلەدى. قالىڭ ءىس ءبىتىرۋشى جۇرتشىلىقتىڭ، كاسىپورىنداردىڭ ءوز قاجەتتەرىمەن بىرلەستىرە وتىرىپ، قاتىستى ءبىتىرۋ جۇمىستارىن الدىن الا ورنالاستىرۋىن سۇرايمىز.
