”مەن ونىڭ وتباسى شارت-جاعدايىنىڭ ناشار ەكەنىن بىلگەندىكتەن، قارىزدى قۋزاۋعا اسىقپادىم، ال قازىر ول قارىزىن مويىنداماي وتىر!“،-دەدى 10-ايدىڭ 15-كۇنى تالاپكەر ليۋ x قۇلجا اۋداندىق حالىق سوتى مەكەمەسىنىڭ قاس قالاشىعى حالىق سوتىندا كەيىگەن تۇردە.
2016-جىلى ليۋ xتىڭ كورشىسى ياڭ x وتباسىنىڭ قيىنشىلىعى سەبەبىنەن ليۋ xتەن 30 مىڭ يۋان قارىز اقشا الادى، ياڭ x قارىز قولحاتىن بەرەدى ءارى قولحاتقا قارىز اقشانىڭ ءوسىمىن انىق جازادى. سول كەزدە ياڭ x ءۇش ايدان كەيىن قارىز اقشانى قايتارۋعا اۋىزشا ۋادە بەرەدى. ءبىراق 3 اي وتسە دە ياڭ x اقشانى قايتارمايدى، ونىڭ وتباسى ەكونوميكالىق قيىنشىلىعىن ويلاپ، ليۋ x تاعى دا كۇتپەكشى بولادى. 2023-جىلعا دەيىن ياڭ xتىڭ اقشا قايتارۋ جايلى اۋىز اشىپ تا قويماعانىن كورىپ، ليۋ x ونىڭ ۇيىنە بارىپ قارىزىن قۋزايدى، ويلاماعان جەردەن ياڭ x قارىز قايتارۋدىڭ كۇشكە يە ۋاقىتىنىڭ ءوتىپ كەتكەنىن سىلتاۋ ەتىپ، اقشانى قايتارۋدان باس تارتادى.
اشۋعا بۋلىققان ول 2024-جىلى 10-ايدىڭ 10-كۇنى قۇلجا اۋداندىق حالىق سوتى مەكەمەسىنىڭ قاس قالاشىعى حالىق سوتىنا ياڭ xتىڭ ۇستىنەن ارىز بەرەدى.
10-ايدىڭ 15-كۇنى جاۋاپتى سۋديا دەلونى قابىلداعاننان كەيىن، جاۋاپكەر ياڭ xپەن بايلانىس جاسايدى، ياڭ x ءوزى قارىز اقشا العان 2016-جىلدان باستاپ ەسەپتەگەندە، 3 جىل ىشىندە ارىز بەرۋدىڭ كۇشكە يە ۋاقىتى ءوتىپ كەتكەندىگىن، تالاپكەرگە اقشا قايتارۋ ويى جوقتىعىن ايتىپ تابانداپ تۇرىپ الادى. سۋديا وعان سابىرلىلىقپەن زاڭدى ءتۇسىندىرىپ تۇرىپ بىلاي دەدى: ليۋ xتىڭ بەرگەن دالەل-ىسپاتىنان قارىز اقشا الۋ توقتامى قاتىناسىنىڭ ورناعاندىعىن كورۋگە بولادى. قارىز اقشا الۋ توقتامى قارىز قايتارۋدى اتقارۋ مەرزىم شەگى جونىندە كەلىسىم جاسالماعان توقتامعا جاتادى. مۇنداي جاعدايدا بەرەشەك ادام كەز كەلگەن ۋاقىتتا قارىزدى وتەۋىنە بولادى، الاشاق ادامنىڭ دا قارىزدى وتەۋدى تالاپ ەتۋىنە بولادى، دەسەدە بەرەشەك ادامعا قاجەتتى دايىندىق ۋاقىتىن بەرۋ كەرەك.
سۋديا زاڭدىق بەلگىلەمەنى ءبىر-بىردەن تۇسىندىرگەننەن كەيىن، 10-ايدىڭ 30-كۇنى جاۋاپكەر ەڭ سوڭىندا 30 مىڭ يۋان قارىز اقشانى قايتارۋعا ماقۇل بولادى، تالاپكەر دە قارىز اقشا الۋ مەزگىلىندە پايدا بولعان ءوسىمدى كەشىرىم ەتەدى، بۇل داۋ-شار ءساتتى شەشىلەدى.
来源：石榴云
翻译：唐努尔·赛力克
编辑：阿莱·赫亚克巴依
责编：库娜依·胡阿泰
监制：叶尔兰·努哈
